مالك قلبي

بارت 13

في المطار

ما ان وصلوا حتي استقلوا سيارة لمنزل جدهم

..

في الاقصر تحديدا منزل صالح المنشاوي

سالي:ماما انا خارجه مع اصحابي

تقي:ماشي ياحبيبتي محتاجه فلوس

سالي:لا معايا

شمس:كفايه خروج ياسالي انتي كل يوم بتخرجي ومع شويه عيال مش مظبوطين

سالي باستهزاء:مش قولتلك متعمليش فيها شيخه عليا ومالهم صحابي كلهم راكبين عربيات اخر موديل

شمس:وانتي بتقيسي الناس بالعربيات

تقي:ملكيش دعوة بيها وانتي طالعه كدا فقريه زي جدك

شمس:لو سمحتي ياماما متغلطيش في جدي الله يرحمه

سليم:ايه صوتكم عالي ليه

تقي:روحي ياسالي لاصحابك

سالي:باي

سليم:في ايه ياشمس

شمس:مفيش حاجه يابابا ع اذنكم

سليم:مالك ومالها ياتقي

تقي:طالعه زي ابوك مفيش علي لسانها غير المبادئ والمثل العليا

سليم:ودي حاجه تضايقك

تقي:لما تكون شايفاني انا واختها بنغلط طول الوقت يبقي اتضايق

سليم:انا مش هتدخل بينكم ياتقي لانك عارفه كويس حتي البنتين مش حاجه مشتركه بينا

تقي:ليه حنيت لحبيبه القلب

سليم:عدي اكتر من عشرين سنه وحور ماتت وانتي مش قادرة تنسي

تقي بحقد:انسي انها خلتني اعيش سنين في فقر الاسم عايشه في قصر لكن باكل بالعافيه انسي انها خلت ابوك غضبان علينا ورافض يدينا فلوس ولولا انه مات وورثنا مكناش هنعيش كويس زي دلوقتي

سليم:عارفه انا مطلقتكيش ليه لحد دلوقتي

تقي باستهزاء:ليه

سليم:لاني مقتنع اني لازم اتعاقب علي اللي عملته لحد م اموت علشان كدا سايبك تعملي مابدالك حتي البنتين متدخلتش في تربيتهم ولولا شمس قربت لابويا بنفسها من صغرها لحد م حننت قلبه عليها ورباها وانتي سبتيه يربيها علي امل يرضي عنك ويديكي فلوس وبسبب كدا هي طلعت زيه طيبه واصيله مش زي اختها اللي انتي كنتي بتتفنني تفسدي اخلاقها وعقلها ازاي سبحان الله متعرفيش تفرقي بينهم في الشكل لكن اخلاق وشخصيه كل واحده هي اللي بتخليني افرق بينهم

تقي:وانت عارف انا مسبتكش ليه

سليم باستهزاء:ليه ياحرمي المصون

تقي:علشان ورث ابوك

سليم:مصالح متبادله يعني

تقي:بالظبط

....

في قصر الدمنهوري

وقد وصلوا ثلاثتهم للمنزل دون اخبار احد

مالك للبواب:رحيم بيه موجود

البواب:ايوة اقوله مين

مالك:قوله ضيوف

البواب:طب اتفضلوا جوا لحد م اديه خبر

..

البواب:رحيم بيه بانتظاركم اتفضلوا

..

حور وقد ركضت الي جدها رحيم

حور:وحشتني ياجدو

رحيم بفرحه:حبيبتي وانتي كمان وحشتيني يابنتي،مالك تعالي في حضني انتك كمان ياولدي

مالك:حضرتك عامل ايه

رحيم:بخير اني شوفتكم

ماليكا:ازي حضرتك ياجدو

رحيم محتضنا ماليكا:انتي ماليكا مش كده

ماليكا:اه ياجدو

جدك احمد هيفرح لما يعرف انكم جيتوا بس ليه محدش اداني خبر كنت استقبلتكم في المطار

مالك:معلش حبينا نعملها مفاجأه

رحيم:احلي مفاجأه تعالوا ادخلوا الكل جوا

..

ما ان دخلوا حتي نهض الجميع بسعاده غير مصدقين ان احفادهم يقفوا امامهم وما ان تبادلا العناق والسلام جميعا حتي جلسا

احمد:والباقي مجوش معاكم ليه

حور:معلش ياجدو هي جات فجأه كدا وبابي وعمو مهاب عندهم شغل ومامي وخالتو زهرة ميقدروش يسبوهم لوحدهم وزينب متقدرش تبعد عن مامي

زوجه احمد:خير ماعملتوا انتم انكم جيتوا

ماليكا:فين عمو تامر وعمتو رحمه واولادهم

زوجه احمد:تامر في الشغل وياسمين مراته وحاتم ورنا عند جدهم وجدتهم النهارده ميعاد زيارتهم ليهم ورحمه في مشوار مع يوسف ومعاهم اياد

زوجه رحيم:طيب اطلعوا ارتاحوا هخليهم يطلعولكم الشنط

ماليكا:عايزة انام في اوضه بابي

حور:وانا كمان عايزة انام في اوضه مامي

مالك:وانا ياريت يطلعولي شنطتي ف اوضه حور

رحيم:حور مين

مالك:ايه ياجدي حور امي حور ياجدي

رحيم:ربنا يرحمها ياابني بس حور كانت بتنام في اوضه جميله

حور بتفهم:خلاص ياحبيبي نام انت ف الاوضه وانا هنام مع ماليكا

مالك:شكرا

حور:عفوا

مالك:ع اذنكم هطلع شنطتي

رحيم:استني هقولهم يطلعوها

مالك:لا خليك انا هطلع بس هي اي اوضه

رحيم:تالت اوضه علي ايدك اليمين

مالك:تمام ع اذنكم

وتركهم وذهب

رحيم:فهموني في ايه انا متأكد ان في حاجه دلوقتي وان دي مش زيارة عاديه

حور:هنفهم حضرتك كل حاجه بس علشان خاطرنا بلاش تتكلموا ف الموضوع قدام مالك بدل مايسيب البيت خالص

رحيم:واحنا سامعين اتفضلوا احكوا

وما ان قصت عليهم كل شي

احمد:مين يصدق ان الماضي يرجع يتفتح تاني

رحيم:وانتم عارفين عايز يعمل ايه

حور:مش بالظبط ياجدو لكن مامي وافقت اننا نيجي معاها علشان نمنعه عن الغلط اللي هيبقي مفيش منه رجعه

رحيم:ربنا يستر

....

مالك:حور انا خارج لو احتاجتوا حاجه رنوا عليا

رحيم:رايح فين

مالك بهدوء:مشوار ياجدي ولو سمحت مبحبش حد يسألني رايح فين وجاي منين ولو حضرتك هتسأل انا ممكن اقعد في فندق

رحيم:خلاص براحتك بس خلي بالك من نفسك

وتركهم وذهب واتصل بأحد ما

مالك:كل حاجه جهزت

المتصل:ايوة ياباشا البنت في كافيه هبعتلك الموقع بتاعه حالا ومعاه صورتها والمعلومات اللي جبتها عنهم

مالك:تمام اظن اتعابك وصلتلك علي حسابك

المتصل:وصلت ياباشا واي خدمه انا موجود

مالك:سلام

..

وما ان انتهي من المكالمه حتي اتصل بإحدي ابناء رجال الاعمال الذي تعرف عليهم عن طريق والده والذي قابله بكل ترحيب وقام بتعريفه علي ابنه وصاروا اصدقاء من سنوات

مالك:الناس اللي باقيلها شهر مبتسألش

هيثم:ايه دا مالك بيه بنفسه افتكر يكلمني وايه دا رقم مصري كمان متقولش انك جيت كدا ازعل

مالك:متاكلش بعقلي حلاوة انت عارف اني كنت مشغول بسبب حوار التخرج دا وجيت فجأه المهم عايزك في خدمه

هيثم:قول ياكبير

مالك:عربيه اخر موديل رياضيه مفيش منها اتنين في مصر تكون عندي في خلال اد ايه

هيثم ضاحكا:ايجار ولا تمليك

مالك:اللي يعجبك انا جاهز

هيثم:بهزر معاك عموما العربيه هتكون عندك في خلال بكرة بالكتير صحيح لسا متهنتش بيها وجبتها بطلوع الروح بس متغلاش عليك

مالك:حبيبي يابرو

هيثم:طب ايه مش هتقولي ايه الحوار

مالك:لما اشوفك المهم سلملي علي والدك واكيد هقابله قبل مانرجع

هيثم:انت جاي انت والعيله ولا ايه

مالك:لا انا وحور وماليكا بس

هيثم وقد رق قلبه فور سماع اسم حور

هيثم:ماشي يابرو لينا قاعده

مالك:يلا سلام علشان ورايا مشوار

هيثم:سلام