بارت11

1396 Words

مرت الايام بدون احداث جديده حتي اتي يوم تخرج مالك واستعد الجميع وذهبوا لجامعته ماليكا: مبروك يامالك اتفضل يارب تعجبك مالك: الله يبارك فيكي ياماليكا الورد جميل زينب: طب افتح الهديه مالك: مش وقته لما ارجع البيت خدي خليهم معاكي حور:وانا هديتي في البيت مالك: وانتي ياقرده زينب: جبتلك انا كمان بس في البيت جميله: كلنا جبنالك بس قولنا لما ترجع احسن حور: طيب هروح اودي الحاجات دي العربيه وراجعه .. مر بعض الوقت ولم تعد حور حتي ذهب لها مالك ليراها ووجد شاب يضايقها فقام بضربه ولكمه حتي سالت الدماء من وجهه وتجمع الجميع اثر صوت حور فأبعده شريف عنه واخذوا مالك ورجعوا للبيت شريف:ممكن افهم حصل ايه انت فاكر نفسك فين كان ممكن تتحبس مالك بهدوء مخيف:اللي يلمس حد من اخواتي خاصه حور انا مستعد اقتله ولو حضرتك مكنتش خلصته من ايدي كان زمانه ميت شريف بعصبيه:احنا مش في غابه هنا مالك وقد اشتدت نظراته المخيفه:هتبقي غابه لو سمحت لحد يضايق حد فيهم ولو سمحت يابابا النقاش منتهي في الموضوع دا مهاب:خلاص اهدوا كلكم وكل واحد علي اوضته وانتي ياماليكا خدي حور لاوضتها ماليكا:حاضر يابابي جميله:مالك تعالي معايا عايزاك مالك:لو سمحتي ياامي لو هتتناقشي معايا في اللي حصل ف انا ارفض جميله:اتفضل مالك:ايه دي جميله:دي امانه شيلاها معايا اكتر من عشرين سنه ودا اليوم اللي لازم تستلمها فيه مالك:دي ليا انا جميله:خدها وروح اوضتك وانت هتفهم كل حاجه .... مرت ساعات ولم ينزل مالك للاسفل لتناول الطعام فصعدت ماليكا لكي تطمأن عليه ماليكا:مالك انت صاحي ممكن ادخل فلم يجيبها فقامت بالدخول فوجدته ممسك بدفتر ماليكا:مالك انت سامعني ما ان انتبه لها حتي نظر لها نظره دبت الرعب في اوصالها مالك:انتي ازاي تدخلي من غير اذني ماليكا بخوف:انا اسفه انا خبطت وانت مردتش عليا فدخلت اتطمن عليك مالك:اطلعي برا فخرجت ماليكا تبكي حتي رأتها زينب فذهبت لتخبرهم زينب:مامي الحقي ماليكا بتعيط جميله:ايه اللي حصل زينب:مش عارفه انا شوفتها بتجري داخله اوضتها بتعيط فصعدوا جميعا لها زهرة:ايه حصل بتعيطي ليه ماليكا:مفيش يامامي لو سمحتوا اخرجوا شريف بعصبيه:مالك اللي خلاكي تعيطي ماليكا:لا ياعمو هو ملهوش ذنب انا اللي غلطت شريف بعصبيه:هو فاكر انه هيأدب كل الناس ولا ايه ولا علشان اتعاملت معاه علي انه راجل نسي نفسه ونسي اني كبير البيت دا مهاب:اهدي ياشريف هو اكيد ميقصدش فذهب شريف له ولحقه الجميع خوفا من عصبيه الاثنين شريف:انت بأي حق تعيط ماليكا انت مالك طايح في الكل كدا ليه مالك:لو سمحتوا كلكم اخرجوا زهرة:ياحبيبي مالك بس مالك وقد نظر لها نظرة لما تعهدها منه مالك:قولت برا شريف بحده:اتأسف لزهرة وماليكا حالا مالك بحده فاقت حده شريف:وانا قولت برا شريف وقد صفعه علي وجهه لاول مرة تحت صدمه الجميع جميله وقد وقفت بينهم:ايه اللي عملته دا ياشريف هو انت شايفه عيل صغير دا حتي لما كان عيل عمرك ماعملتها ومديت ايدك عليه شريف:اظاهر انه عايز يتربي ونسي ازاي يتكلم مع اللي اكبر منه مالك بنبرة مخيفه :انت بتدافع عن اخت اللي غدر بأمي شريف:امك مين وغدر ايه جميله وقد فهمت انه يقصد حور جميله:بس زهرة ملهاش ذنب مالك:لا ليها وذنبها انها اخته جميله:بس مش عدل بعد السنين دي تغير معاملتك حتي نظرتك ليها مالك:معاملتي ونظرتي بتاعه زمان كانت لانك مفهماني ان امي اتطلقت من اخوها كقسمه ونصيب انما محدش قالي انه طلع زباله وغدر بيها وخانها جميله:بس زهرة قطعت علاقتها بيه مالك:غلطك انك زرعتي جوايا حبي ليها وانها امي التانيه ودايما كنت بسأل نفسي ليه ربنا مش كتبلي اني اشوفها بس بعد ماقرأت وفهمت كل حاجه بقيت مش فاهم غير ان زهرة تبقي اخت سليم وماليكا تبقي بنت اخت سليم شريف:طب بما انك قرأت المذكرات اظن حور ذكرت فيها انها اختارتها هي عن اخوها وامها مالك:مش يمكن المصالح اضطرتها مهاب بحده:مسمحلكش يامالك مالك:تسمحوا او متسمحوش انا مبقاش يفرق معايا غير حاجه واحده وهي حق امي جميله:لكن حور اخدت حقها منه كويس اوي مالك:لسا دوري شريف:اسمعني انا واثق ان حور مطلبتش منك اي حاجه ممكن تأذيك فلو اتصرفت من دماغك اي تصرف غبي صدقني يامالك انا اللي هقفلك مالك بهدوء وصوت يشبه الفحيح:جرب تمنعني شريف:يبقي ملكش مكان في بيتي مالك ضاحكا:تصدق اخدتها من علي طرف لساني انا بالفعل كنت هسيب البيت النهارده جميله:اهدي يامالك انت اكيد فهمت كلام حور غلط مالك:لو سمحتي ياامي لو بتحبيها زي ماكانت بتحبك متقفيش في وشي علي الاقل حاليا جميله:هتروح فين شريف:انتي هتطاوعيه في اللي عايز يعمله دا جميله:اه شريف:يبقي اختارتي ابنك عليا جميله:انا اخترت حور ياشريف شريف ولم يجد مايقوله فتركهم وخرج حور:طب انت هتروح فين مالك:هقعد في اي فندق لحد م اقرر هعمل ايه حور:طب هاجي معاك مالك:مش هينفع ياحور ولو سمحتوا اتفضلوا عايز امي في موضوع خاص فتركوهم وخرجوا مالك:ليه محكتليش جميله:في حاجات لما بنفتكرها ونقولها بتوجعنا اكنها لسا حاصله امبارح مالك:انا مش هشك انك نسيتيها لانك كنتي بتحكيلي عنها كل يوم وزرعتي حبها جوايا ودايما كنتي تقوليلي انها لو كانت عايشه كنت هعتبرها امي اكتر منك لان حبها ليا كان كبير ودا اتأكدت منه من المذكرات دي لكن قدرتي ازاي تعيشي مع زهرة جميله:زهرة من اول لحظه عرفنا فيها ان سليم خان حور وهي وعمي صالح اختارو صفها وقطعوا علاقتهم بيه حتي عمي صالح لما مات كان لسا مقاطع سليم ومامت زهرة وبالنسبه للمصلحه فزهرة مش كدا ومتنساش ان املاك حور كلها باسمي انا وابوك حتي الشغل مجرد مازهرة اتجوزت مهاب وهي قعدت معايا وسابت الشغل زيي واهتمينا بالعيله ومهاب بيشتغل وبياخد نظير شغله اللي يستحقه وبالنسبه للبيت فحور كانت عايزانا نعمل اسرة ومهاب من اول يوم وهو فرد من الاسرة دي هو وزهرة فبلاش تكرههم بسبب ذنب ملهمش دخل بيه واي كان اللي هتقرر تعمله لو في سليم ف انا مش هعترض لاني مازلت مش ناسيه اللي عمله كأنه حصل امبارح مالك:كل اللي عايزه منك ياامي انك تفضلي راضيه عني جميله:راضيه عنك ياحبيبي مالك:طيب ممكن تروحي تراضي زهرة بالنيابه عني لحد م اجهز شنطتي جميله:طب تعالي انت اعتذر مالك:انا اسف ياامي لكن مش هصفي من ناحيه زهرة غير لما احس اني اخدت حق امي من سليم جميله:ماشي يامالك ... زينب:ممكن افهم بتعيطوا ليه حور ببكاء:انتي مش بتحسي يازينب مالك هيسيب البيت ماليكا ببكاء:كل دا بسببي زينب:بسببك ايه بس كل دا بسبب المذكرات اللي مفهمتش هي بتاعه ايه او مين حور:كل اللي يهمني انه مش يسيبنا زينب:اهو نازل اهو حور وماليكا وقد ركضوا عند مالك حور:علشان خاطري خليك ماليكا:انا اسفه والله يامالك اول واخر مرة ازعلك مالك بابتسامه لهم:كفايه دموع انا مضطر امشي واكيد هشوفكم يوميا بس انا محتاج اهدي حور برجاء:طب اجي معاك مالك:ياحبيبتي مش هينفع بكرة هكلمك ونتقابل حور:وعد مالك:وعد وتركهم وذهب .... حور:لو سمحتي يامامي ممكن تفهمينا ايه خلي مالك مش طايق يقعد في البيت للدرجادي جميله:انا مش قادرة احكي ماليكا:كل دا بسببي ياعمتو مش كدا جميله:لا ياحبيبتي دا جرح قديم اوي واتفتح حور:من حقنا نعرف لاننا عيله واحده زهرة:انا هقولكم اخوكي مبقاش طايق البيت ليه جميله:اسكتي يازهرة زهرة:حور عندها حق احنا عيله ولازم يعرفوا كل حاجه بإختصار شديد انتم طبعا تعرفوا حور الله يرحمها كويس حور قبل ماتموت كانت متجوزة اخويا سليم واتطلقوا واظن عارفين كدا لكن اللي متعرفهوش ان سليم طلع زباله وخاين وغدر بيها من ورا ضهرها واتجوز عليها وهم يادوبك كاتبين كتاب بس وهي اخدت حقها يومها واجبرته يطلقها وخسرته كل حاجه وبعدها سافرت بعد فرح جميله وشريف كلهم رجعوا الا انا بسبب المشاكل وقتها لكن انا وبابا قطعنا علاقتنا بيهم من لحظه ماعرفنا ولما حور تعبت كلنا جينا وبابا معايا كمان ولما ماتت اصريت اني افضل مع جميله ف بابا سابني لكن والله فضل مقاطعهم لحد م مات انا كنت علي اتصال يوميا بيه ومتأكده،حور سابت مذكرات لمالك وهو كدا عرف كل التفاصيل ممكن تسألو ليه مالك بالذات،حور كان جواها حب كبير لمالك من قبل مايتولد لدرجه انها لما دخلت ف غيبوبه فضلت تقاوم الموت لحد م اتولد وفاقت فعلا لما جميله وشريف اخدوه لعندها وحضنته وهي اللي اختارت اسمه وبعدها ماتت انا كنت عارفه موضوع المذكرات بس متخيلتش انها تكون كتبت عن سليم وعن جرحها منه وبرضو رد فعل مالك مش متوقع يمكن بسبب الحب اللي اتربي عليه لحور وبقي بيعتبرها امه ويمكن لما قرأ بنفسه عن حبها ليه منها شخصيا فزعله بقي اشد واقوي ماليكا:يعني مالك شايفني قريبه عدوه زهرة:بالظبط علشان كدا مش طايق يفضل معانا ف نفس البيت حور:بس انتم ملكمش ذنب زهرة:مالك زي حور الله يرحمها لو مقتنع انه ليه حق مش هيرتاح غير لما ياخده حور:انا لازم اتكلم معاه ماليكا:اكيد في حل جميله:مفيش غير حل واحد ماليكا:ايه هو جميله:هيكمل انتقام من سليم زهرة:او بنات سليم جميله:مظنش زهرة:لا ظني سليم بقي ضعيف حور سابته ضعيف وضعيف اوي كمان ومالك مش من النوع اللي بيتلذذ بالانتصار قدام خصم ضعيف فهيوجعه في الجزء القوي الوحيد منه وهم بناته جميله:اكيد غضبه مش هيعميه ويغلط زهرة:للاسف ياجميله حب مالك لحور اكبر من اي منطق وعقل انتي شوفتي لمجرد انه عرف اني اخته نسي كل السنين اللي عشناها سوا ف هو اكيد هيغلط وهيندم بس اللي هدعي ربنا بيه انه يكون غلط ينفع يتصلح

Free reading for new users

Scan code to download app

App Store Google Play

Facebookexpand_more