بارت 3

2614 Words

اهذا هو شعور المغترب عندما يعود الي وطنه بعد غياب طويل،برغم انني لم اذهب لمصر ولا مره واحده ولا اعرفها الا ان فور وصولي ارضها شعرت بها تجتاح كياني وسرت في جسدي قشعريره لامست كل ذرة بداخلي -ربنا يستر -مالك يابني هو احنا رايحين نحارب -الحرب اهون من اللي هنعمله دا -ما انت لو تقولي عن اللي انت عارفه ومخبيه هترتاح وتريحني -مش مخبي حاجه -ولا حتي مخبي دادا قالتلك ايه -قالت ايه يعني -شوف انت بقي قالت ايه خلاك تبطل تدور معايا عن اللي يخص عيله الدمنهوري -وصتني عليكي ووصتني ابعد عنك اي اذي بس نست تقولي انك عنيده وهتتعبيني معاكي -اعتبر انه قدرك انك تظهر ف حياتي وتدخل معايا وسط مشاكلي وتحلها معايا ولا سيادتك معترض -هو انا لو عارف اعترض كان زماني رجعت هنا برجلي تاني -بخصوص رجوعك ابقي فكرني لما نخلص من حوار عيله الدمنهوري اننا نروح نشوف عيلتك اكيد مامتك وحشتك -بخصوص وحشتني ف اه وحشتني ونفسي اترمي ف حضنها واشم ريحتها وابوس رجلها كمان بس بخصوص نروح ف دي لا مش هرجع هناك -اجمد كدا اومال انا معاك -ياجامد انت -اومال يابني انت متعرفش انا بنت مين ولا ايه -لا معرفش -تصدق ولا انا اعرف بس خليك فريش كدا اومال -امشي ياقدري بدل م اصوت والم عليكي الناس ف المطار واقول خطفتني -طب اعملها كدا لما اشوف اخر ادائك ايه -هو انا اقدر ياقمر دا انا بهزر -قمر مرة واحده -لا ع مرتين -طب امشي بدل م اروح اسلمك بنفسي واقول خطفته بس مبقتش عايزاه -واهون عليكي ياقمر -قمر تاني طب اتفضل امشي نشوف هنروح الاقصر ازاي .... -ايوة ياسطي الفندق دا شكرا جدا،اصحي ياحور وصلنا -ايه دا انا نمت،معقوله وصلنا -انزلي واندهشي بعدين عايز انام انا كمان -انت حجزت -هحجز ازاي انتي جبتيني علي غفله ياهانم،يلا هنحجز دلوقتي عادي -اوك ماشي ... -ادخلي ارتاحي وبليل هعدي عليكي وننزل -ماشي وانت كمان نام يلا باي -باي ... -ها نمتي كويس -اه وبراحه كمان -ناس نامت براحه وناس شافت كوابيس بس اقول ايه الله يسامح اللي كان السبب -خلاص بقي ياسليم متحسسنيش بالذنب ولو عايز ترجع مش همنعك -انا بهزر ايه اللي بتقوليه دا معقوله هقدر اسيبك هنا لوحدك واروح ف حته من غيرك،انا اسف متزعليش -وانا اسفه كمان -متعتذريش انتي ليك كل العفو والغفران مقدما -بجد -اه -بس انا مش هقدر اديك كل العفو والغفران -ليه -علشان لو وجعتني هتبقي بناهيه ليك وليا -ايه يابنتي متخوفينيش منك -متخفش لاني لسا معترفتش بمشاعري فبتالي انت حر نفسك -طيب يلا علشان ناكل هموت من الجوع -كنت اتمني اعيش الدور واقولك نفسي ادوق الاكل المصري بس للاسف كنت باكله اكتر من الامريكي -تعالي بس الاقصر غيير هتحبيها -لا هناكل ونروح لعيله الدمنهوري،ابقي فرجني علي البلد بعدين -علي طول كدا -ان لاني جايه علشانهم -مش قادر اقولك لا لاني عارفك -شاطر يلا بقي ... -هو القصر دا -اه هو ياحور بس تعالي نرجع -انا ماصدقت اني جيت يلا ندخل -لو سمحت عايزة اقابل كبير عيله الدمنهوري -وحضرتك مين -انا حور شريف -بتقولي مين -بقولك حور شريف -طيب ثانيه واحده ابلغ حسان بيه -سليم انت لاحظت ارتباك الراجل لما عرف اسمي -ليه حق يرتبك من اللي هيحصل دلوقتي -يعني دي عيلتي -ايوة -طب رافض تقولي ليه -لاني وعدت دادا احفظ السر ولو السر مكتوبله ينكشف ف لازم انتي اللي تعرفيه بنفسك وساعتها وظيفتي هي حمايتك من الاذي اللي هيعود عليكي -ماشي ياسليم -حور متزعليش مني انا بحبك ومش عايزك يكون عندك شك في كدا ولولا ان دادا حكتلي كل حاجه وخلتني اوعدها اني مش اقولك صدقيني كان زماني عرفتك هم عيلتك ولا لا بس عنادك مخلاش قدامي حل غير اني اجي برجلي هنا معاكي وهتعرفي كل حاجه بنفسك دلوقتي -حسان بيه بإنتظارك اتفضلي -شكرا -يلا ياسليم -السلام عليكم -انتي مين -انا حور شريف الدمنهوري -وعايزة ايه -عايزة اعرف انتم عيلتي ولا لا -ومين دا -دا سليم صديقي -وابوكي فين -بابا مات من سنين -شريف ابني مات -يعني حضرتك جدي -ايوة يابنتي تعالي في حضني انتي من ريحه الغالي -ليه ياجدي خليت بابا يبعد وليه خليتني احس ان مليش حد -تعالي يابنتي ندخل المكتب وهفهمك كل حاجه قبل م اعمامك ييجو -طيب اسمح لسليم ييجي معايا هو عارف كل حاجه بس حب اني اعرف منكم -ادخلوا معايا،انت عارف ايه ومن مين -دادا زينب اللي حكتلوا كل حاجه بس خلتو يوعدها انه ميعرفنيش حاجه ويحميني -زينب هي فين -انت تعرفها -زينب تبقي اختي يعني عمه ابوكي وجدتك -حضرتك بتتكلم بجد طب ليه بابا وهي مش قالولي -انا هحكيلك كل حاجه حصلت زمان وانتي تحكيلي اللي حصل في حياتك لازم اعرف كل حاجه -حاضر ياجدي -زمان يابنتي كان التار موجود بشكل مبالغ فيه والنفوس كانت ضعيفه وانا كنت من الناس دي وكان في تار بايت بقيلوا سنين بين عيلتنا وعيله المنشاوي وكان المفروض وقتها ان اكبر الاولاد هو اللي ياخده وكان ابوكي هو اكبر اولادي بس كان متعلم ومتنور ودكتور اد الدنيا وليلتها قالي انا دكتور بنقذ مش بقتل ومستحيل اجاريكم في اللي انتم فيه دا وحصلت مشاكل كتيرة بينه وبين اخواته خاصه لانه كان قريب من عيله المنشاوي ومصاحب صالح ابنهم اللي كان المفروض يتقتل بس ابوكي قرر يسيب كل حاجه ولا انه يقتل خاصه لو كان صاحب عمره وسابنا ومشي واخد معاه عمته زينب لانها كانت مربياه بعد موت امه وقتها انا كنت علي علم بسفرهم بس اتظاهرت اني معرفش علشان ولادي ميقولوش اني هربت ابني الكبير -وبعدين -بعدين عمك حسن كان هو اللي بعد ابوكي،كان هو اللي المفروض ياخد بتارنا من عيله المنشاوي ويقتل صالح ابنهم الكبير بس قتل منير اخو صالح ووقتها حبوا ياخدو بتارهم ماهو زي الدايرة مقفوله يابنتي وكلها دم،وقرروا يحرقوا قلب حسن علي اكبر عياله وقتلوه قدام عينه ومن يومها انا عرفت ان ابوكي كان عنده حق وان غضب ربنا هيلاحقنا دنيا واخره ،شوفت عيالي بيقطعوا ف بعض علشان الفلوس وشوفت حسن مستني اني اموت علشان يبقي هو الكبير وياخد بتار ابنه اللي منعته ياخده علشان الدايرة دي تتكسر وكفايه دم اللي راحوا واتطقست علي اخبار ابوكي وعرفت انه بقي ناجح في حياته هناك فقررت ابعد عنه وابعده عن القرف اللي هنا صدقيني يابنتي لو كنت اعرف انه مات كنت جيتلك اخدتك انتي وزينب وجبتكم حميتكم هنا -سليم هو دا اللي الكلام اللي دادا قالتهولك -اه هو بالاضافه انها عرفت اني ابن صالح -انت ابن صالح المنشاوي اللي هرب وسابهم -ايوة ياجدي انا لاني مستحملتش اعيش اكتر من كدا وسطهم -ومراتك -انا سبتلها اوراق الطلاق مع امي عليها توقيعي -بس احنا مسمعناش انها اتطلقت يبقي لسا ع ذمتك -لا اكيد وقعتها اكيد -حتي لو متوقعتش ياسليم ادي لنفسك فرصه -الفرصه دي اتفقنا تدهالي ياحور لو جيت معاكي -لو كنت طلقتها بس هي احتمال كبير تكون لسا مراتك -حيلكم حيلكم فرصه ايه دي -ياجدي سليم كان عايز يتجوزني وكان شرطي انه يرجع معايا -يابني هي رجعت لعيلتها دلوقتي يعني تطلبها مني ولو كنت مش متجوز كنت هوافق لو هي وافقت بس حتي لو وافقت انا مش هوافق وانت متجوز واظن انك مقدر -اكيد مقدر ياجدي وانا هتصرف في الموضوع دا -بس في حاجه مش عارفه افهمها،فين الخطر اللي كلكم خايفين مني عليه م جدي طلع طيب وبيحبني اهو وبيحب بابا -اعمامك هم الخطر -اعمامي انا -ايوه يابنتي عمك حسن من يوم م ابنه اتقتل بقي جواه كره وحقد لابوكي وحمله موت ابنه لانه لولا انه سافر مكنش اضطر انه هو اللي ياخد التار ومكنش نتيجه دا موت ابنه فبقي بيكره ابوكي ويكرهني لاني هددته هحرمه من ورثه لو فكر ياخد بتار ابنه ولو عرف ان شريف عنده بنت مش هيسيب الموضوع بالساهل ومش هيعدي علي خير -يعني ايه هيقتلني مثلا -ميقدرش انا كنت قتلته مطرحه قبل مايلمس شعرة منك -طيب انا عايزة اشوف عيلتي كلها ياجدي كلها وان شاء الله هيحبوني - بصي يابنتي قبل م تطلعي من المكتب دا لازم تحطي كلامي حلقه في ودنك،عمك حسن شر ليكي هو وعياله ومراته،عنده سمير الكبير دا اللي مات ومعاه عاصم ابنه الكبير من بعد سمير الله يرحمه ودا من سن سليم وزي ابوه الشر بيجري في دمه،وعنده سميرة ودي من سن رحمه بنت عمك رحيم وزيها زي امها الحقد ماليها من كل اللي حواليها ومرات عمك اسمها سحر واتمني انك تبعدي عنها وتبعد عنك،دول ياابنتي اعتبريهم هم الاربعه خط احمر ليكي قربك ليه يعني خطر عليكي انما باقي اعمامك ف اللي يهمهم الشغل والفلوس وطالما مش هتيجي عند فلوسهم هيحبوكي والعكس صحيح -انا مش عايزة فلوس ياجدي الحمدلله بابا وماما سايبلي اللي يكفيني -عارف يابنتي انها مستورة بس حق ابوكي ف الحفظ والصون انا فاتح حساب ف البنك كل شهر الارباح بتتقسم عليهم وبشيل نصيب ابوكي من غير ماحد يعرف ودلوقتي بقوا مبلغ كويس اوي -خليهم ياجدي زي ماهم -ماشي يابنتي،تعالي بقي اعرفك علي عيلتك -طيب قبل مانروح هي تيته زينب كان عندها اولاد -اه عندها ابن واحد اسمه شريف علي اسم ابوكي وكانت متجوزة واتطلقت لما قررت تسافر مع ابوكي عرضت علي جوزها يسافر معاهم هو وابنها بس رفض وخيرها بينه هو وابنه وبين ابوكي وهي علشان اللي مربيه ابوكي اختارت ابوكي ونست جوزها والعشرة اللي بينهم وسابت ابنها كان لسا عيل صغير -للدرجادي ضحت علشان بابا طب ليه مش عرفوني انها جدتي -قالتلي قبل ماتموت ان دا كان انسب حل علشان متسأليش عن عيلتك ف مصر،بالمناسبه هو جوزها لسا موجود -ايوة يابني عايش -طيب ممكن حضرتك تقولي عنوانه علشان في رساله من تيته زينب حابب اوصلهاله -هي كانت عارفه اننا هنيجي -لا بلغتني الرساله اللي هقولهاله علي اساس لو انا اللي نزلت مصر -اه طيب،في حاجه تاني ياجدي حابب تقولهالي -احذري من حسن ومراته وعياله يابنتي الباقيين هتدبري امرك معاهم -متقلقش ياجدي -انتي كدا مش هترجعي امريكا -مش دلوقتي ياسليم -ستيڤ عنده علم بمده اد ايه -مفتوحه نرجع براحتنا -ماشي -وانت يابني مش هتروح تشوف اهلك انا سمعت ان امك تعبت من بعد م مشيت -مالها ياجدي -مش عارف بس الكلام اللي وصلني ان صحتها بقت ف النازل من الزعل عليك فواجب عليك تروح وتصفي خلافاتكم -حاضر ياجدي هروح -طيب يلا نروح نشوفها -تروحي فين ياحور -اروح معاك عايزة اشوف اهلك ولا مراتك ممكن تضايق -مراتي ايه بس -خلاص بعد اذن جدي اروح معاك -معنديش مانع بس هاجي معاكم مش هينفع اسيبك لوحدك -متقلقش ياجدي عليها -معلش يابني انا عارف انك راجل وثقه زينب فيك تخليني اثق فيك انا كمان بس دي اللي باقيالي من الغالي ومش هينفع اسيبها -اللي تشوفه ياجدي تشرفنا وتنورنا واهو تهدي الجو شويه -ايه دا انت هتتحامي في جدي ولا ايه دا جدي انا -وجدي انا كمان -خلاص انتم الاتنين هتتخانقوا جدكم انتم الاتنين،ويلا نروح علشان منتأخرش ونرجع قبل م البيت يتملي .... -سليم بيه انت جيت،حسان بيه يااهلا وسهلا اتفضل -لا لسا مجيتش افتح الباب يلا -كنت فين يابيه المده دي كلها -كنت بتفسح -عيب ياسليم احرجته -ياشيخه دا طول عمره حشري -يلا اتفضلوا ندخل وربنا يستر -انت كنت فين كل دا ليك عين توريني وشك،عمي حسان اهلا وسهلا اتفضل البيت نور -ازيك ياصالح وازي صحتك -بخير طول م انت بخير ياعمي،بس ايه جاب الواد دا معاك -اقعد بس وانا هفهمك كل حاجه،روح ياسليم شوف والدتك وانا هشرح لابوك كل حاجه -تعالي ياحور اعرفك عليها -مين دي ياعمي -دي حور بنت شريف ياصالح -بنت الغالي تعالي ف حضني ،شريف فين -ازي حضرتك ياعمو -روحي ياحور سلمي علي ام سليم وتعالي،اقعد انا هفهمك الاول شريف مات من سنين هو ومراته ومسبش غير حور مع زينب اختي وزينب اختي راحتلهم من فترة قصيرة علشان كدا قررت تنزل تدور علينا لان شريف وزينب محدش قالها حاجه عننا،وبالنسبه ايه جمع سليم بينا ،فهو سافر امريكا واشتغل ف نفس المستشفي مع حور واتعرفوا علي بعض واتعرف علي زينب وقبل م تموت حكتله كل حاجه حتي عرفت انه ابنك ووصته عليها ورغم محاولاته انه يمنعها تنزل مصر بناء علي رغبه زينب الا انها صممت فأضطر ينزل معاها من غير مايعرفها انه عارف كل حاجه -ياسبحان الله شوفت الدنيا ياعمي فرقتني عن صاحبي غصب عننا زمان وهي نفسها الدنيا اللي خلت ابني يروح اخر الدنيا علشان يبقي جنب بنته -عارف ياصالح لولا انه متجوز كنت جوزتهم خصوصا انهم ميالين لبعض بس دي بنت الغالي مش هقبل انها تبقي زوجه تانيه -والله ياعمي لما عرفت انها بنت شريف حسيت انها مني وندمت علي اصراري انه اجوزه صفيه غصب عنه ويحصل اللي حصل -انت غلطت ياصالح الجواز مفيهوش غصب -عارف اني غلطت بس ابوها اللي كلمني ف الموضوع وقالي علشان نوحد الشغل لان البنت كانت بتحبه فأبوها حب يحققلها اللي عايزاه لانه معندوش غيرها بس تأتي الرياح بما لا تشتهي السفن والواد طفش مني واخويا قاطعني وفض الشراكه بينا لما بنته حاولت تنتحر بعد ماشافت اوراق الطلاق وانقذوها علي اخر لحظه واخدها تعيش معاه -يعني هو دلوقتي متجوز ولا وقعت الورق والطلاق تم -ابوها اجبرها توقعه بعد ماحاولت تنتحر فالطلاق تم والمحامي خلص الاوراق كلها وعطناها حقها،يعني بنت شريف هتبقي مراته الوحيده لانه يعتبر متجوزش المرة الاولي حتي مكنش بينام معاها في نفس الاوضه،بس.. -بس ايه -اخويا حلف انه هيحرم عليه الجواز ولو فكر يتجوز هيقتله هو وعروسته ويحرق قلبنا زي ماقلبه اتحرق علي بنته لما حاولت تموت نفسها،انا مبقتش خايف علي ابني اد م انا خايف علي بنت شريف ياعمي -اصيل يابني طول عمرك وتستاهل حب ابني ليك,انا مخبتش حاجه عن حور ومش عايزك تخبي حاجه انت كمان لما ييجو انا هقولهم وهما يختاروا -اللي تشوفه ياعمي انا موافق بيه -اتأخرت عليك ياجدي -لا ياحبيبه جدك،سلمتي علي ام سليم -اه دي طيوبه اوي ياجدي حسيت تيته زينب فيها اوي،وكمان شوفت اخت سليم اسمها زهرة وهي زهرة فعلا -احنا هنا عيلتك التانيه يابنتي ودا بيتك -تسلملي ياعمو شكرا -اومال فين سليم -جاي دلوقتي مع مامته وزهرة -ووالدتك انتي كمان يابنتي -ربنا يخليك ياعمو،اهو سليم جه -اهلا وسهلا ياعمي حسان نورتنا -ازيك ياام سليم وازي صحتك -بخير ياعمي بشوفتك -ولا بشوفه ابنك -بس يابابا متحرجهاش -انتي مش شايفه الدم ملي وشها ازاي يازهرة بعد م اخوكي رجع -خلاص ياجماعه قلبكم ابيض -بس تعرف ياواد انت برغم عملتك السودا دي وهروبك الا ان بنت شريف شفعتلك عندي -بركاتك ياست حور -قدر بس انت -مقدر ومستني انول الرضا -ماتحترم نفسك جدها موجود -ماخلاص عرفت اني طلقت -اقعدوا واسمعوا جدكم حسان هيقول ايه -انا عارف انكم عايزين بعض بس لازم تعرفوا ان عمك محمد مش هيعديها علي خير ومتوعد انك متتجوزش تاني ولو فكرت هيقتلك انت وعروستك،انا بنت ابني هقدر احميها وهاخدها لو حسيت ان عليها خطر بسببك -ياجدي انا حياتي فداها -احنا مش عايزين حياه واحد فيكم احنا عايزين حياتكم انتم الاتنين،ولو قررتوا تواجهوا احنا معاكم وهنساندكم فالقرار ليكم -ياجدي كل حاجه كانت متقفله في وشي اني ارجع والاقيكم بس قررت اواجه وجيت وسليم مشوفتش منه حاجه وحشه تخليني اخاف اقربله ومع احترامي ليكم كلكم انا اقدر احمي نفسي كويس من عمي حسن ومن عم سليم والاقوي منهم انا مش ضعيفه ولا ظروفي ووحدتي خلوني ضعيفه،تيته زينب كانت دايما تقولي ابوكي سابلك اللي اقوي من الفلوس ابوكي سابلك قلب قوي ونفس شجاعه مؤمنه متخافش غير من اللي خالقها،ابويا مفيش مرة قالي متعمليش كذا علشان دي للولاد،لا كان بيسيبني اجرب كل حاجه واتعلم اي حاجه،ابويا علمني اني مش محتاجه حد يحميني نفسي كفايه بعد ربنا وان الشر الحقيقي هو النفس وانا الحمدلله نفسي طيبه مش فيها شر -ونعم اللي ربي يابنتي -ربنا يخلي حضرتك ياطنط -لا طنط ايه قوليلي ياماما ولا انا مش اد المقام -لا ابدا ازاي تقولي كدا هو انا اطول ياماما -ايوة كدا زيك زي زهرة بنتي -يعني اخيرا بقي عندي اخت غير سليم -نعم ياختي اخت غير سليم ازاي لامؤاخذه انتي شايفاني سوسن ولا ايه -لا مقصدش ياخويا ياحبيبي ياسيد الرجاله -ها عايزة كام -كلك نظر -ايه دا بتبيعي كلامك -مشي امورك يابنتي معاه اخويا بخيل ومش كل شويه بعرف اطلع منه بمصلحه -ايوة علميها كمان علميها وهي مابتصدق تلقط حاجه اصلا -اه علميني يازهرة كل حاجه -من عينيا ياسلام -احنا نستأذن بقي -مابدري ياعمي حسان خلونا نتعشا سوا -مرة تانيه بس لازم نروح لان محدش لسا شافها هناك -طيب بكرة هنيجي نشرب كوبايه شاي معاك ونطلب ايدها -تآنس وتشرف،يلا علي اذنكم -هستناكي يازهرة بكرة -حاضر هاجي اكيد -باي ياعمو باي ياماما -اشمعنا ام سليم قوليلي انا كمان بابا - حاضر يابابا،يلا باي باي ... -ارتحتي وسطيهم -اه ياجدي طلعوا طيبين خالص وزهرة حبيتها كمان اوي كان نفسي يكون عندي عيله وحسيت الاحساس دا وسطهم -ياريت يابنتي كانوا من دمك بس تعرفي ساعات اللي مش من دمك بيبقي احن عليكي من اللي من دمك -يلا ياجدي وصلنا،بس ممكن تخليهم يطلعولي شنطتي ف اوضه بابا -متأكده -اه طبعا ياجدي -ماشي يابنتي هتلاقيها نضيفه وكل حاجه مكان ماسابها انا بوصي عليهم ينضفوها دايما من التراب -ربنا يخليك ليا ياجدي -ويخليكي ليا ياحبيبه جدك،يلا ندخل

Free reading for new users

Scan code to download app

App Store Google Play

Facebookexpand_more