مالك قلبي

بارت 4

-السلام عليكم

-وعليكم السلام،كنت فين ياحاج،ومين دي

-كنت في مشوار،ودي بنت شريف الله يرحمه،وقبل م تنطقوا كلمه،هي جايه علشان تبقي وسط عيلتها اللي بتحبها ومتنازله عن حق ابوها في الفلوس يعني اتطمنوا واتمني تعاملوها زي مابتعاملوا عيالكم،واللي هيزعلها هيكون زعلني وانتم عارفين زعلي نتيجته ايه عليكم

-اهلا يابنتي نورتي عيلتك

-اهلا بحضرتك ياعمو

-دا عمك احمد ياحور ودي ساميه مراته ودا مهاب ابنه الصغير وعنده تامر كمان،هو فين تامر يااحمد

-زمانه علي وصول ياحاج

-ازيك ياحور نورتي اهلك وبلدك

-بنور حضرتك

-ودا عمك رحيم ودي بنته جميله الكبيرة ودي رحمه الصغيرة ودي ناديه مراته ،اعتبري جميله ورحمه زي اخواتك

-طبعا ياحاج اخواتها تعالي اقعدي جنبنا يابنتي

-تسلميلي ياطنط ناديه واكيد اخواتي هو انا اطول يبقي عندي اخوات قمر كدا

-فين حسن وعياله ومراته يااحمد

-جم من برا وطلعوا اوضهم ياحاج

-اطلع يامهاب استعجل عمك وقوله الحاج عايزك ويجيب ولاده ومراته معاه

-حاضر ياجدي

-السلام عليكم

-وعليكم السلام،ودا تامر ياحور

-ازيك انا حور بنت عمك شريف

-اهلا وسهلا،بس مش فاهم حاجه

-ابوك هيبقي يفهمك انت واخوك

-وانت يارحيم فهم بناتك

-عمي نازل ورايا ياجدي

-ماشي ياحبيبي تسلم

-خير ياحاج

-تعالي ياحسن،اقعد انت ومراتك وعيالك

-ازيك ياعمو

-اهلا

-مد يدك ياحسن وسلم عليها

-اهلا يابنت شريف

-حضرتك بتتكلم كدا ليه علي بابا احترمه شويه

-وهي واحده زيك اللي هتعلم ابويا الاحترام

-اخرس ياعاصم محدش وجهلك كلام

-انت مش شايف طول لسانها ياجدي

-والله عندها حق زي م انت شايف ان ابوك اتهان ومتحملتش عليه الاهانه فهي برضوا متحملتش تحس ان ابوك بيهين ابوها ودا حقها،وبعدين ياحسن مش هتصفي قلبك وتسيب اللي راح

-رجعلنا ابننا وهنسيب اللي راح ياحاج

-اسكتي ياام عاصم لما الرجاله تتكلم الحريم تسكت خالص

-طيب ياجماعه اظاهر وجودي هنا مش لطيف لبعض منكم،بس مضطرين نتحمل بعض وبعيدا عن نصيب ابويا في املاك جدي اللي انا متنازله عنه الا اني مازلت قاعده في بيت ملك جدي يعني زيي زيكم بالظبط

-اطلعي ارتاحي ف اوضتك ياحور،اطلعي معاها ياجميله وصليها لاوضه عمك شريف

-حاضر ياجدي

-اللي هيعامل بنت شريف بطريقه مش هتعجبني ملهوش مكان في البيت دا ومن هنا ورايح احترامها من احترامي..

-عاجبكم اللي ابوكم بيعملوا دا

-الحاج حر في تصرفاته والبنت متنازله عن فلوس ابوها يبقي ايه الداعي منقبلهاش وسطنا

-طبعا م انتم اللي يهمكم الفلوس ودم ابني مش مهم

-وهي مالها بدم سمير ياحسن وشريف الله يرحمه ايه ذنبه بدم سمير هو كمان انت اللي طاوعت شيطانك ساعتها واستحللت القتل تحت اسم التار وموت سمير كان عقاب ليك ،كنت تقدر ترفض زي ابوها مارفض وسابلنا البلد كلها وبعد عن الدم والقتل

-كنت عايزني اهرب زي الحريم يااحمد

-طالما مقتنع باللي عملته اتحمل نتيجه افعالك ياحسن البنت ملهاش ذنب

-وانا مع احمد في رأيه بنت شريف ملهاش ذنب

-يعني بقيتو متفقين عليا

-اللي في دماغك اعملوا ياحسن لاننا زهقنا من تفكيرك بس هرجع اقول طالما مقتنع بافعالك اتحمل نتيجتها وخليك فاكر المرادي نتيجه افعالك هتكون عصيانك للحاج وانت عارف يعني ايه وهيحصل ايه،يلا اطلعوا اوضكم وانت يارحيم خد بنتك ومراتك واطلعوا والصباح رباح

...

-الله يكون في عونك يابنتي

-هم كدا علي طول ياجميله ولا علشان انا جيت بس

-لا علي طول كدا بس اظاهر المرادي هتبقي مختلفه

-ازاي يعني

-اقصد ابويا وعمي احمد حساهم هيبقوا في صفك ضد عمي حسن،ودا مكنش بيحصل دايما كان في مشاكل بين التلاته وبعضهم

-ولا علشان لقوا اني مش هقرب للفلوس والاملاك ف كدا مفيش خطر مني

-ايه دا هو جدي قالك تفكيرهم

-هو انتي اللي عارفه تفكيرهم

-اه طبعا وكارهه كدا،انتي جيتي المكان الغلط انتي عايزه عيله بس هنا عيله بالاسم بس يعني مش هتلاقي الحب اللي متخيلاه،انتي كنتي عايشه فين

-انا كنت عايشه في امريكا ودكتورة وانتي؟

-انا لسا متخرجه السنادي من تجارة انجلش و رحمه لسا بتدرس في كليه تجارة برضوا

-ماشاء الله انتم الاتنين نفس الكليه،طب احكيلي عن كل واحد هنا

-طب بكرة واسيبك ترتاحي

-لا مش نعسانه ف اقعدي نتسلي مع بعض ولو ينفع نادي لرحمه تسهر معانا

-ماشي هروح اندهلها وجايه بسرعه

-اوك مستنياكم

...

-ها اتأخرت عليكي

-لا ابدا تعالي اقعدي،فين رحمه

-انا جيت اهو ياويلكم ياويلكم

-ويلكم بيكي

-اظن التعارف تحت كان مش لطيف شويه فتعالوا نتعرف من الاول،انا حور بنت عمكم شريف عشت طول حياتي في امريكا ويوم مالدنيا فضت عليا هناك قولت اجي ادور علي اهلي

-وانا جميله بنت عمك رحيم متخرجه من تجارة وعاطله عن العمل حاليا ومش مرتبطه

-وانا رحمه غنيه عن التعريف ولسا بدرس في تجارة ونفسي ارتبط

-يابت اتقلي هتفضحينا قدامها

-عادي بقت اختنا يعني مش غريبه

-تعرفوا اني اتعرفت بحد قبلكم كمان واعتبرتها اختي

-مين دي

-زهرة صالح المنشاوي

-ملقيتيش غير دي

-ليه يارحمه بتقولي كدا

-مفيش انا هروح انام

-هي مالها مشت زعلانه ليه لما جبت اسم زهرة

-اصلها بتحب عاصم وعاصم بيحب زهرة وزهرة مش معبراه

-بيحبها برغم المشاكل اللي بين ابوه وعيلتها

-ماغالبا علي رأي جدي عاصم هيبقي العقاب التاني لعمي من ربنا

-طيب زهرة ايه ذنبها ان رحمه تكرهها بسبب عاصم

-رحمه لسا تعتبر صغيرة ومش فاهمه ان اللي زي عاصم البعد عنه مكسب

-طيب احكيلي عنهم

-بصي ياستي عمي حسن وولاده ومراته انصحك متقربيش ليهم ومن محبه جدي ليكي الظاهرة اظن حذرك منهم لان باختصار هم الاربعه نفس الاذيه،عمي احمد وبابا اقل من عمي حسن ف الاذيه لان اخرهم عايزين الفلوس والاملاك بس رافضين موضوع التار والقتل فبشوف ان دي اهون من دي، تامر ابن عمي احمد ماسك الشغل مع عمي زي ماعاصم ماسك الشغل مع عمي حسن،تحسيه انسان بارد كدا وكل اللي يهمه الشغل والفلوس وتلاقيه مع نفسه طول الوقت كافي خيره شره ،ومهاب اد رحمه بس في طب،دمه خفيف ويعتبر اقرب حد ليا في ولاد عمي ومتأكده انك هتحبيه برضو هتحسي انه لاسع بس بيضحكنا،ورحمه اختي زي ماشوفتيها عيبها وعلتها الوحيده حبها لعاصم،نيجي لمراتات اعمامي،سحر مرات عمي حسن ف دي قله الكلام عنها احسن لان مفيش ميزة اقولها،وساميه مرات عمي احمد طيبه معانا بس دايما تحسي في صراع بينها وبين مرات عمي حسن مين هتكون المسيطرة في البيت،ماما بقي ياستي ف دي مع نفسها كدا لانها مش من الاقصر من القاهرة وبابا اتعرف عليها هناك وحبها ووافقت تتجوزه وتيجي تعيش هنا بس بتصعب عليا كتير لما بلاقيها حاسه انها اقل من مرات عمي حسن واحمد علشان خلفتها بنات بس بابا متفهم ان الخلفه دي رزق من ربنا وكفايه عليه يربي بناته كويس،وانا ياستي قدامك اهو بقيت ست بيت مبكرا

-انتي عايزة تشتغلي

-اه نفسي وشاطرة جدا والله بس هنا مش بيحبوا فكرة ان البنت تشتغل

-ليه لا طالما عندها الامكانيه،بس عموما سيبي الموضوع دا عليا وهبهرك

-بجد ياحور

-بجد ان شاء الله لو اموري مشت بسلاسه هنا بفكر افتح مستشفي هنا ف الاقصر وهخليكي تمسكي حساباتها بإذن الله

-مستشفي مرة واحده،انا سمعت انك مش هتاخدي نصيب عمي شريف

-انا مش محتاجه فلوس ياجميله،بابا سايبلي مجموعه مستشفيات في امريكا في معظم الولايات بس انا مسلمه ادارتهم لناس كفاءة عني كانوا محل ثقه بابا ف الفلوس اللي هنا دي كلها مع احترامي ليهم كلهم ميجوش تمن مستشفي واحده من اللي عندي بس ياريت متقوليش لحد علي المعلومه دي لاني مش بعرفها لحد بحب الناس يعاملوني لشخصي انا حور مش لفلوسي

-حاضر بس قوليلي عرفتي زهرة ازاي

-سليم اخوها كان شغال معايا ف نيويورك وعلي فكرة لحد دلوقتي ميعرفش اني صاحبه المستشفي،بس ف اتعرفنا علي بعض واتعرف علي تيته زينب وحكتلو عني كل حاجه قبل ماتموت وكانت موصياه عليا وكدا ولما اصريت انزل مصر مكنش ينفع يسيبني لوحدي ولحسن حظي ان جدي طلع بيخاف ربنا وعرف غلطه زمان واخدني في حضنه،وروحنا مع سليم علشان كنت حابه اتعرف علي اهله وجدي مرضيش يسيبني لوحدي وجه معانا واتعرفت عليهم وحبيتهم وكمان بالمناسبه بكرة بابا صالح هييجي يطلب ايدي لسليم

-انتي بتتكلمي بجد

-اه والله

-وجدي موافق،طب وعمه محمد ابو صفيه مراته

-لا م ماعمه خلي بنته وقعت اوراق الطلاق اللي سابها سليم قبل مايسافر مع ماما هناء وبخصوص تهديده انه هيقتله هو وعروسته ف بابا صالح حكي لجدي وجدي خيرنا واحنا اخترنا نواجه،وبعدين يابنتي انا قادرة احميكم كلكم مش احمي نفسي بس

-ياجامد

-اومال

-طيب هتلبسي ايه

-مش عارفه انا مكنتش مفكرة اني هقعد كتير ف جبت شنطه هدوم واحده بس حتي سليم ساب معظم حاجته هناك اكيد بيدعي عليا دلوقتي

-طب تعالي نفتح الشنطه ونختار ولو ينفع نستعير من لبسي انا ورحمه لو ملقيناش حاجه هنا مناسبه

-يلا،بس ممكن اطلب طلب

-اؤمري

-تعالي نروح لرحمه نراضيها وانا هتكلم معاها بخصوص زهرة

-ماشي تعالي

-ممكن ادخل

-اتفضلي تعالي ياحور

-ممكن تقوليلي زعلتك في ايه

-مش زعلانه منك

-اومال سيبتيني ليه لما سمعتي سيرة زهرة

-متجيبيش سيرتها تاني

-اسمعي يارحمه انا اكبر منكم وافهم في الناس كويس بحكم خبرتي ووحدتي كمان،زهرة طيبه وتتحب وصدقيني مستحيل تفكر تبص لعاصم وان هو اللي بيبصلها وعايزها ف دي مشكلته هو مش مشكلتها خالص وياريت انتي كمان تعيدي نظر في موضوع عاصم لاني شايفه انه ميناسبش بنوته زي القمر زيك كدا ركزي ف كليتك وانجحي واشتغلي واعملي كيان لنفسك متعلقيش سعادتك بحد غير ربنا ثم نفسك وصدقيني لو عاصم في امل انه يتغير للاحسن انا بنفسي هساعدكم تقربوا لبعض

-بجد ياحور

-بجد،ثقي فيا وفي رأيي ورأي اختك اكيد هنتمنالك الخير وزهرة قربي منها وكونوا صحاب واخوات علشان تبيني لعاصم علي الاقل انه مش فارق معاكي يحب مين او يكره مين،وبكره بابا صالح هييجي يطلب ايدي لسليم وزهرة هتيجي ف انتهزيها فرصه وحلوا خلافكم وابدأي صفحه جديده مع نفسك قبل الاخرين

-حاضر ان شاء الله ومبروك مقدما واكيد هعرف عرفتي سليم ازاي

-تعالي الاول نروح اوضتي اختار هلبس ايه بكرة ونحكيلك عرفته ازاي

-يلا بينا

...

كان تعارفي بعائلتي يحمل الجانب السي والجيد فهناك رأيت

صورة الكره والحقد متمثله في عمي حسن واسرته ووجدت حب المال لدي عمي احمد ورحيم ولكنني ايضا وجدت شعور الاخوة مع جميله ورحمه واظن ومهاب ايضا،لم اندم علي ترك امريكا والمجئ لهنا ف اظن انهم كانوا يبالغون بخوفهم علي منهم،ام ان وجود جدي هو مايحجبهم ويصدهم عن اذيتي

لم اكن اعرف بعد في هذا الوقت الي اين ستذهب بي تلك العائله وتلك المدينه فقط تركت نفسي لاستمتع بجو مختلف تماما عن الذي كنت فيه دوما