بارت 5

3756 Words

كانت حياتي في امريكا واضحه بصورة مبالغ فيها، حتي انني اوقات كنت اتذمر من تلك الروتين اليومي ولكن جدتي زينب كانت من تخفف عني الم الوحده حيث كانت الوحيده التي تشعر بما اشعر به تماما، برغم انني افتقدها وافتقد ابي وامي، الا ان وجود جدي ومدي حبه وخوفه الواضح عليه اتجاهي كان مايخفف عني حزني علي من رحلوا، والفضل بذلك كان للرجل الذي دخل حياتي صدفه "سليم" لقد اصبح نصف روحي برغم انني لم ابوح بمشاعري بشكل رومانسي الا انني واثقه انه يشعر بما اريد البوح به، يعلم انني احبه رغم عدم تعبيري له بصورة مباشرة، نعم فقد وافقت علي الارتباط به وهذا دليل علي حبي له، لكن في تلك الفترة لم اكن اعلم ان حبي لسليم سيجعلني يوما ما افعل كل ماكنت لا اريد فعله، لقد جعلني اصبح شخص اخر لم اعرف هل سئ ام جيد ......... -صباح الخير ياعروسه،ممكن ادخل -صباح النور ياجميله، اتفضلي طبعا -نمتي براحتك ولا لسا حاسه انك محتاجه تنامي -حسيت براحه جميله علي سرير بابا ف نمت ع طول -طب قومي فوقي واغسلي وشك ويلا مستنيينك علي الفطار تحت -مين اللي تحت -جدي والعيله -عمو حسن تحت -اه كلهم، مالك خايفه ولا ايه -لا طبعا واخاف ليه بس مش حابه يحصل توتر وجدي يتضايق -لا التوتر دا عايشين فيه قبل ماتيجي فمتحسيش بذنب -ماشي ياحبيبتي روحي وانا نازله وراكي -حاضر، باي ... -حور فين ياجميله -نازله ورايا ياجدي -صباح الخير، صباح الخير ياجدي -صباح النور ياحبيبه جدك، تعالي اقعدي ع الكرسي دا جنبي، قوم ياعاصم اقعد جنب ابوك -بس دا مكاني ياجدي قصاد ابويا وجنبك -من هنا ورايح مكان حور، انت مبقتش عيل صغير -يعني بتقوم ابني من مكانه ياحاج علشان بنت شريف -هو ايه الموضوع مع حضرتك ياعمو كل ماتشوفني بنت شريف بنت شريف، اييييه ماله شريف، عملك ايه شريف، ولا عمل لاي حد فيكم ايه، ياشيخ بتكره واحد اتوفي وراح للي خلقه، حتي سواد قلبك مسابش الراجل ف حاله حتي وهو ميت، واااااه هيقوم ابنك علشان بنت شريف، وبنت شريف اللي مش عجباك دي ممكن تهدلك كل حاجه لو غلطت في ابوها، فأحترم ابويا واتقي شري -انتي بتهدديني ياقليله الحياء -نزل يدك ياحسن، لو يدك اترفعت علي بنت ابني مرة تانيه هقطعهالك وهرميك برا البيت دا وملكش جنيه عندي -انت بتهيني انت كمان علشان دي، انت مش سامع بودنك كلامها -والله هي بتدافع عن ابوها اللي انت متعمد تهينه كل م تشوفها، بتهين ابني في تربته، هي جايه عايزه تعيش وسط عيله بتحبها مش عيله بتكره بعضها، وكلامي مش هكرره تاني اللي هيغلط ف حور ملوش مكان هنا -يبقي هاخد مراتي وولادي وهنسيبلها البيت باللي فيه -سكه السلامه -بتطردني ياحاج -انت اللي قولت مش انا جيتي قعدتي يوم وعملتي كل دا وبسببك هنسيب بيتنا انتي جايلانا من اي داهيه -احفظي ادبك ياسميرة ولولا وجود جدي كنت عرفت اعرفك مكانك، بس تمام الظاهر اننا مستحيل نتفق، انا هرجع نيويورك بكرة، ع اذنكم، واه انت مش مضطر تسيب البيت ياعمو انا اللي همشي استحملني لبكرة بس -انتي بتقولي ايه انتي مش هتسيبينا -معلش ياجميله بس انا جيت علشان حاجه محدده وللأسف ملقتهاش ف مفيش داعي لقعادي هنا، بس لو حابه تيجي معايا هبقي مبسوطه طبعا بعد اذن عمو رحيم وجدي -انتي قاعده ف بيتي انا وانا اللي اقول مين يمشي ومين يقعد، وانتي نسيتي ان صالح جاي النهارده -لا منستش ياجدي بس سليم متفهم كل ظروفي وبابا صالح اكيد هيتفهم وعادي الموضوع يتأجل ولو هيتم هيتم ف نيويورك -حيلكم حيلكم انتم بتتكلموا عن صالح المنشاوي -اه ياعمو حسن بنتكلم عن صالح المنشاوي ايه في اي مشكله -ياوقعتك سوداء انتي كنتي هتتجوزي ابن صالح المنشاوي اللي ابني مات بسببه، وانت ياحاج كنت موافق علي المسخرة دي -انا حر في اللي بعمله ياحسن وحر ف موافقتي علي جواز بنت ابني من الشخص اللي موافقه عليه، ولو ع ابنك ف انا وانت اللي شايلين ذنبه مش حد تاني لا شريف ولا حور ولا حتي صالح وابنه، دا عقاب ربنا ليك وعقابه ليا اني شوفتكم بتاكلوا ف بعض قدامي بسبب الفلوس -علي جثتي ان عيلتنا اسمها يرتبط بأسم المنشاوي -هي فين العيله دي ياعمو، ومش مسموح لحد غير جدي انه يقول رأيه في حاجه تخصني، اظن كلامي مفهوم، وانا اسفه ياجدي انا همشي بكرة لاني لو قعدت هنا اكتر من كدا هكرههم كلهم وانا مصدقت الاقيهم ف خليني امشي قبل ماكرههم، ولو ممكن ياعمو رحيم جميله تيجي تعيش معايا ومتقلقش عليها هتبقي في عنيا وهتشتغل معايا وهتنجح وكل يوم هخليها تكلمكم فيديو كول علشان تطمنوا واي وقت حابين تشوفوها هحجزلكم تيجوا تنوروني، انا شايفه انها اتخرجت وبقت فاضيه ومش بتعمل اي حاجه في حياتها صدقني ياعمو لو اديتني فرصه واحده بس هثبتلك بنجاحها انها احسن من اي راجل -طب خديني انا اولي منها -لو عايز تيجي تكمل دراستك في امريكا يامهاب انا معنديش مانع وهخليك تشتغل اثناء دراستك علشان تكتسب خبرة اكبر، ويمكن لو انت جيت ف عمو يتطمن علي جميله اكتر -ايه رأيك يابابا -والله مش عارف اقولكم ايه -مش هقدر بنتي تبعد عني -ياطنط صدقيني هتبقي بخير وكويسه وفي عينيا ومش زي ماانتي متخيله اننا هنبقي ف غربه والكلام دا، للاسف هناك بلدي انما هنا بالنسبالي غربه فهي هتبقي ف امان معايا هناك في بلدي الحقيقيه واكيد نفسك تفتخري بيها وبرحمه صح -اكيد -يبقي اديها فرصه تنجح وتثبت نفسها، ووقت ماتحبي هجبهالك او ابعتلك تيجي -انت ايه رايك ياحاج -انتي متأكده انك عايزة تمشي ياحور وتسيبي جدك -ياجدي انا مصدقت لقيتك وانت اكيد حاسس حبي ليك،بس انت شايف ان وجودي مش مرغوب فيه ومستحيل ابقي سبب ان حد يطلع من البيت بسببي -وانتي ياجميله وانت يامهاب متأكدين انكم عايزين تمشوا -ياجدي انا قاعده ف البيت مش بعمل حاجه وهنا اعمامي رافضين اني اشتغل وفعلا حاسه ان عمري هيتسرق مني -وانت يامهاب -انا شايف ان هناك فرصتي احسن من هنا ونفس مجال حور يعني هتساعدني وكمان هبقي معاهم اخد بالي منهم -معنديش مانع اذا ابوك وابوكي وافقوا -علشان خاطري يابابا،علشان خاطري ياماما وافقوا دي فرصتي علشان اثبت ان البنت ممكن تبقي احسن من الولد -ماشي ياجميله موافق بس كل يوم تكلميني -حاضر يابابا اكيد،متعيطيش ياماما هبقي كويسه والله -وانت ياحاج وانتي ياحاجه موافقين -موافق يابني بس علشان تاخد بالك من بنات اعمامك -يعني كدا هتسبوني -معلش يارحمه مش هقدر اقولك تيجي معايا لاني واقعيه وانتي مينفعش تيجي اولا علشان دراستك ثانيا علشان طنط مش هتقدر علي بعادكم سوا فأتخرجي الاول واعملي زي ماقولتلك امبارح ووعد مني لو فضلتي عايزة تيجي تعيشي معانا هاخدك -طب وسليم -عادي ياجدي كدا كدا هيرجع معايا مفيش مشكله -بس انا عطيت كلمه لابوه وهييجو النهارده -خلاص ييجوا وهنقولهم ع اللي هيحصل وانا متأكده ان محدش هيعترض -ماشي يابنتي اللي يريحك -تمام،ع اذنكم -انتي مفطرتيش -لا شبعانه،ع اذنكم -استني جايه معاكي ... -يخربعقلك ايه اللي عملتيه تحت دا -ايه مش عايزة تيجي معايا -لا طبعاااا عااايزة دا انا مش مصدقه اني هخرج من سجنهم انا اقصد انك خلصتي الموضوع وانتي واقفه -بصي ياجميله انا اتعودت مطلبش حاجه وماخدهاش بكل الطرق هاخدها والنظرة اللي شوفتها في عينيكي لما قولت همشي صدقيني كانت هي هدفي من اني اجي هنا النظرة دي حسستني بالعيله فمكنش هيبقي سهل عليا اسيبك هنا خاصه بعد كلامنا امبارح ومهاب انتي طمنتيني من ناحيته وانا ارتحتله ويستحق المساعده انما قراري همشي ليه ف لاني مجتش علشان اخلي الامور بينكم من سئ لأسوأ وكفايه عليا جدي وانتي ومهاب ورحمه انتم عيلتي اللي بجد من اول يوم -انا بحبك اوي ياحور -وانا بحبك والله ياجميله ربنا يعلم انتي ف يوم بقيتي ايه عندي -طيب بصي انسي اللي حصل وفكري ف خطوبتك بليل -عادي بقي -لا مش عادي لازم نهيصلك شويه -يعني ايه نهيصلك -بجد متعرفيش يعني ايه -اه والله يعني ايه -نفرح نغني نرقص كدا يعني،بس انتي العربي بتاعك ممتاز جدا ولا يبان انك عايش برا -انا بتكلم العربي اللي اتعلمته من بابا وتيته زينب ف كان كلام ناس كبار يخلو من الفاظ ومصطلحات الشباب ولما بدأت اتعلم مصطلحات من بتاعتكم دي كانت عن طريق سليم بس مسمعتش منه هنهيصلك دي يمكن مجتش مناسبه سعيده -خلاص فكك -يعني ايه -يانهاري،ايه دا انتي ابيض -يابنتي راعي اني معرفش كل المصطلحات العاميه دي -ماشي هبقي اعلمك،بقولك ايه ماتيجي نكلم زهرة نخليها تيجي من دلوقتي تقضي اليوم معانا وبالمرة نصلح بينها وبين رحمه -والله فكرة -طب رني عليها -مأخدتش رقمها امبارح -طب رني علي سليم -اوك ثواني .. -وحشتيني -ماعلينا -ايه دا مالك -مفيش لما اشوفك هحكيلك المهم انا مكنش معايا رقم زهرة علشان اتصل بيها ف اتصلت بيك -خير ياست هانم -عايزة زهرة تيجي تقضي اليوم معايا لحد م تيجوا بليل،ممكن -مش عارف -علشان خاطري ياسليم وافق وهاتها دلوقتي وبابا صالح مش هيرفض لو عرف انها رغبتي علشان خاطري -طيب حاضر هقولها واجيبها -ماشي مستنياها متأخرش -حاضر،باي -باي .. -ياجامد -اومال يابنتي -حور انا صعبان عليا رحمه اني هسيبها -معلش انتي عارفه انه لو كان ينفع كنت هاحاول اخدها بس مش لمصلحتها انها تسافر -بجد مش مصدقه اني هسافر بكرة -المهم انتي عندك جواز سفر ولا انا بتكلم ف حاجه مش موجوده ولا ايه -لا عندي جدي مطلعلنا كلنا جوازات سفر علشان سافرنا عملنا عمرة قبل كدا،ولسا ساري كمان -تمام سيبيني دلوقتي هعمل كام مكالمه مهمه وهنزل لجدي شويه لحد م زهرة تيجي -اوك ماشي ... -فاضي ياجدي -تعالي ياحبيبه جدك ادخلي -اتمني حضرتك متكونش متضايق مني -ابدا ياحبييتي انا متضايق انك هتفارقيني وانا ملحقتش اشبع منك -اكيد هاجيلك وانت برضو هتجيلي -لو ينفع كنت اجي معاكي بس للأسف مش هينفع -ليه لا -لو سافرت كل حاجه هتضيع شقا عمري هيضيع ولادي هيضيعوه -متقلقش ياجدي كل حاجه هتبقي تمام،بالمناسبه كلمت سليم يجيب زهرة تقضي اليوم معايا انا وجميله ورحمه لو معندكش مانع -تنورنا يابنتي -حبيبي يااحلي جد في الدنيا ياقمر انت -قمر ايه بس خلاص كبرنا -كبرت فين دا ماانت لسا شباب اهو -بكاشه زي ابوكي -ربنا يرحمه -يارب -صحيح ياجدي بما اني همشي بكرة مضطرة اروح اشوف جدي فتحي وشريف انا نسيت خالص ف ممكن لما سليم يجيب زهرة نروح انا وهو وحضرتك ع طول ونيجي وهنسيب زهرة مع جميله لحد م نيجي -ماشي اللي يريحك .. -الو انت فين ياسليم -خلاص داخل علي البيت اهو -طيب خليك ف العربيه متمشيش انا طالعالك انا وجدي علشان نروح عند جدي فتحي -ومستعجله ليه -هفهمك لما اشوفك -طيب وزهرة -هتقعد مع جميله لحد م نرجع مش هنأخر -تمام ماشي مستنيكم ... ... -ازيك يازهرة -وحشتيني من امبارح ياحور -وانتي كمان ياحبيبتي،معلش ادخلي هتلاقي جميله مستنياكي جوا لحد م نروح مشوار سريع ونرجع -ماشي -في ايه -طيب بص كدا كدا جدي كان هيحكيلكم اللي حصل بليل بس انا افتكرت جدي فتحي ف كان لازم نروح وكويس شوفتك قبل م تيجي،انت معايا ف اي قرار اخده ياسليم -طبعا بس قرار ايه -هنرجع بكرة امريكا -ليه ايه حصل -لو فضلت هنا هكرهم وانا مصدقت بقي عندي عيله،ومش هدفي اجي اخلي حد يسيب البيت بسببي -عمك حسن صح -اه هبقي احكيلك بعدين بس المهم اننا هنرجع بكرة وهاخد جميله ومهاب معايا -بتتكلمي بجد -اه يمكن دول اللي طلعت بيهم من عيلتي وجدي بس مينفعش يسيب كل حاجه وييجي معانا -متأكده من القرار دا -اه المهم معايا -اكيد مكان ماهتبقي هتلاقيني -كنت واثقه انك مش هتسيبني علشان كدا حجزتلك معانا -تمام،طب والخطوبه -بابا صالح هيكون عنده اعتراض ع اننا نتخطب النهارده ونسافر -اكيد لا -يبقي خلاص -ازيك ياسليم -بخير طول ماحضرتك بخير ياجدي،يلا علشان منتأخرش -اتفضل ... -السلام عليكم -وعليكم السلام اتفضل ياحاج اهلا وسهلا -ازيك يافتحي -بخير ياحاج وازي صحتك -بخير نحمد ربنا،اومال فين شريف -شريف ف مشوار وجاي دلوقتي -طيب اتصل بيه خليه ييجي دلوقتي ميأخرش -خير ياحاج ومين دول -اتصل بشريف يافتحي وهتعرف لما ييجي .. -السلام عليكم ازيك ياخالي -ازيك ياحبيبي عامل ايه -بخير الحمدلله -في ايه ياحاج ومين دول -دي بنت شريف الله يرحمه يافتحي ودا ابن صالح المنشاوي -هو شريف مات -الله يرحمه من سنين وزينب اختي حصلته من فترة قريبه -امي ماتت -ربنا يرحمها ياشريف -يعني حرمتني منها علشان تربيكي انتي -انا اسفه انا مكنتش اعرف انها جدتي غير لما جيت هنا -يعني ايه -انا هفهمكم،اتفضل اقرأ دي -ايه دي -دي رساله تيته زينب كتبتها قبل م تموت بأيام ووصتني لو نزلت مصر اجي واديهالكم ... "ازيك يافتحي اتمني تكون بخير عارفه انك ممكن تكون كرهتني وكرهت شريف فيا بس انا عمري ماكرهتك ولحد دلوقتي حاسه بالذنب ناحيتكم،بس شريف كنت بعتبره ابني الكبير اللي مكنش ينفع اسيبه يبعد عني وامه وصتني عليه قبل ماتموت عارفه انه يمكن مايكونش سبب كافي علشان تسامحني بس يوم ماهتقرأ الجواب دا هكون قابلت ربنا ف اتمني تسامحني وتخلي شريف يسامحني،انا فضلت طول السنين دي مخبيه علي حور اني جدتها،قبل ماشريف يموت كنا متفقين منعرفهاش حاجه علشان متسألش كتير وتطلب انها ترجع وتزور اهلها،اهلها يافتحي اللي كانوا هيجبروا ابوها يقتل ويعمل حاجه ربنا حرمها،انت يابني كبرت وسط ابوك واهلك،انما حور كبرت وحيده شريف كان بيحاول يهتم بيها بس الشغل كان واخده هو ومراته دايما وانا مكنتش قادرة املي وحدتها،لو انت مظلوم فهي كمان مظلومه عارفه انها هتحاول ترجع وتشوفهم بس اتمني سليم يقدر يمنعها مع اني مظنش لانها عنيده زي ابوها،سامحني يابني واتأكد انها تستاهل اللي عملناه علشانها هي لما تعرفكم مش هتتخلي عنكم لو احتاجتوها دايما هتلاقوها معاكم اصلها تربيتي،بدعي ربنا ان حال اخويا يكون انصلح ورجع لربنا وعرف ان ابنه عنده حق يبعد ويسيبهم،لو دا حصل ف حور هتلاقي فعلا العيله اللي محتاجاها برغم اني واثقه اعمامها مستحيل يتغيرو،سامحني يافتحي سامحني ياشريف انا كنت بشتاقلكم كل لحظه وكنت بتمني اشوفكم بس مكنش ينفع نعرض حياه حور للخطر وحد يعرف مكانها مع اني واثقه انها بعد موت شريف بقت قويه بالرغم انه من برا بس بقت قويه وتقدر تحمي نفسها وتحميكم لو لزم الامر بس برضو مش هينفع اجازف ولازم اكمل واجبي للاخر،طلبي منك يابني متسيبهاش خليك معاها انت ف مقام عمها بس عايزاك تصاحبها وتقرب منها وهتحبها صدقني وهتعرف انها تستحق التضحيه،ادعولي " زينب -رجعتله يااختي رجعتله وانتم صح انا كنت غلط -اهدي ياجدي -ها ياشريف اتمني اللي كانت حابه توصلهولك وصل -شكرا ياسليم ،انا اه كنت متضايق منها بس مكرهتهاش -وانت ياحاج فتحي -وانا كمان يابني ساعات كنت بسأل نفسي ايه اللي يخليها تسيب جوزها وابنها وتسافر مع ابن اختها بس لما شوفت بنت شريف حسيت زينب فيها ماهي تربيتها،مسامحها يابني مسامحها -انا هسافر بكرة ياشريف لو احتجت اي حاجه انا موجوده -تسلمي ياحور وانا كمان موجود لو احتاجتي حاجه -بقولك ايه صحيح،انت بتشتغل ايه -انا محاسب في بنك ليه -حووور -اسكت انت بس ياسليم -في ايه -مفيش،بس لو تحب تسافر معايا وتشتغل معايا معنديش هبقي مبسوطه وخاصه ان جميله ومهاب هيسافروا معايا -اشتغل فين -في مستشفي هتشتغل ف الحسابات ايه رأيك -مش هينفع اسيب الحاج لوحده -ممكن جدي فتحي يعيش مع جدي،ايه رأيك ياجدي -والله معنديش مانع اهو نونس بعض -ايه رأيك ياجدي فتحي ارجوك وافق -هفضل ف بيتي ولو سفر شريف ف مصلحته انا معنديش مانع يسافر بس هفضل ف بيتي -مش هينفع اسافر واسيبك لوحدك ياحاج -لا متقلقش عليا،شوف مستقبلك -خلاص تيجي تقعد معايا ف النهار وتروح ع النوم اظن كدا حل وسط -ارجوك وافق ياجدي -ماشي يابنتي حاضر مش هرفضلك طلب لانك من ريحه زينب -ربنا يخليك -طب نستأذن بقي يافتحي -مابدري ياحاج -معلش تتعوض مرة تانيه -انت جواز سفرك موجود وساري -اه ياحور -خلاص تمام جهز شنطك وسيب الاوراق عليا،ع اذنكم -مع السلامه .. -يابنتي انتي هتاخدي البلد معاكي وانتي راجعه -لا هاخد عيله -ماكنتي تخليكي وسطنا يابنتي بدل الشحططه دي -ياجدي اظن انك عارف فمش هنعيد تاني الكلام -ماشي علي راحتك ... -اخيرا جيتي -كنت بشوف جدي فتحي جوز تيته زينب وشريف ابنهم -ياه شريف مشوفتهوش من زمان -تعرفيه -اه -انتم روحتوا ليه -كان في رساله من تيته ليهم وكانت عطياها لسليم فكان لازم يوصلها قبل مانسافر -تسافرو فين -هي جميله محكتلكيش -لا -هنرجع بكرة امريكا انا وهي ومهاب وسليم وشريف -هترجعوا ليه ايه حصل -مفيش مشاكل ولازم ارجع وهما هييجو معايا يشتغلوا -طب وانا هرجع لوحدي بعد ماقولت ليا اخت -معلش يازهرة انا مكنش ف نيتي رجوع بس اللي حصل بقي وبعدين لو بابا صالح يرضي تيجي تعالي -مظنش الا اذا انتي طلبتي منه ومن سليم -ماشاء الله انتي ناويه تخلصي ع البلد وتاخديهم -نفس كلام سليم،عموما موافقه ماشي بليل لما الخطوبه تتم هتكلم معاهم ع انفراد واحاول اقنعهم -ايوة بقي -يعني كلكم ماشيين -اسفه يارحمه بس انا شرحتلك انه مينفعش لحد م تتخرجي وبمناسبه اننا متجمعين ف احب اصلح بينك وبين زهرة -مفيش حاجه -يمكن مفيش من ناحيتك يازهرة بس في من ناحيه رحمه نتكلم بصراحه رحمه متضايقه منك بسبب عاصم -عاصم واحد تافه مش متربي مش بطيقه ماله بقي -يعني انتي مش ممكن تبصيله -ابص لمين يابنتي دا قليل الادب -شوفتي يارحمه مفيش احتمال عندها -انا اسفه يازهرة كنت واخده منك موقف ع الفاضي -متتأسفيش يابنتي احنا اخوات بس نصيحه بلاش عاصم هتتعبي -بحبه ياجماعه اعمل ايه -عموما يارحمه انا قولتلك رأيي ركزي ف كليتك وابعدي عنه ولما تتخرجي ولو اتغير هقف معاكي -حاضر ياحور ربنا يسهل -يلا بقي شغلولنا اغاني نرقص عليها .... -مساء الخير ياعمي حسان -مساء النور اتفضل ياصالح اتفضلي ياام سليم -طبعا ياعمي وبدون مقدمات واختصارا للوقت احنا طالبين ايد حور لسليم ويشرفنا انكم توافقوا -طبعا يشرفكم انتم كنتم تطولوا بس يابجاحتكم قاتلين ابني وجايين عايزين تناسبونا -اخرس ياحسن -مش هسكت ياحاج وهم جم برجليهم لحد عندي -نزل سلاحك ياحسن واطلع برا بيتي -دا بيتي انا كمان ولو حد هيطلع فهي جثثهم ومعاهم بنت شريف -قولت نزل احسنلك ... -ياحور الحقي -في ايه يارحمه -عمي حسن رافع السلاح علي عمي صالح وعايز يقتله .. -نزل اللي ف ايدك دا -انتي اتجننتي يابنت شريف بترفعي سلاح عليا -واقتلك مكانك لو لزم الامر فنزل سلاحك من وش ابويا احسنلك لو واحد مات ف التاني مش هخلي حد يلمسه،قولت نززززل واطلع برا لحد م نحتفل بخطوبتي علي سليم صالح المنشاوي ياعمو حسن وبكرة الصبح كدا كدا مش هتلاقيني ف ريح نفسك مني النهارده،بس قبل ماتمشي هحذرك تحذير اول واخير،صالح المنشاوي ومراته لو شعره واحده منهم حد لمسها هخليك تعيش ف جحيم ومتختبرش صبري،يلا اتفضل -هوريكي يابنت شريف هوريكي .. -اتفضل ياجدي سلاحك واسفه اني اخدته من المكتب -مكنش يصح اللي عملتيه يابنتي -لا ياصالح هي عملت اللي كان لازم يتعمل وانا مقدرتش عليه،كان لازم يتحطله حد -اللي خلف مماتش ياعمي -عندك حق يابني وقفتها وهي بتدافع عنك فكرتني يوم ماشريف كان بيدافع عنك قدامي -طيب ياجماعه اظن المشكله خلصت نرجع لموضوعنا -اظاهر سليم مستعجل -دورك جاي يامهاب ساعتها مش هرحمك -بقول نقرأ الفاتحه -يابني طب اثبت ع موقفك -اسكتي انتي -بس يارحمه بس يازفت،معلش ياصالح هما دايما كدا -ولا يهمك ياحاج المهم قولت ايه -نسمع رأي حور -انا موافقه ياجدي -يبقي نقرأ الفاتحه -قبل مانقرأ الفاتحه لازم تعرف اللي حصل الصبح وهيحصل بكرة -خير -حور قررت تسافر بكرة امريكا تاني بسبب حسن -وطبعا سليم هيرجع -طيب بعد اذن جدي حابه اتكلم معاكي ياماما انتي وبابا علي انفراد -ماشي ادخلوا المكتب ... -خير يابنتي -انا عارفه انك متعلقه بسليم ومقدرة دا بس قدرنا ربطنا سوا ومينفعش حد يبقي ف مكان التاني مش موجود فيه،حقك عليا انا بس تقدري تيجي معانا انتي وبابا -حياتنا هنا يابنتي مش هينفع -وانا للأسف حياتي هناك يابابا وشغلي هناك -سافروا يابنتي ربنا يسترها عليكم -مش انا بنتكم فعلا -اكيد -طيب هطلب طلب -اؤمري -زهرة هتسافر معانا انا وسليم وجميله ومهاب وشريف ابن تيته زينب -بس مش هينفع نقعد لوحدنا زهرة كانت بتونسنا -السفر فرصه حلوة ليها تثبت ذاتها وكيانها وتحقق طموحاتها،واتمني توافقوا ولو تقدروا تعالوا معانا انتم كمان وهنبقي عيله بجد ناقصها جدي -طب وشغلنا -انت عارف المشاكل اللي هتحصل وسفركم هيتفادي كل دا،وهتعيشوا هناك مبسوطين ومرتاحين اكتر من هنا صدقوني -بس مش هعرف اقعد من غير شغل -شوف حضرتك حابب تشتغل ايه وانا هحققلك اللي انت عايزه -يابنتي بس -مبسش وغلاوة بابا عندك لتوافق -حلفتيني بالغالي،ايه رأيك ياام سليم -انا موجوده مكان ماعيالي التلاته موجودين -ربنا يخليكم ليا يارب -ويخليكي لينا يابنتي،بس ام سليم معندهاش جواز سفر -طيب وعد من بكره تبدأ ف الاجراءات وبمجرد م ينتهي تعرفني او تعرف سليم وهنخلص الاوراق ونحجزلكم ع طول -اتفقنا،يلا نطلعلهم بقي ... -كنتم بتقولوا ايه كل دا -زهرة هتيجي معانا بكرة ياسليم ومن بكرة بابا هيبدأ يجهز اجراءات جواز السفر لماما وبمجرد مايجهز هيجولنا -بتتكلمي بجد بابا وماما كمان هييجوا -كدا عيلتك افرادها كملت الاب والام والاخوات والزوج المستقبلي -ايوة ياجميله بس ناقص جدي -مسيرنا هنتقابل تاني ياحبيبه جدك اهم حاجه سلامتك وسعادتك وانا مش هلاقي احن من صالح عليكي،نقرأ الفاتحه بقي .......... في تلك الليله نمت ولم تسع سعادتي العالم،فلقد خطبت لحبيب الروح وحصلت علي عائله في نيويورك،دعوت الله كثيرا ان تدوم تلك السعاده كثيرا ولكن كان هناك شعور يجتاحني بأن شئ سئ سيحدث ولكن غلبت شيطاني وغفوت.. كنت اشعر في تلك الفترة ان مافقدته كان اقل بكثير مما اكتسبته، لم استطع الحصول علي دفأ العائله بمصر ولكنني استطعت الحصول عليه بنيويورك، كان مجئ جميله ومهاب وشريف وزهرة معي انا وسليم كان له اثر مريح علي روحي لقد بدأت احيا حياه كنت اتمناها وسط عائله تحبني واحبها وكل تلك السعاده كانت ينقصها وجود الجد والاب والام ......... -جاهزه ياجميله -اه ياحور باقي حاجات بسيطه احطها ف الشنطه -مش مهم تاخدي لبس وحاجات كتيره، لما نوصل ان شاء الله هننزل نشتري حاجات لينا انا وانتي وزهرة -تمام، بس انتي قدرتي تخلصي الورق كله ازاي ف يوم -متنسيش ان معايا الجنسيه بالاضافه اني اعتبر مستثمرة مهمه في المجال الطبي في امريكا فطبيعي يكون ليا علاقات -ماشي ياجامد، كلمتي زهرة -رنيت علي سليم وقال جايين دلوقتي، ومهاب كلم شريف وقال جاهز، ناقص بس سليم ييجي وهنعدي ناخد شريف -جدي هيوصلنا -اه العيله كلها ماعدا عمو حسن طبعا -تمام -طيب شوفي باقيلك ايه وهنزل اقعد مع جدي شويه -اوك شويه وهاجيلك ... -الجميل سرحان في ايه -سرحان فيكي ملحقتش اشبع منك -معلش ياجدي انا اسفه بس انت عارف اني مش هرتاح هنا -انا اللي اسف يابنتي انا اللي وصلتهم لكدا -متتأسفش ياجدي ارجوك وبمناسبه امبارح انا اسفه مرة تانيه اني اخدت السلاح من غير مااستأذنك -فكرتيني انتي مخوفتيش لما مسكتي سلاح ف ايدك -واخاف ليه انا بعرف اضرب كويس دا غير اني عندي سلاح كمان -عندك سلاح! -اه مستغرب ليه، بابا سابلي شغل كبير ف بالتالي قانونيا ليا حق ترخيص سلاح لحمايتي، بس انا مبحبش استخدمه -انا بكتشف فيكي حاجات جديده كل شويه -ولا اكتشاف ولا حاجه ياجدي كل مافي الموضوع ان بابا علمني ان اللي عندي مش لازم اتباهي بيه واتعامل كأنه مش موجود -ربنا يكملك بعقلك يابنتي، انتي كلمتي سليم -اه وزمانهم علي وصول -ربنا يسترها عليكم، خلي بالك من نفسك ومنهم خاصه جميله، زهرة اخوها معاها انما جميله هتبقي معتمده عليكي انتي ومهاب -متقلقش ياجدي بس بخصوص اعتمادهم عليا ف انا حابه يعتمدوا ع نفسهم هحطهم ع الطريق واسيبهم يكملوا تحت عينيا -اللي تشوفيه صح اعمليه انا واثق فيكي -سليم بعت مسچ دلوقتي بيقول انهم برا -طيب انا هطلع استناكم معاهم وانتي هاتي جميله ومهاب وشوفي مين هييجي يوصلكم معانا -تمام ياجدي ع اذنك ... -ازيك ياصالح -بخير ياعمي طول م انت بخير -فين حور وجميله ياجدي -زمانهم جايين يابنتي .. -انا جيت اهو، ازيك يابابا ازيك ياماما -الحمدلله ياحبيبتي بخير -فين جميله ومهاب -طنط ساميه وطنط ناديه بيعيطوا جوا وعمو احمد وعمو رحيم بيهدوهم وطالعين ورايا -طيب انا هدخل اجيبهم علشان كدا مش هنخلص -حور تعالي عايزك -خير -انتي ازاي خلصتي ورقهم والحجز بالسهوله والسرعه دي -انت مستقل بخطيبتك ولا ايه يااستاذ -لا ابدا بس بجد بقيت بستغربك كتير -عادي ليا علاقات سهل تخلصلي كل حاجه هنا - ماشي ياحور مع اني مازلت مش مقتنع بس هعديها -طيب يلا نروحلهم علشان كلهم طلعوا اهم يلا نمشي بس هنعدي ع شريف الاول -ماشي يلا ... لم يسبق لي ان كنت في موقف جميله ومهاب وزهرة وسليم وان يكون هناك من يودعني والدموع تملئ عينيه، كنت انا من يودع الاخرين وينفطر قلبي علي رحيلهم، قد كنت وحيده لوقت طويل ولكن الان فقط استطيع ان اقول لم اعد وحيده فلدي عائله

Free reading for new users

Scan code to download app

App Store Google Play

Facebookexpand_more