مالك قلبي

بارت 6

-حمدالله ع السلامه

-الله يسلمك انا مش مصدقه اننا ف امريكا

-لا صدقي ياجميله خلاص انتي هتبدأي حياه جديده من النهارده،واحنا اسرة بتحب بعضها

-طب كفايه رغي ويلا نمشي هنشوف عربيتين يوصلونا

-في عربيتين واقفين برا مستنيين خروجنا ستيڤ بعتهم

-دكتور ستيڤ باعتلنا احنا عربيتين،وهستغرب ليه هتقوليلي صاحب بابا،يلا نمشي،يلا يامهاب يلا ياشريف

-حرام عليكي هيتجنن منك

-اعمل ايه طيب

-هو مين ستيڤ دا ياحور

-دا مدير المستشفي يازهرة اللي شغالين فيها بس كان صاحب بابا وبيعتبرني زي بنته

-اها ماشي

...

-وصلنا دا بيتك انتي وسليم يازهرة

-وانتي بيتك فين

-انا قدام شويه بس وقت ماتحبي تيجي تعالي

-طيب مانروح معاكي دلوقتي اشوف بيتك واعرف المكان

-ماشي تعالي

...

-وصلنا اتفضلوا

-وااااو الڤيلا دي بتاعتك

-اه اتفضلوا ادخلوا،معلش مفيش خدم هنا لاني اتعودت ع وجودي انا وتيته زينب لوحدنا،ف هتضطرو تخدموا نفسكم بنفسكم واي حاجه تحتاجوها قولولي

-الاوض فين ياحور علشان هموت من التعب

-اوضتك ف الدور اللي فوق يامهاب تاني اوضه ع ايدك الشمال وشريف اول اوضه ودي اوضه تيته زينب انا فكرت انك هتحب تقعد فيها وانا اوضتي قصاد اوضه شريف وجميله اوضتها قصاد اوضتك

-تمام شكرا جدا ياحور

-العفو ياشريف علي ايه اتفضلوا ارتاحوا ولما تصحوا هيكون الاكل جاهز بس معلش هطلب دليڤري لاني مبعرفش اطبخ

-ولا يهمك،ع اذنكم

-وانا كمان طالع سلام مؤقتا

-وانتي مش هتطلعي

-لا هطلع الشنط بتاعتي وجايالك

-لا تعالي نوصل سليم وزهرة الاول ونتمشي كلنا بالمرة

-فكرة حلوة يلا بينا

..

-انتي مبسوطه

-اكيد بس ناقص جدي وبابا وماما

-ان شاء الله هتكمل بس هتعملي ايه ف شغلهم ودراسه مهاب

-شريف وجميله وزهرة هيشتغلوا ف المستشفي معانا هيمسكوا الحسابات بس طبعا هديهم فترة تدريب ف الاول ولما يفهموا كل حاجه هيبقوا هم المسؤولين عن الحسابات

وحظهم حلو انهم نفس المؤهل بس طبعا شريف معاه خبره فهيبقي رئيسهم،ومهاب هييجي يتدرب عندنا لحد م اخلصلوا ورق التحويل بتاع الجامعه

-وستيڤ وافق يمسكهم حسابات المستشفي

-ويرفض ليه

-حور بجد في ايه

-في ان المستشفي بتاعتي ياسليم وفي غيرها في كذا ولايه

في اني اعتبر مستثمر مهم ف المجال الطبي هنا وليا وضعي،بس انا مبحبش استغل وضعي دا

-انتي صاحبه المستشفي ازاي

-بابا لما مات انا قررت اخلي الادارة ف ايد كل الدكاترة اللي كانوا صحاب بابا وشغالين معاه وبيثق فيهم ومن ضمنهم ستيڤ واتفقنا الموضوع يفضل مابينا واني مجرد دكتورة عاديه،علشان مخسرش حياتي كبنت عاديه ياسليم

-ومقولتليش ليه

-مجتش مناسبه ومش شايفه انها حاجه مهمه لاني بعتبر نفسي فعلا بشتغل فيها

-ماشي بس لو سمحتي احكيلي كل حاجه متخبيش عني حاجه

-حاضر،وانا كمان هطلب طلب منك

-اؤمري

-عايزاك تسيب زهرة تشوف مستقبلها بنفسها هي متعرفش ان المستشفي بتاعتي لا هي ولا مهاب ولا شريف انما جميله عارفه كل حاجه،عايزة زهره ومهاب يشيلوا مسئؤليه وميعتمدوش علينا،شريف كبير وعاقل وعارف مصلحته وجميله انا واثقه فيها،مهاب وزهرة لازم يعتمدوا ع نفسهم فسيبلي زهرة انا اتعامل معاها ف الشغل ممكن

-ماشي اللي تشوفيه

-انتم بتقولوا ايه وسايبينا ماشيين لوحدنا

-عادي بنتكلم شويه يلا ادخلوا بقي وانا هرجع انا وجميله،اظن كدا عرفتي الطريق يازهرة سهل

-اه حفظته هنام ولما اصحي هاجيلكم م انا مش هقعد مع سليم طول اليوم لوحدي

-هنستناكم وناكل سوا

-خلي بالك ع نفسك

-وانت كمان،يلا باي

-باي

...

-كنتم بتقولوا ايه

-مفيش صمم يعرف علاقتي بستيڤ وازاي شوفتلكم شغل بالسرعه دي ف حكتلوا عن كل حاجه

-يابنتي حرام عليكي دا كان هيتجنن من الاستغراب

-اهو عرف،المهم بكرة ان شاء الله هننزل المستشفي وبليل نبقي نخرج نشوف هتجيبي ايه انتي وزهرة ونجيب طلبات للبيت بس دي عليكي لاني معرفش حاجه ف الحاجات اللي المفروض تبقي موجوده ف البيت

-خلاص سيبي موضوع البيت عليا انا ههتم بيه

-لا ياجميله انتي جايه تشتغلي وتشوفي مستقبلك مش عايزاكي تثبتي عكس ظني فيكي،انا واثقه انك هتنجحي ف ركزي علشان خاطري وبالنسبه للبيت انا بالفعل كلمت استيڤ يشوفلنا حد واظن بكرة هتيجي،وبالنسبه لشغلك ف انتي وشريف وزهرة هتشتغلوا ف الحسابات ف الاول هتاخدوا تدريب لحد م تعرفوا كل حاجه وبما ان شريف عنده خبرة وكان شغال بالفعل ف هيبقي رئيسك انتي وزهرة

-طيب ومهاب

-هينزل معانا تدريب لحد م استيڤ يخلصله ورق التحويل

-هو انتي مش بتطلبي غير من ستيڤ

-اه لانه اكتر حد بثق فيه بعد م بابا مات وهو الوحيد اللي ممكن اخليه يخلصلي امور خاصه بعيلتي

-ماشي يلا نطلع ننام

-ماشي اطلعي ولو احتاجتي حاجه قوليلي

-اوك،باي مؤقتا

.............

دعوت الله ان يطيل تلك السعاده بقلبي لوجودهم معي

ووعدت نفسي ان ابذل مابوسعي لأجعل منهم اشخاص ناجحين،فهم عائلتي الحبيبه

لقد مرت فترة منذ مجيئنا لنيويورك وصار كل شي مثلما رتبت له ف زهرة وجميله وشريف تم تعيينهم وبعد تدريبهم اصبح شريف المسئؤول الاول عن حسابات المشفي ومن بعده زهرة وجميله حيث اثبتا لي ولسليم ولعائلتهم انهم يستحقون فرصه اثبات ذات وايضا مهاب صار يعمل معنا بجانب دراسته وانا وسليم مازلنا نعمل كما كنا ولم تغير حقيقه انني املك المشفي اي شئ،وصرنا اقرب لبعضنا اكثر بمرور الايام

......

-صباح الخير ياحور

-صباح الخير ياشريف

-عامل ايه في شغلك،واخبار جميله وزهرة معاك

-تمام مجتهدين وبيخلصوا كل حاجه بطلبها منهم

-طيب تمام انا واثقه فيكم كلكم، صحيح بتكلم جدي فتحي

-اه قبل م ينام بكلمه

-طب النهارده لما تيجي تكلمه قولي علشان اكلمه واسلم عليه

-حاضر

-طب ع اذنك علشان ورايا شغل

-اتفضلي

...

-حور فاضيه

-اه ادخلي ياجميله تعالي

-كنت عايزة اقولك ع حاجه، بس متتعصبيش

-في ايه خير

-كنت بكلم رحمه دلوقتي وقالتلي ان في مشاكل كبيرة عند عمو صالح، اخوه عرف ان سليم خطب وسافر واخد زهرة وهما هيحصلوه فجن جنانه وجاب رجاله حوالين البيت معاهم اسلحه وحالف ميخرجهم الا لما سليم يرجع هو وزهرة وتفسخوا خطوبتكم والا هيخلص عليهم، بس عمو صالح رفض يكلم سليم او زهرة ويقولهم، وجدي حاول يهدي الموضوع بس فشل وشاكك ان عمو حسن اللي قال لعم سليم علشان يفرح فيه

-ايه المهزله دي ومفيش شرطه تروح تلمهم

-انتي عارفه انهم كبار البلد عندنا ومفيش حكومه بتدخل علشان المشاكل متزيدش

-طيب ياجميله روحي انتي ومتجبيش سيرة لزهرة

-هتعملي ايه

-هاخد سليم وننزل وانتم خليكم هنا كل حاجه تمشي زي ماهي بس زهرة هتقعد معاكم لحد م نرجع وهتطمن عليكم مع شريف

-تمام حاضر

..

-ننزل مصر ليه

-من الاخر ياسليم في مشاكل هناك عمك جايب رجاله بسلاح حوالين البيت وحالف ميخرج بابا وماما لحد م ترجع انت وزهرة وتفسخ خطوبتنا بس بابا رفض يقولك وجدي فشل انه يحلها فلازم ننزل سوا وزهرة هتروح تقعد مع جميله اتطمن عليهم مع شريف ومهاب هيخلوا بالهم منها بس متقولش حاجه لزهرة انا وصيت جميله متعرفهاش حاجه،ف لازم ننزل ياسليم،انا حجزت تذكرتين بليل دي اقرب طيارة نازله مصر

-ماشي ياحور

....

-في ايه ياجدي ايه بيحصل

-حور انتي جيتي امتي ومين قالك

-لسا واصلين دلوقتي وسليم راح علي البيت علي طول وانا قولت اجي اشوفك الاول واروح علي طول

-محمد اتجنن لما عرف ان سليم رجع وخطبك وسافر تاني واخد زهرة وابوه وامه هيسافروا كمان وحلف ليخلي سليم يندم علي اللي عمله مع بنته

-طيب فين الشرطه

-مفيش شرطه بتدخل هنا لان محدش يتجرأ يبلغ عن حاجه تخص عيله المنشاوي والدمنهوري

-ماشي ياجدي انا رايحه

-استني هاجي معاكي

-يلا علشان الرجاله زمانها مستنيه

-رجاله ايه

-حراس ياجدي

...

-ايه اللي بيحصل هنا،في ايه ياعمي ايه شغل البلطجه دي عايز ايه مش خلصنا وكان نسب واتفض

-انت جيت،لا متفضش ياابن صالح واللي عملتوا في بنتي هتتحاسب عليه

-عملت ايه،انت اللي اقنعت ابويا بالجوازة دي وانت عارف اني مش بحبها،ومقربتش منها من يوم مااتجوزنا ولما لقيت اني هظلمها معايا كدا مشيت علشان عارف انكم مش هتتغيروا،بس حقي ومسامح فيه انما امي وابويا لا ياعمي

-وريني شطارتك،وفين المحروسه عايز ابارك ولا خفت تجيبها

-لا مخفش يجبني والمحروسه قدامك ايه،ها نعم عايز ايه

-انتي بقي بنت شريف الدمنهوري اللي هرب زي الحريم

-كلمه كمان علي ابويا وهتموت

-انتي بترفعي عليا سلاح وجايبالي شويه بلطجيه

-ياجدي ادخل لبابا صالح اتطمن عليه

-متتهوريش ياحور دا كلب ولا يستاهل

-متقلقش ياجدي بعرف اتصرف مع الاشكال دي

-ها ياباشا فضتلك سمعني كنت بتقول ايه بقي

-هتندمي يابنت شريف هتندمي

-وريني هتعمل ايه انت وشويه الكلاب اللي معاك دول،ولا تحب اوريك انا اقدر اعمل ايه

-وريني عايز اشوف اخرك

-لا انا مليش اخر بس هوريك حاضر،

ايوة تعالوا...

-نزل ايدك عن بنتي ومراتي ياكلب

-شششش اهدي كدا اومال واسمعني كويس،بنتك ومراتك كان سهل عليا اجيبهم من وسط بيتك ورجالتك وسهل عليا برضو اقتلهم قدام عينك واخليك تعيش في جحيم واخسرك شغلك وفلوسك وانا قاعده وحاطه رجل علي رجل ومتفتكرش انه تهديد وخلاص لا دا تحذير اول واخير

ولو فكرت تهوب ناحيه بابا وماما وسليم وزهرة صدقني مش هيكفيني فيك بنتك ومراتك،واه ان شاء الله هعزمك علي فرحي انا وسليم قريب،شرفتنا ياعمي يلا اتفضل وخد بنتك ومراتك ف ايدك بس خافوا علي نفسكم احسن حد يخطفكم كدا ولا كدا ولا طلقه تيجي في دماغ حد كدا ولا كدا

...

-ايه كل الناس دي ولحقتي تجيبيهم ازاي

-مش وقته ياسليم ادخل نتطمن علي بابا وماما الاول

..

-ازيك ياماما ازيك يابابا وحشتوني

-حور تعالي يابنتي،وانتي كمان وحشتينا ياغاليه،عمي حكالنا علي حصل برا،انا اسف يابنتي من اول ماعرفتينا وانتي دخلتي في مشاكلنا

-متقولش كدا يابابا احنا عيله واحده ومشاكلنا واحده،وخلاص عرف حده وهيخاف يقرب منكم تاني

-زهرة عرفت حاجه ياسليم

-لا ياماما،حور اصرت متعرفش علشان متقلقش

-انتي عرفتي ازاي

-رحمه قالت لجميله وجميله قالتلي المهم انتم خلصتم الاوراق ولا لسا

-لا لسا

-طيب كدا مش هنتطمن نرجع دلوقتي فمضطرين نفضل انا وسليم هنا كام يوم كمان

-احسن حاجه قولتيها يابنتي علشان وحشاني

-وانت كمان ياجدي وحشتني والله بس مش هينفع ارجع عندك البيت

-لو عايزاهم كلهم يمشوا همشيهم

-لا ياجدي مش عايزة حد يمشي من مكانه دا بيتهم وعموما انا هقعد ف فندق لحد م اتطمن ان عم سليم مش هيفكر يهوب ناحيه البيت هنا تاني

-لا فندق ايه ياحور انتي هتقعدي معانا حتي هتعوضي غياب زهرة وهتونسينا

-معلش ياماما مش هينفع

-علشان لسا مخطوبين يعني

-اه ياسليم الاصول بتقول مينفعش

-خلاص نكتب الكتاب والفرح وقت ماتحبه ايه رأيك ياعمي

-والله ياصالح انا معنديش مانع،بس هي صاحبه القرار

-وافقي ياحور علشان خاطري

-خاطرك غالي عندي ياماما،بس..

-مبسش وافقي هنبقي مع بعض مرتاحين اكتر ومفيش خوف ع التاني

-ماشي ياسليم اللي تشوفه معنديش مانع

-خلاص نبعت نجيب المأذون

-طيب ياصالح مع اني كان نفسي افرح بيها واعملها ليله تتحاكي بيها الاقصر كلها

-هتتعوض ياجدي في الفرح ان شاء الله

-طيب عايزة مين الشهود

-جدي فتحي وعمو رحيم

-فتحي وفاهم مكانته عندك بس رحيم ليه

-اولا معرفش ناس هنا ثانيا عمو رحيم يعتبر اقلهم شر دا غير انه بابا جميله

-ماشي يابنتي هبعت اجيبهم

-وانا هكلم المأذون

...

-مبروك ياعريس مبروك ياعروسه

-الله يبارك فيك ياشيخنا

-مبروك ياحبيبتي

-الله يبارك فيكي ياماما

-مبروك ياحبايبي

-الله يبارك فيك ياجدي

-مبروك ياولاد

-الله يبارك فيكم

-شريف ابني اخباره ايه يابنتي

-بخير ياجدي شغله ماشي تمام مش ناقصه غيرك

-والله يابنتي فراقه علي عيني بس دا مستقبله ومش هينفع اقف في طريقه

-متقلقش عليه وفي اقرب فرصه هخليهم ينزلوا اجازة كلهم

-وجميله يابنتي ومهاب

-جميله لو شوفتها ياعمو هتفرح بيها وهتبقي فخور انها بنتك بقت ناجحه وشاطرة في شغلها وبقت واثقه في نفسها اكتر وانها احسن من رجاله كتير

-جميلك ووقفتك مع بنتي مش هنساه

-ياعمو للأسف انت لسا مفهمتنيش لحد دلوقتي،انا مش بعمل جميل انا بعمل واجبي ناحيه عيلتي او بالاحري اللي معتبراهم عيلتي،جميله من اول يوم شوفتها فيه واحنا بقينا اخوات واكتر نظرة عينيها لما قولت همشي مشوفتهاش غير في عين جدي،انا كنت جايه عايزة عيله وملقتش فيكم العيله اللي كنت بتمناها بس راضيه بجميله وجدي ومهاب وشريف ورحمه،صدقني ياعمي انا مكنتش عايزة فلوس ومش محتاجاها اصلا كل اللي كنت عايزاه انتم

-حقك عليا يابنت اخويا انتي اللي صح واحنا غلط،انتي اديتيني درس بحياتي كلها وخلتيني اعرف قيمه بناتي وحمدت ربنا انهم طالعين الخير مالي قلبهم وان الفلوس مش كل حاجه

-ياريت ياعمو تكون فعلا فهمت كدا

..

-طيب هنستأذن احنا وخلي بالك من نفسك يابنتي

-هنتعشا مع بعض الاول ياعمي

-ربنا يخليك ياصالح بس يوم تاني هم اكيد جايين تعبانين من السفر نسيبهم يرتاحوا وبكرة هجيلك يابنتي

-ماشي ياجدي هستناك علشان عايزة اقعد واحكي معاك كتير

-ماشي ياحبيبه جدك،يلا مع السلامه

...

-نورتي بيتك يابنتي

-دا نورك ياماما،عم سليم جه ناحيه حد فيكم النهارده

-لا اتخانق مع صالح وخلي رجالته قدام البيت بالسلاح ومنعونا نخرج لحد ماسليم ييجي وزهرة،هي زهرة كويسه

-بخير والله ياماما متقلقيش عليها

-هي قاعده لوحدها

-لا خلتها مع جميله وشريف ومهاب هياخدوا بالهم منهم متقلقيش

-طالما واثقه فيهم،هثق فيهم انا كمان،هو سليم راح فين

-غالبا مع بابا في المكتب

-انا جيت اهو

-وحشتني ياقلب امك

-بس ياماما مش قدامها علي طول كدا

-لا خدوا راحتكم

-طب بتضحكي علي ايه دلوقتي

-ها ولا حاجه ياقلب امك

-شوفتي ياماما خلتيها تتريق عليا

-ماهي كمان قلب ابوها

-بابا حبيبي،ومتضحكش ياسليم احسنلك

-ايه بتهدديني،هتعملي ايه هتجيبي حد من البودي جارد اللي برا يضربني

-انا مش محتاجه اجيب حد

-ياساتر قصدك ايه متخوفنيش منك

-قصدها ان ابوها موجود

-بالظبط كدا

-اه احسب

-احسب براحتك وانا هروح انام علشان فصلت بس معلش ممكن انت او بابا حد يطلع ينبه عليهم برا يفتحوا عيونهم كويس،فين اوضه زهرة

-زهرة مش بتحب حد ينام في اوضتها

-طيب في اوضه فاضيه

-لا معندناش

-ماهو مش معقول هنام في الصاله يعني

-وفي الصاله ليه مااوضتنا موجوده

-اتلم ياسليم

-يابنتي بلاش سوء ظن مجرد هننام في اوضه واحده يعني مش هيحصل حاجه وبعدين مراتي يعني حلال

-عيب بابا وماما هيقولوا ايه

-اتنين عرسان ايه يعني

-طيب هسألهم قدامك استني

-يابابا عايزك ثانيه،حلال اننا ننام ف اوضه واحده ولا لا

-انت وحور يعني

-اومال انا وانت

-اتأدب ياواد،وبعدين هي حره لو وافقت تمام ولو موافقتش ف اوضه الضيوف فاضيه

-هو في اوضه فاضيه،تصدق انك كداب متكلمنيش بقي

-الله يكرمك ياحاج متشكرين علي خدماتك والله روح شوف الحاجه هتعشيك ايه

-الاوضه فين ياسليم

-اوضتنا

-اوضه الضيوف ياسليم ومتعصبنيش

-ياساتر علي زعلك،تعالي اوديكي

..

-هي دي ياقمر

-شكرا تقدر تتفضل

-دا بيتي زي ماهو بيتك يعني ملكيه مشتركه

-سليييييم

-خلاص ماشي متزقيش

...

-حور نمتي

-عايز ايه،وداخل اوضتي ليه

-اصلي خايف انام لوحدي

-اتلم ياسليم واخرج برا

-طيب نحط مخده بينا بالنص

-براااا

....

-حور

-يااانعم اخلص ياسليم عايزة انام،عايز ايه تاني

-اصل اللمبه اتحرقت وانا بخاف انام ف الضلمه

-ياسلام

-وحياه عبدالسلام،خليني انام هنا بقي علشان خاطري

-نام وخلصني يخربيت الاصرار

-هييييه

-اتجوزت طفل

-اه ابنك عادي

-طب نام ياابني احسنلك علشان مصدعه

-سلامتك ياحبيبتي

-اتلم ونام

-دا انا كنت هعملك مساچ لراسك بس

-متشكرين مش عايزة

-يابنتي مالك مش طايقاني كدا ليه دا انا جوزك حتي

-وايه يعني فين المبرر وبعدين مش متعوده انام جنب حد

-نامي ياحور انا غلطان تصبحي ع خير

-وانت من اهله

..

-سولي نمت،طيب انا اسفه متزعلش

-تعالي،متتأسفيش تاني وحلوة سولي منك اول مرة حد يدلعني

-بجد ياقلب امك

-احم اعملي نفسك مسمعتيش

-ماشي علشان خاطرك بس

-طيب علشان خاطري شاركيني في كل حاجه وقربي متبعديش

-انا في حضنك هقرب تاني اكتر ازاي

-مش اقصد جسديا ياحبيبتي اقصد روحك تقرب لروحي وقلبك وقراراتك يعني مثلا كل البودي جاردز اللي جبتيهم دول معرفش جبتيهم ازاي وامتي واحنا كنا سوا طول الوقت

نفسي تشاركيني قبل ماتاخدي قرار

-بص انا من لما بابا مات وانا قراري باخده لوحدي لحد متعودت علي كدا بس حاضر وعد هحاول،وبخصوص لحقت ازاي ف استيڤ عارف رجال اعمال هنا كانوا بيتعالجوا ف المستشفي ف اتعرف عليهم من وقتها والعلاقه بقت اقوي لما اقترحت عليه من فترة كبيرة اننا نستثمر في مصر ورجال الاعمال دول هيبقوا شركاء بس النسبه الاكبر من الاسهم هتبقي لينا،بس ف لما نزلت اتواصلت معاهم ومتأخروش في اي طلب سواء اجراءات السفر والورق اللي هنا يخص جميله ومهاب وزهرة وشريف او لما طلبت بودي جاردز يعني كل الموضوع مكالمه موبايل واللي عايزاه هنا بيحصل،فهمت

-بتفاجأ منك اكتر كل يوم

-طيب كل دا فارق معاك،يعني فلوسي وعلاقاتي وشغلي فارقين

-اكيد لا لاني لما حبيت حور حبيتها وانا عارف انها بتشتغل معايا بغض النظر عن حياتها وبيتها وعربياتها بس ف الاخر بتشتغل معايا حبيت كل حاجه فيكي حبيت اصرارك علي الرجوع علشان عيلتك وحبيت ضحكتك وهزارك وكلامك اللي بتحفظيه مني وبتقولي اغلبه وانتي مش فاهمه المعني،حبيت حور وبس

-وانا كمان حبيتك ياسليم ولقيت فيك الانيس والصاحب والعيله،عايزاك تثق فيا وفي قراراتي،بس اوعدني ياسليم ان قلبك كدا اتقفل عليا خلاص للأبد

ــ ياقلب سليم انا بحمد ربنا عليكي وتعرفي اني مسامح عمي محمد

ـ مسامحه بعد كل اللي عمله النهارده

ـ اه لان بسبب اللي عمله دا بقيتي مراتي ف نفس اليوم وبدون ترتيب

ـ قدر بس كان ممكن ارفض

-ترفضي ايه دا انا كنت اخطفك

-تخطفني انا متأكد

-حتي وانتي ف حضني بتخوفيني ايه الافتراء دا

-طيب انا بقول ننام احسن بدل م اطردك

-لا وعلي ايه الطيب احسن

-بكرة اكيد حد منهم هيرن يتطمنوا علينا متقولهمش اننا كتبنا الكتاب عايزة اشوف تعابير وشهم قدامي

ـ ماشي يلا نامي تصبحي علي خير يا حبيبتي

ـ وانت من اهل الخير

...

لأول مرة اصبح هذا الشخص،صرت اهدد بالأسلحه من اجل حمايه عائلتي،برغم معرفتي الجيده بأستخدام السلاح الا انني لم اقبل علي استخدامه طوال حياتي في نيويورك،ولكن لم استطع كبح نفسي عندما رأيت عائلتي تتأذي،وصرت اعتاد علي ان كل مايحدث سئ معي يتبعه شئ اجمل وبالفعل تم عقد قراننا انا وسليم وبسرعه كبيرة،واخيرا اصبح زوجي

وصار كل شي طبيعي والاوضاع هدأت واطمأنت علي عائلتي وقد اعطاني جدي وعد ان يقوم بزيارتهم يوميا ليطمأن علي احوالهم الي ان يأتوا لنا واضطررنا ان نعود الي نيويورك بعد عده ايام بعد ان قام ستيڤ بالاتصال بي واخبرني ان هناك اوراق مهمه تتعلق بالعمل يجب ان اوقع عليها ولم استطع ان ابقي اكثر وعرضت علي سليم ان يبقي لكنه اصر علي الذهاب معي وعدم تركي لوحدي..