مالك قلبي

بارت 7

-ايه الاخبار

-حوووور،جيتي امتي

-وحشتوني انتم الاتنين

-وانتي كمان

-فين سليم

-عند ستيڤ سبقني هناك وقولت اجي اشوفكم الاول وبعدين اروحلهم،عاملين ايه

-بخير وانتم وليه سافرتوا مرة واحده بابا وماما كويسين

-اه ياحبيبتي كويسين وقريب هييجوا،فين مهاب وشريف

-شريف في مكتبه ومهاب مجاش النهارده وراح جامعته

-طيب هروح اسلم علي شريف ولما نروح هقولكم علي خبر حلو

-خبر ايه

-لما نروح هتعرفوا خلو في شويه تشويق اومال،يلا باي

..

-فاضي ممكن ادخل

-طبعا اتفضلي،حمدالله علي السلامه وصلتوا امتي وفين سليم

-الله يسلمك،لسا واصلين وسليم عند ستيڤ بس قولت اجي اسلم عليك واقولك ان جدي فتحي بخير طول م انت بخير وانه اشتاقلك بس مقدر انه مستقبلك ولازم تركز فيه وانا وعدته ننزل كلنا اجازة قريب

-بجد ممكن

-اه طبعا وقت ماتحب بس الاحسن ننزل كلنا سوا

-ماشي ياريت

-ان شاء الله،همشي انا بقي ونتقابل في البيت،باي

-باي

...

-ها كلنا متجمعين اهو ايه بقي الخبر فضولنا هيقتلنا

-طب خمنوا

-هننزل مصر

-لا بس لو عايزة ياجميله معنديش مانع

-لا انا بقول بس

-شوفتيلي عروسه

-يابني طب اتخرج الاول وبعدين نجوزك

-دايما كدا واقفه في طريق جوازي

-مش كان اسمها طريق سعادتي او نجاحي بقت جوازي

-اه الزمن اتطور ولا ايه يابونسب

-عندك حق يابني والله وانت قربت اهو شويه من الخبر

-ياجماعه قولوا بقي

-احم انا وسليم كتبنا الكتاب

-بتتكلموا بجد

-ودي فيها هزار

-امتي وازاي ومن غيرنا

-امتي ف كان ف نفس اليوم اللي سافرنا فيه وكان نفسنا نبقي سوا كلنا بس الظروف خلت كل حاجه مشت بسرعه مكنش موجود غيري انا وسليم وجدي سالم وجدي فتحي وعمو رحيم وبابا وماما

-يعني عمي رحيم وجدي فتحي كانوا الشهود

-شاطر،خلاص هفكر في موضوع جوازك دا

-مبرووووووك ياحور

-الله يبارك فيكي ياجميلتي عقبالك مع اللي يستاهلك وعقبالك كمان يازهرتي وافرح بيكم سوا وعقبالك ياشريف ومش عقبالك يامهاب لانك خنقتني بجوازك اصلا

-بقي كدا،وانا اللي كنت شايل البيت في غيابك

-يابني بطل كدب لولا شريف كان زمانا ضعنا

-طبعا مين هيشهدله

-مهااااب

-ايه فزعتني ياعم شريف براحه انا مجتش عندها

-ايه دا دا في جديد بقي

-اه اكتشفنا ان مهاب بيخاف من شريف وبيسمع كلامه بشكل غريب

-بجد! مهاب!!

-ماتقول حاجه ياجوز اختي عاجبك كدا

-لو عاجبها يبقي عاجبني

-بقي كدا طيب انا همشي خالص واسيبهالكم مخضرة

-اقعد يامهاب متخلينيش اتعصب لما تتغدا ابقي روح مطرح ماتروح

-طيب ياعم متزقش،دا انا بقيت بخاف منك اكتر مابخاف من ابويا معرفش ليه

-خلاص اسمعوني كدا سليم وزهرة هيبقوا هنا معانا علي طول مفيش داعي نبقي في بيتين

-هييييه احلي قرار علشان مسبش جميله

-راحت عليا يعني

-لا طبعا دا انتي حبيبتي واختي ومرات اخويا بس بصراحه كنت زهقانه من سليم

-يابت هضربك

-تضرب مين ياكابتن

-اضربها هي مش انتي

-طيب اعقل كدا وخليك شاطر ملكش دعوة بيها

-تعالي يامهاب ياحبيبي نقعد سوا في الجنينه نشكي لبعض حالنا

-تعالي ياجوز اختي ياحبيبي احنا ملناش الا بعض

-شريف تعالي ندخل المكتب عايزاك

-خير

-ياسيدي طب اقعد الاول ولا مش عايز تتكلم معايا

-اديني قعدت ها خير

-انت عارف اني مش بحب اللف والدوران ف هو سؤال وهحب اسمع اجابته منك

-سؤال ايه

-بتحب جميله؟

-ليه بتقولي كدا هي قالتلك حاجه

-جميلة متكلمتش معايا ياشريف،انا اللي ملاحظه نظراتك ليه وخوفك عليها ومتقولش لانها زي اختي لان زهرة موجوده كمان ومشوفتش ف عينيك ليها اللي بشوفه لجميله

-بصي ياحور مش هكدب عليكي لاني مش بحب اللف والدوران انا كمان انا يمكن بحبها ومن زمان من قبل م نيجي هنا بس انا واقعي وعارف اني مش مناسب واهلها مش هيواقفوا علشان الفرق اللي بينا

-فرق ايه ياشريف انت بتكدب عليا ولا علي نفسك

لو فاكر ان القصر اللي قاعده فيه بتاع باباها تبقي غلطان دا ملك جدي وكل الفلوس ملك جدي وباباها يعتبر موظف عند جدي بيباشر الشغل وبحكم انه ابنه ف بيتقاسم ارباح الشغل مع اخواته

ولو افترضنا اللي بتقوله ف دا كان قبل ماتيجي هنا ياشريف انت دخلك دلوقتي كبير يعني تقدر تعيشها احسن من عيشه باباها بس صدقني مش كل حاجه الفلوس المهم تلاقي اللي ترتاح معاها وتسعدك ولو لقيتها فتبقي غبي وجبان لو محاربتش علشانها

-يعني انتي رأيك ايه

-من رأيي تكلمها وتشوف هي موافقه وبتبادلك مشاعرك دي ولا لا ولو تمام ف تطلبها من جدي وهاخدلكم اجازه من ستيڤ علشان تنزلوا مصر منه تطلب ايدها رسمي ومنه تشوف جدي فتحي ها ايه رأيك

-والله ياحور مش عارف اقولك ايه غير انك تستاهلي تضحيه امي

-ياشريف تيته زينب كانت كل حاجه ليا كانت عارفاني اكتر من بابا وماما وهي اللي مربياني وانت حته منها بعيدا عن انك ف مقام عمي لاني مش مقتنعه ودايما بشوفك اخويا الكبير بس حبي ليك من حبي ليها ف مهما اعمل معاك مش هردلها يوم واحد عيشته معاها وبعدين احنا عيله واحده يعني مفيش بينا كدا

-ربنا يخليكي ياحور

-ويخليك لينا،انا هقوم بقي اروحلهم واندهلك ع جميله تتكلم معاها ومتخفش انا معاكم وهبقي ممهدالكم كل حاجه مع جدي وعمو

....

-جميله ممكن تدخلي لشريف المكتب عايز يتكلم معاكي

-خير في ايه

-خير ان شاء الله ادخلي وهتعرفي ومستنياكي معاهم في الجنينه

...

-حور قالتلي انك عايزني ياشريف

-اقعدي

-خير

-بدون مقدمات انا بحبك وعايز اكمل حياتي معاكي

-بتحبني انا

-اومال بحبني انا

-اقصد ليه ولا ازاي وامتي

-انتي اتضايقتي ليه انا اسف لو قولت حاجه زعلتك واعتبريني مقولتش حاجه

-انت بتهزر ياشريف

-واهزر ليه والله بحبك ياجميله

-من امتي

-من وانتي عيله صغيرة

-بتحبني من وانا عيله صغيرة اومال مين اللي كان بيتجاهلني لحد م كان قرب يكرهني فيه

-اولا حقك عليا ثانيا والله انا كنت بتجاهلك لما بدأتي تكبري وتفهمي مشاعر اللي قدامك علشان كنت عارف اني مش مناسب ليكي واهلك مش هيوافقوا ولما حور عرضت عليا اسافر كنت هرفض بس لما قالت انك رايحه وافقت علشان اتطمن عليكي

-يعني علشان اعتقاد غلط عندك قسيت عليا وتجاهلتني

-طيب بتعيطي ليه دلوقتي انا اسف علشان خاطري خلاص

-انا بحبك من وانا طفله ياشريف من قبل م افهم يعني ايه مشاعر وحب ولما كبرت شويه لقيت تجاهلك بيزيد،حاولت اكرهك وانساك بس معرفتش ومكنش قدامي حل غير اني اداري مشاعري واتجنب اشوفك علشان محسش اني مش مرغوب فيا ولما حور قالت انها هتاخدني معاها فرحت اني هبعد نهائي عنك ولما عرفت انك رايح اتلغبطت مابين فرحانه انك هتبقي معايا ومابين اني هشوفك كل يوم ف هتحسسني اني مش مرغوب فيا كل يوم

-حقك عليا والله ماحبيت غيرك انا اسف ودلوقتي بعد م عرفت مشاعرك بقي عندي شجاعه كافيه تخليني اواجه اي حاجه علشان تبقي مراتي

-متعاملنيش بجفاء تاني ممكن

-انا اسف مش هتتكرر خلاص

-وانا سامحتك،بس هتطلبني من بابا وجدي ازاي

-حور هتاخدلنا اجازة من استيڤ وننزل مصر

-بجد طيب يلا نطلع نفرحهم بقرارنا

....

-وحشتوني

-وانتي كمان بس زعلانين انكم كتبتم الكتاب من غيرنا

-هتتعوض ف الفرح يازهرة ان شاء الله،احكيلي عملتوا ايه ف الفترة اللي كنا فيها ف مصر

-مفيش كنا بنروح الشغل ونرجع نرتاح وبليل لو عايزين نخرج كان شريف بيخرجنا،واكتشفنا خوف مهاب منه

-يابنتي مش بخاف انا بحترمه اوي معرفش ازاي بس شريف عنده هيبه كدا بتخليني احس اني عيل صغير قدامه

-ياعيني يابني صعبت عليا

-اصيل ياجوز اختي،الفرح امتي بقي

-لما حور تقرر

-اصبروا بس شكلنا هيبقي عندنا فرحين

-مين هيتجوز تاني

-استني بس،اهم جايين اهم،ها اتكلمتوا سوا

-اه

-وايه قراركم

-بنا انكم متجمعين ف انا حابب اطلب ايد جميله منكم كلكم مبدأيا لحد م ننزل مصر واطلب ايدها من والدها وخالي

-الف مبروك ياجميله

-الله يبارك فيكي يازهرة ياحبيبتي عقبالك

- مبروك ياباشا بقينا نسايب كمان اهو

-اه يعني عايز ايه

-ياساتر ولا حاجه اتجوزو انا مليش دعوة

-يابني اثبت شويه

-انت مش شايف ياجوز اختي

-شايف انك بتجيب ورا بسرعه

-خلاص اسكتوا المهم عايزين تسافرو امتي

-الوقت اللي هتشوفيه مناسب

-طيب تمام هحجزلكم اقرب طيارة نازله مصر

-تحجزيلنا ليه هو انتي مش هتيجي معانا

-للأسف مش هينفع لان عندي شغل مهم هنا علشان كدا رجعت انا وسليم بس هبقي متابعه معاكم اول بأول

-طيب مين هييجي معانا

-كلكم هتنزلوا علشان تشوفوا اهاليكم لانكم اكيد واحشينهم وبمجرد م تخلصوا الخطوبه هناك ارجعوا

-خلاص انا هقعد معاكي

-لا ياسليم هتنزل معاهم لأنك مكاني دلوقتي ومتنساش ان علاقتك بعمو رحيم تكاد تكون بقت كويسه من ساعه كتب الكتاب ف لازم تبقي موجود مع شريف بصفتك في مقام اخوه وبصفتك جوزي ودا هيسهل الموضوع بجانب اني هكون كلمت جدي وهخليه يفاتح عمو رحيم في الموضوع ،ولما الخطوبه تتم وانت عايز تسيبهم وترجع تعالي

-ماشي ياحور اللي تشوفيه

-طيب انا هطلع ارتاح شويه علشان تعبانه من السفر

-مش هتاكلي

-لما اصحي ياحبيبتي هاكل،يلا باي

-طالع انام انا كمان علشان صدعت،سلام

مرت الايام التاليه بدون اي جديد سوي تمهيد الموضوع لجدها ووجدت منه ترحيب بشريف ووعدها ان يتمم الزيجه عند عودتهم،الي ان اتي اليوم الذي اخبرت به الجميع بأنها قامت بالحجز لهم ليسافروا

-برضو مصممه انك مش هتيجي معانا

-معلش يازهرة انتي اكيد عارفه ان لولا شغلي مكنتش اتأخرت

-طيب وعد لو قدرتي تيجي تعالي

-حاضر ياجميله وعد لو خلصت اللي ورايا وقدرت انزل هاجي

-متأكده انك مش عايزاني هنا

-اه ياسليم انت مكاني هناك ومتقلقوش انا مخلصه كل حاجه مع جدي

-ماشي ياحور اللي يريحك

-شريف ممكن تيجي معايا عايزاك ف كلمتين ف المكتب

-اوك ماشي

..

-اقعد

-خير

-اتفضل دول

-ايه الظرف دا

-دول خمسين الف دولار خدهم معاك وانت نازل علشان لو عمي طلب حاجه ذياده عن اللي معاك

-ربنا يخليكي ياحور بس انا معايا الحمدلله وبعدين المفروض انا اللي اعمل معاكي كدا واقف معاكي كدا زي م انتي واقفه معانا كلنا

-متقولش كدا ياشريف انت اخويا وكلكم عيلتي وهرجع اقولهالك تاني انا لو هقعد عمري كله ارد دين تيته زينب ف رقبتي مش هقدر ارده وبعدين دا مبلغ صغير جدا مرضتش اعرض مبلغ اكبر لاني عارفه انك هترفض ف بليز اقبل دا تحسبا لو اللي معاك مش كفي

-تسلميلي ياحور بس فعلا انا مش محتاجه،كان نفسي بس تكوني معانا

-وعد لو قدرت هاجي بس انت عارف ظروف الشغل

-هي لسا صفقه التعاون شغاله

-اه لسا العقود مخلصتش مراجعه والمستشفي بتاعتنا وبتاعتهم لسا الفريق القانوني بتاعهم هيراجع الاوراق ونشوف هنتممها ونمضي ولا لا

-انا شايف انها مش هتخسرنا فلوس بالعكس ارباحها هتكون ملايين لكن في عيب واحد من وجهه نظري

-ايه هو

-اسم المستشفي بتاعتك مش محتاجهم لكن هم محتاجيين اسمك واكيد الفلوس الكتير المدفوعه دي مش مدفوعه في عمل خيري اكيد في مصلحه كبيرة احنا منعرفهاش ومش مرتاحلها

-انا برضو حاسه كدا وقولت لستيڤ كل حاجه وقالي نستني لما نشوف بنود العقد لما يخلص

-هيخلص امتي

-المفروض الاسبوع الجاي

-يعني واحنا ف مصر

-اه

-طيب عرفيني لما يخلصوا وقوليلي هتعملي ايه

-اكيد طبعا انت قبل م تبقي عمي او حتي اخويا ف انا بثق جدا ف حكمك ف الشغل وبحب اخد برأيك

-ربنا يخلينا لبعض كلنا ونفضل عند حسن ظن بعض

-يارب ياشريف،اه صحيح عايزة اسألك ع حاجه سخيفه شويه بس سر بينا لكن لو عايز تحكي لجميله عادي لانها هتعرف مني وهي بس اللي مسموحلها تعرف عني اي حاجه بعدك

-قولي خير

-انت طبعا كنت تعرف ان سليم كان بيحب واحده قبل م ييجي امريكا

-اه وغالبا كانت زميلته

-طيب بص ياشريف البنت دي راحت البلد وسألت عنه وقبل م تسألني عرفت ازاي ف انا ليا رجاله هناك سواء حمايه لبيت اهله او حمايه لجدي من بعيد ومنبهاهم يفتحوا عينيهم وودانهم كويس ف اي حاجه تخص البيتين

-طب ودي راجعه تسأل ليه

-دا اللي عايزه اعرفه بس لو نيتها كويسه اكيد مش هترجع تاني بعد م عرفت انه اتجوز انما لو نيتها وحشه ف هي هترجع تاني لما تعرف انه رجع البلد عايزاك تعرفني لو لاحظت تغيير عليه

-انتي شاكه انه ممكن يحن ويرجعلها

-انا دايما بقول انك وجميله اكتر اتنين فاهميني بعد تيتا زينب الله يرحمها

-بس مظنش ياحور سليم بيحبك

-الحب مش كفايه ياشريف م كان بيحبها واتجوزني انا ف الاخر في حاجات تانيه اهم زي الولاء والتفاهم والاحترام والرضا بالطرف الاخر،وانا حاسه سليم لو شافها هيضعف ساعتها هيبقي نهاها

-اي قرار هتاخديه اعرفي اني معاكي فيه

-ربنا يخليك لينا ياشريف،يلا روح لعروستك بقي وشوفها عايزه تشتري هدايا ليهم ف مصر ولا هتعمل ايه

-تصدقي نسيت خالص موضوع الهدايا دا

-يلا علشان متأخروش

-ع اذنك،ومتفكريش كتير

-اتفضل

..

-جميله يلا اطلعي البسي علشان نخرج نجيب هدايا لاهلك

-وانا عايز اجي معاكم

-وانا كمان

-خلاص اطلعوا كلكم اجهزوا ويلا نروح كلنا

-ماشي يلا يازهرة نطلع نجهز

-هتيجي معانا ياسليم

-لا هقعد مع حور

..

-احنا جهزنا

-طيب يلا علشان منأخرش وتلحقوا تجهزوا الشنط

...

-شريف مالك سرحان ف ايه

-مفيش ياجميله

-لا طبعا في هو انا هتوه عنك وانت وعدتني متخبيش عني حاجه

-مهاب وزهرة فين

-ف المحل اللي هناك دا بيجيبوا حاجات

-طيب هقولك بس علشان حور ادتني الاذن اني احكيلك لانها بتثق فيكي زيي

-خير قلقتني

-البنت اللي كان سليم بيحبها قبل مايسافر راحت سألت عليه ف البلد اليومين اللي فاتوا دول ورجاله حور عرفوها ان في واحده سألت علي سليم واسمها ومن القاهرة ف حور عرفت ان هي دي

-طب ودي راجعه ليه

-حور طلبت مني اني لو لاحظت تغيير ع سليم هناك اتصل بيها واعرفها

-ايه دا هو ممكن يخونها

-هي متوقعه دا بس الفكرة ان دا لو حصل موقفي هيكون ايه معاه هناك وهعرفها ازاي

-بص ياشريف احنا ف الاول و ف الاخر مش لينا الا حور ف الاخر وهي معتبرانا اخواتها من اول يوم عرفتنا فيه ف اكيد لو جوز اختك خانها اكيد مش هتعدي الموضوع بسهوله وبالنسبه هتعرفها ازاي ف اللي خلاها عرفت انها سألت عليه هتعرف لو حصل حاجه ف الافضل تعرف منك انت الاول قبل م حد من رجالتها يعرفها اظن فاهمني

-فاهمك ربنا يستر

-فك بقي كدا ولا انت عايز ترجع ف كلامك ومش نتخطب

-متضحكنيش وانا متضايق

-خلاص يلا نروح نشوف زهرة ومهاب ونروح ناكل ايس كريم

-عينيا،انتي تؤمري وانا انفذ

-ايه دا انا كدا هتعود ع الدلع دا

-اتعودي براحتك

-طيب يلا نروحلهم

........

-قاعده لوحدك هنا ليه

-مفيش براجع شويه ورق

-حور انتي زعلانه من حاجه

-لا ابدا بس دماغي مشغوله شويه بالصفقه

-انا شايف انها لقطه

-ربنا ييسر

-طيب تعالي نخرج

-لا مليش مزاج انا تعبانه من كتر الشغل هخلص الورق دا واطلع انام

-دا انا مخرجتش معاهم علشان اقعد معاكي

-معلش تتعوض لما ترجع،البس وروحلهم

-ماشي ياحور براحتك

-في ايه ياسليم انت شايفني بلعب دا شغلي ولا عايزني اسيب شغلي واقعد احكي معاك

-انتي بتعلي صوتك عليا ياحور

-انت اللي وطي صوتك ياسليم عمري مسمحلك تتجاوز حدودك ف الكلام معايا وصوتك يعلي

-انتي ناسيه اني انا الراجل وانك مراتي

-اه وبعدين يعني فين الميزة والمبرر

-انتي شايفه ان جوازك مني مش ميزة

-لا مش ميزة ياسليم وغالبا انت لسا مفهمتنيش كويس الجواز شي بيكملك معنويا فلو هيأذيك يبقي ملهوش لازمه وانا اخر واحده يتقالها جمله انا الراجل فلو سمحت الزم حدودك

-انا ماشي علشان مقولش كلام غلط يتحسب عليا

-اتفضل

....

-حور انتي فين

-انا ف المكتب ياجميله تعالي

-اومال سليم فين

-خرج يازهرة من شويه

-طيب انا طالعه اوضتي اجهز الشنط

-وانا كمان طالع مش هتطلع ياشريف

-لا يامهاب اطلع انت وانا هحصلك

-تعالي واقفل الباب ياشريف،مالك شكلك متضايقه ليه

-وسليم خرج ليه دا كان بيقول هيقعد معاكي

-مفيش شدينا شويه بس وقفته عند حده

-بسبب البنت اياها

-لا كان عايزني اسيب الشغل واقعد احكي معاه قولتلو ورايا ورق لازم اراجعه ف علي صوته عليا وقالي انا الراجل وبتاع فعرفته حدوده ف خرج

-انا حاسه بيكي انك مش مرتاحه لحد م تطمني

-عندك حق ياجميله انا فعلا مش مرتاحه من ساعه ماعرفت

-روقي دمك

-ياشريف انا كل اللي فارق معايا انه لو خان ف كدا هكون خسرت ثقتي لاول مرة ف حياتي عن طريق اول راجل ادخله حياتي العاطفيه

-بصي ياحور سواء خان او صان ف في الحالتين انتي مش هتنقصي حاجه او هتزيدي حاجه لانك مش محتاجاه لو هيكون في اذي منه

-عندك حق يلا سيبكم مني وخلونا فيكم انتم ربنا يهديكم لبعض دايما ويبعد عنكم اي اذي وتتجوزو بقي وتجبولي بيبي صغنن العب معاه

-ياسلام ع اساس هتفضيلو

-لو طلب عينيا مش هقول لا

-ربنا يخليكي لينا يارب ياحور

-ويخليكم ليا يارب

-طيب هطلع اطلع الحاجات دي وانزل نحضر العشاء علشان تاكلي قبل م تنامي

-ماشي ياحبيبتي مستنياكي

-ع اذنكم

-قالتلك ايه لما حكتلها

-قالتلي اننا ف الاول والاخر ملناش غيرك انتي

-جميله قلبها نضيف متلوثش زي قلبهم فحافظ عليها ياشريف لانك لو خسرتها هتكون خسرت نفسك

-وانتي كمان قلبك نضيف ياحور وبدعي سليم يكون عند حسن ظننا لانك تستاهلي اللي يضحي بحياته علشانك

-ياخبر دلوقتي بفلوس بكرة يبقي ببلاش

-طيب يلا نطلع نقعد ف الجنينه غيري جو

-مش هتطلع تجهز شنطتك

-جميله هتجهزهالي والهدايا اللي جبتها لبابا وخالي معاها هي ف انا فاضي مش هسيبك غير لما تطلعي تنامي

...

-انا جييت،ها عايزين تاكلو ايه

-خلي الشغاله تعمل الاكل

-لا حابه انا اجهز الاكل علشان يصبرك شويه ع فراقي اليومين اللي جايين

-ياسلام ع الدلع،طيب استني ارن ع مهاب وزهرة علشان ينزلوا

-قولتلهم وانا نازله

.....

في صباح اليوم التالي

-جميله خلصتي

-اه ياحور كله تمام

-طيب يلا شريف تحت مستني هو وسليم ومهاب وزهرة نازليين

-يلا بينا انتي جايه معانا المطار ولا رايحه الشغل

-لا رايحه الشغل

-علشان سليم مش كدا

-اه

-ماشي ياحبيبتي اللي يريحك واول م تقدري تنزلي تعالي علشان فرحتي هتكون ناقصه من غيرك

-حاضر ان شاء الله

-يلا بينا ننزل

.....

-خلي بالك من نفسك ولو احتاجتي حاجه ف الشغل رني

-تسلملي ياشريف

-هتوحشيني ياحور

-وانتي كمان يازهرة

-اخليني معاكي

-لا يامهاب روح اكيد مامتك عايزة تشوفك

-هو سليم فين ياشريف

-برا يازهرة مستني ف العربيه

-مش هيودع حور

-ودعني يازهرة متقلقيش يلا علشان متتأخروش عن طيارتكم