مالك قلبي

بارت 8

وما ان وصلوا مصر حتي وجدوا الجد ووالد شريف بإنتظارهم بالمطار فوحدهم من كانوا يعلمون

-جدي هناك اهو هو وجدي فتحي

وماهي الا لحظات حتي ركضوا اليهم وعانقوهم

-وحشتني اوي ياجدي

-وانتي وحشتيني ياجميله انتي ومهاب وحور مجتش ليه

-معلش ياجدي عندها شغل مهم

-اخبارك ايه ياسليم

-بخير ياجدي

-وحشتني اوي يابابا

-وانت كمان ياحبيبي

-اخبار صحتك ايه ياجدي فتحي

-بخير ياجميله يابنتي

-طيب يلا نمشي في عربيتين ولا واحده يابابا

-خالك صمم يكون في تلات عربيات علشان تركبوا براحتكم

-خلاص انا وشريف هنركب مع جدي حسان وجدي فتحي وزهرة وسليم ومهاب يركبوا عربيه والتالته للشنط

-ماشي يلا

....

وما ان وصلوا حتي ذهب سليم وزهرة لمنزلهم وشريف ووالده لمنزلهم ومهاب وجميله والجد لمنزلهم

..

-كنت فين ياحاج

-عاملكم مفاجأه

-وحشتيني ياماما

-جميله بنتي

-وحشتوني كلكم

-مهاب ابني

وما هي الا ثواني حتي ركض مهاب وجميله وعانقوا امهاتهم

-مقولتوش انكم جايين ليه

-حبينا نعملها مفاجأه يابابا

-وحور مجتش ليه

-عندها شغل مهم

-رحمه فين ياماما

-فوق ف اوضتها

-طيب انا هطلعلها ولو ممكن يامهاب تطلعلي شنطي معاك

-حاضر

-يلا ياماما نطلع علشان رحمه وحشتني

-فين تامر ياماما

-برا ياحبيبي لسا مرجعش

-طيب هطلع الشنط ونازل تاني

-ماشي ياحبيبي وانا هجهزلك الاكل اللي بتحبه

-تعالي يارحيم عايزك ف المكتب

-اتفضل ياحاج

..

-لسا عند كلامك ف موضوع جميله وشريف

-اللي انت شايفه ياحاج انا موافق عليه

-ربنا يهديك يابني واتأكد ان شريف اصيل وهيحطها ف عينيه

-هو رجع

-اه بس راح مع فتحي ع البيت وكمان يومين وهييجي يطلب ايدها

-ع بركه الله ياحاج

-يلا روح شوف بنتك واتطمن عليها ونبقي نتجمع ع العشاء

-ماشي ياحاج ع اذنك

....

-جميله

-اتفضل يابابا ادخل

-وحشتني لمتكم

-وانتم كمان وحشتوني والله

-اخبارك ايه هناك وحور عامله ايه معاكي

-بخير ياماما وبالنسبه لحور فهي زي رحمه وحطاني في عينيها

-ربنا يكرمها يارب يابنتي

-يارب ياماما

-وانتي عامله ايه في جامعتك

-ماشيه الحمدلله

-محتاجه اي حاجه او اي فلوس

-كبرتي ياجميله وبقيتي عايزة تصرفي علي اختك

-حضرتك الخير والبركه يابابا بس الحمدلله مستورة معايا

-سيبك انتي جيبتيلي ايه معاكي

-جبتلك لبس كتير علشان الجامعه وحاجات تانيه هتعجبك وجبت لكل واحد ف البيت حتي عمو حسن ووولاده ومراته

-فيكي الخير يابنتي

-طيب انا هنزل اساعد مرات عمك احمد ف الاكل وانتي غيري وتعالي

-حاضر ياماما

-وانا رايح اوضتي لما تخلصوا الاكل اندهوا عليا

-حاضر

-انا هروح اوضتي يارحمه بقي

-لا انتي هتقعدي معايا لحد م تسافري تاني حطي هدومك هنا

-حاضر انتي تؤمري،تعالي اوريكي اللبس بتاعك اللي جبتهولك بقي ونطلع الهدايا بتاعه كل واحد علشان ناخدها واحنا نازلين

-اوك يلا

....

-جميله

-ادخل يامهاب

-يلا الاكل جهز،ايه دا ازيك يارحمه عامله ايه

-وحشتنا والله يامهاب

-وانتي كمان والله

-طيب خد شنط الهدايا دي معاك يامهاب تحت

-اوك

..

وما ان انتهوا من طعامهم حتي تجمعت العائله جميعا وقد اتي حسن ايضا واسرته فأسره احمد ورحيم سعداء برجوع ابنائهم بينما حسن واسرته حاقدين علي نجاحهم

..

-اخبار دراستك ايه يامهاب

-بخير ياجدي حور بتساعدني ع اد م تقدر وكل فترة بتخليني اتدرب ف المستشفي علشان اشتغل عملي واستفاد اكتر

-ربنا يكرمها يارب

-يارب ياماما هي تستاهل كل خير

-انا ندمت علي عدم المبالاه اللي صدرت مني ناحيتها لما كانت وسطنا

-حصل خير يابابا هي مش شايله جواها من اي حد هنا

-وانا والله ندمانه

-خلاص حصل خير ياماما لما ترجع عرفوها ان ليها اهل هنا وخدوها ف حضنكم

-وعد ياابني والله بس هي تيجي

-ان شاء الله هتيجي قريب

-علشان خطوبتك

-لو خلصت شغلها هتنزل

-انتم هتعملوا اللي ف دماغكم وهتناسبوا فتحي

-احترم نفسك ياحسن دا جوز عمتك ولما تتكلم عنه تقول الحاج فتحي دا اولا وثانيا انا وابوها موافقين فمتدخلش نهائي ف الموضوع دا ويبقي احسن لو مكنتش موجود خالص ف البيت يومها

-هسبهولك من دلوقتي ياحاج علشان ترتاح

-سكه السلامه

-خلاص ياجماعه استهدوا بالله،هات الحاج يارحيم وتعالي نطلع نقعد ف الجنينه

-وانا هطلع انام ياجدي علشان تعبانه

-مش ياحبيبتي اطلعي ونقعد سوا بكرا الصبح

-ع اذنكم

-استني جايه معاكي

-وانا هاجي معاكم ياجدي

-يلا يامهاب

-وانا جايه اساعدك ياام تامر ف المطبخ

...

-كنت واخد بالك من بنات اعمامك ولا لا

-الصراحه ياجدي شريف اللي كان قايم بالمهمه دي ومش كنت بقدر اعارضه

-ايه بيخوفك ولا ايه

-حتي انت ياجدي هتضحك عليا،كل الموضوع شخصيه شريف جد ومحترم ذياده عن اللزوم ف بيجبرني احترمه مني لنفسي وطبعا كان بيعاملني دايما اني اخوه الصغير وبيخاف ع مصلحتي وجامعتي

-يعني شايف انه اختيار مناسب لجميله

-اه والله ياعمي شريف مفيش منه اتنين زي جميله مفيش منها اتنين ربنا يكرمهم ويسعدهم يارب

-وانت يافالح عامل ايه ف كليتك

-يابابا ابنك بقي دكتور شاطر من قبل مااتخرج واعرف حاجات زمايلي اللي ف سني ميعرفوهاش

-علشان بتطبق ف المستشفي يعني

-اه حور مخلياني بروح المستشفي وقت م احتاج بس لما بتحس اني هقصر مع الجامعه بتقولي ذاكر ف البيت

-بنت عمك طلعت اجدع مننا كلنا وحسستنا اد ايه احنا صغيرين قدامها وقدام نفسنا وقابلت سيئتنا بالحسنه

-قولتلكم لما جات انها مش عايزة فلوس هي عايزة عزوة واهل لكن انتم طلعتم اغبياء

-متقطمناش بقي ياحاج احنا اتغيرنا بسببها ولما ترجع هتشوف اهلها اللي عايزاهم طول عمرها

-سليم عامل معاكم ايه هناك يامهاب

-كويس ياجدي بس بصراحه شريف اللي مسيطر علينا كلنا

-ماخلاص ياابني حال اني موافق عليه

-انتم بتضحكوا،والله مقصدش احسن صورته قدامكم لانكم عارفينه اصلا بس بقول الحقيقه

-انا اقصد من سؤالي تعامله مع حور بيزعلها يعني

-محدش يقدر يزعل حور ياجدي ووقت الجد لو حسينا انه زعلها انا وشريف هنرد قبلها هي

-جدع ياواد راجل

-تربيتك ياجدي،طب هروح انام انا بقي اظن انكم استجوبتوني كفايه يلا ع اذنكم

-اذنك معاك

.....

مر يومان علي وصولهم كل منهم بمنزله مع عائلته واتي اليوم الذي سيأتي به شريف ووالده لخطبه جميله وتمت دعوة سليم وعائلته ايضا وكان رحيم واحمد بانتظار ضيوفهم بالخارج ووالده مهاب تساعد والده جميله بكل حب في اعمال الضيافه مما خلق جو جميل ودفئ اسري لم يعهدوه من قبل

-مهاب

-نعم يامرات عمي

-الضيوف وصلوا ولا لسا

-تقريبا سليم واهله وصلوا برا

-طيب يلا ياام تامر نطلع نستقبل ام سليم دي حماه حور برضو

-يلا بينا

...

-اهلا وسهلا ياام سليم شرفتينا اتفضلي،ازيك يازهرة

-الحمدلله ياطنط اومال فين جميله

-فوق بتجهز ومعاها رحمه

-ممكن اطلعلهم

-اه طبعا ياحبيبتي اتفضلي،وصلها يامهاب

-تعالي يازهرة

-ازي صحتك ياام سليم

-بخير ياام تامر عقباله هو ومهاب وعقبال رحمه ياام جميله

-ربنا يخليكي وعقبال زهرة ان شاء الله

-ربنا يسعدهم كلهم

-يارب

-طب انا هستأذن ورايا حاجات ف المطبخ

-انا جايه معاكم

-لا ميصحش طبعا

-والله ابدا احنا اهل خلاص وجميله زي زهرة

-طبعا ياحبيبتي،اتفضلي

...

-ماما

-ايوة يامهاب

-جدي فتحي وشريف وصلوا بابا بيقولكم تعالو سلموا عليهم

-ماشي ياحبيبي جايين وراك

...

-يااهلا وسهلا شرفتنا ونورتنا ياحاج

-دا نوركم ياام جميله

-ازيك ياشريف

-بخير الحمدلله ياعمي صالح

- طب مش هتتكلم ياشريف ولا ايه

-اسكت يامهاب

-حاضر ياشريف

مما جعل الجميع يضحك علي طاعه مهاب لشريف

-دا فعلا بقي

-فعلا ايه ياجدي

-لا ولا حاجه

-طيب اتكلم انا ياحاج،انا يشرفني اطلب ايد جميله لشريف ابني وكل طلباتكم مجابه ان شاء الله

-مفيش بينا طلبات ياعمي فتحي احنا بيت واحد

-ربنا يكرم اصلك ياابو جميله،وانت ايه رأيك ياحاج

-انا وابوها مفيش عندنا مانع بس الاصول نسمع رأيها

-طبعا ياحاج عداك العيب

-طيب ياام جميله اطلعي هاتيها

-حاضر ياحاج

...

-ازي حضراتكم

-ازيك يابنتي

-جدك فتحي طالب ايدك لشريف انتي ايه رأيك

-اللي تشوفه ياجدي

-خلاص يبقي ع بركه الله نقرأ الفاتحه

-طيب مش هنتفق ع طلباتكم وميعاد الفرح

-طلباتنا ملناش طلبات والشبكه دي هديه العريس للعروسه زي م هم يتفقوا وبالنسبه للفرح ف لما حور تكون موجوده واظن دي رغبه شريف وجميله كمان

-ايوة ياجدي

-خلاص نقرأ الفاتحه النهارده وكمان يومين تكون الخطوبه وتجيبوا الشبكه وبعيدا عن اللي شريف هيجيبوا ليكي شبكه هديه مني لانك اول حفيده ليا احضر فرحها

-ربنا يديك طول العمر ياجدي

-وانا كمان ياحبيبتي ليكي شبكه هديه مني انتي بنتي الكبيرة

-ربنا يخليك ليا يابابا

-ايه دا دا انا اتجوز بقي ع كميه المجوهرات اللي الواحد هياخدها هدايا دي

-ليه كنت بنت يافالح

-ربنا يكرمك ياجدي كل الشكر

-طيب يلا كله يقرأ الفاتحه

واثناء ذلك رن هاتف سليم فإستأذن وذهب للخارج ليجيب مما اثار دهشه شريف لمدي اهميه الاتصال الذي يجعله يخرج في هذا الوقت فنظر لجميله وجدها تتسائل مثله وشكوا في نفس الشئ،وما ان انتهوا حتي خرج شريف ليري سليم وقد سمعه يحدث فتاه فعلم انها حبيبته السابقه لكنه دخل قبل ان يراه

-فين سليم

-لسا بيتكلم ف الموبايل

-معقوله

-اه هي ياجميله وشكل الموضوع هيقلب جد ربنا يستر

-اصبر لحد م نحس ان الموضوع دخل منطقه خطر ساعتها اتصرف

-ماشي،بس صحيح ايه القمر دا

-بجد عجبك الفستان

-انتي حلوة في اي حاجه واخيرا اخدنا اول خطوة في حياتنا سوا

-انا مش مصدقه

-لا صدقي وكل اللي جاي هيبقي سعاده بس ان شاء الله

-يارب

-صحيح عايز ادي الهدايا لمامتك ورحمه وباباكي

-طيب تعالي،ماما تعالي ثواني

-نعم ياحبيبتي

-اتفضلي دي حاجه بسيطه ليكي ولعمي ولرحمه

-تعبت نفسك ياحبيبي م جميله جابتلنا

-انا خلاص زي جميله يعني مفيش فرق بينا

-طبعا ياحبيبي،ربنا يخليك

-شريف م تتصل علي حور علشان فوني فوق

-ماشي

...

-وحشتينا

-وانتم كمان،كلكم متجمعين يعني اقول مبروك

-الله يبارك فيكي انتي عامله ايه والشغل

-بخير ياشريف الحمدلله وكنت هكلمك بكرة بمناسبه الشغل

-طيب سلمي عليهم كلهم وعلي جدي واكلمك ف الاخر

-ماشي،وحشتني ياجدي

-وانتي كمان ياحبيبه جدك كان نفسي تيجي معاهم

-كان عندي شغل مهم ياحبيبي اول م افضي هجيلك

-ماشي ياحبيبتي خدي صالح هيسلم عليكي

-ازيك يابنت الغالي

-ازي حضرتك وحشتني

-وانا موحشتكيش

-لا طبعا ازاي وحضرتك كمان بس قولت زهرة اكيد وحشاكم فمتصلتش اليومين دول

-حور خدي سلمي علي بابا

-ازي حضرتك ياجدي فتحي وحشتني جدا جدا

-وانتي كمان يابنتي ليكي وحشه وكان نفسنا تبقي معانا النهارده

-تتعوض ياجدي ان شاء الله،سلميلي ع الكل ياجميله

-يوصل ياحبيبتي،خدي شريف معاكي اهو

-اوك،ادخل المكتب ياشريف بعد اذن جدي

-طبعا اتفضل ياحبيبي وصليه ياجميله

-اتفضل ياشريف

-ها دخلت المكتب احكي

-طب اسيبكم انا

-ادخلي ياجميله انتي وشريف عندي واحد مفيش بينا اسرار بس اقفلي الباب

-العقود خلصت

-اه واحساسي انا وانت كان في محله كانوا عايزين اسم المستشفي يتدارو وراه وكان وراهم بلاوي وتجارة اعضاء وقرف كتير وستيڤ اللي عرف المعلومات دي بطلوع الروح من ناس شغاله معاهم وطبعا كله بحسابه علشان نطلع منهم بالمعلومات دي واللي اكدلنا كل دا لما بعتولنا صوره العقد لقينا بند فيه بينص انهم ليهم حق التدخل في الادارة نظير الملايين اللي هتدفع وان دا استثمار ف الاول والاخر وطبعا رفضنا التعاون

-ياولاد التيت انا كنت عارف ان وراهم مصلحه عايزينها من المستشفي بس متخيلتش القرف دا

-يلا اخدو الشر وراحوا طب طالما خلصتي منهم م تيجي بقي تحضري الشبكه

-هي امتي

-كمان يومين بس لو عايزاها اخر الاسبوع عادي نستني

-خلاص خليها اخر الاسبوع وهحاول اجي بس هرجع ع طول

-هنرجع معاكي متقلقيش علشان الشغل

-خلاص تمام اتفقنا،وعملت ايه ياشريف ف اللي طلبته منك

-بصي ياحور لولا انك اختي واللي يمسك يمسني مكنتش قولت

-قول ياشريف عادي

-من شويه واحنا بنقرأ الفاتحه جاله فون ف خرج يرد برا واخر ف لما خلصنا طلعت اشوفه لقيته بيكلمها ف دخلت جوا من غير مايشوفني

-تمام ياشريف تسلملي هي كدا عرفت انه رجع

-هتعملي ايه

-لما اجي ياجميله كل حاجه هتبان بس خلو عينكم عليه ع اد م تقدرو لحد م اجي

-ماشي

-يلا اسيبكم انا بقي تصبحوا ع خير

-انتي منمتيش ولا صاحيه بدري

-لا مطبقه من امبارح بسبب حوار التعاون دا هروح انام بقي

-ماشي ياحبيبتي باي

-باي

...

-شريف

-قلب شريف

-اوعي تخوني في يوم من الايام

-ياحبيبتي انا من زمان وانا مش شايف غيرك

-توعدني افضل انا بس ف قلبك وحياتك

-اوعدك

-طيب يلا نخرجلهم

-يلا

-يلا ياحاج اتفضلوا الاكل جاهز

-مكنش في داعي للتعب دا

-كله من خيركم اتفضلوا

...

وما ان انتهوا من طعامهم حتي خرجوا ليجلسوا بالخارج

-احنا عايزين نخرج كلنا بكرة بقي

-اعفيني انا يامهاب نازل بكرة القاهرة ضروري

-خير ياسليم

-خير ياشريف ان شاء الله صاحبي تعبان شويه وهروح ازوره

-اجي معاك

-تسلملي شكرا

-خلاص ياشريف نخرج انا وانت وجميله ورحمه وزهرة وتامر وباقي العيله

-لا انا عندي شغل في الشركه بكرة

-ياتامر انت حياتك كلها شغل افصل شويه وبعدين انا بنت عمك وف مقام اختك ف افرح معانا شويه

-ماشي ياجميله اللي تشوفيه مع اني مليش ف الخروجات

-واحنا الكبار هنتجمع هنا وانتم روحوا انبسطوا

-ماشي ياجدي

-طيب نستأذن احنا ياعمي

-مابدري ياصالح

-بدري من عمرك ياعمي وبعدين م انا هجيلك بكرة

-تنورني هستناكم

-حاضر بإذن الله، يلا ع اذنكم

-اتفضلوا،معاهم يارحيم انت واحمد

-اتفضلوا

....

-شريف

-نعم

-هيقابلها

-فهمت

-هتعمل ايه

-هبعت وراه حد يعرف تحركاته بكرة وابقي ابلغ حور

-تمام

-بتتوشوشوا ف ايه

-ملكش دعوة يامهاب

-حاضر ياشريف

مما اضحك الجميع عليه،وما ان حل الليل حتي استأذن شريف ووالده وغادروا

....

في صباح اليوم التالي وقد هاتفت جميله شريف

-ياصباح الفل

-فوق كدا ياشريف،انا كلمت زهرة من شويه ع اساس احكي معاها شويه علشان اعرف سليم هيمشي امتي من غير م تحس اني متعمده اسأل وقالتلي انه دخل يلبس دلوقتي ف شوف كلم الراجل اللي هتبعته وراه دلوقتي

-حبيبتي الذكيه شطورة ياقلبي ماشي اقفلي وانا هكلمه دلوقتي

-تمام باي

..

وما ان انتهي حتي اتصل بها

-وحشتيني

-هو دا وقته،ها عملت ايه

-ياساتر،كلمته قالي مستنيه من بدري زي مابلغته امبارح

-طب تمام،وانت كمان وحشتني يابيبي

-الو مين معايا

-متستهبلش ياشريف والله مش اقولك كلام حلو تاني

-خلاص انا اسف انا اسف اخر مرة

-ماشي سماح المره دي

-حبيبتي،عايزة تروحي فين النهارده

-عايزة اروح السينما ونتمشي شويه البلد وحشتني

-يعني مش عايزة ترجعي امريكا

-طبعا عايزة ارجع من دلوقتي بس تعرف يوم م رجعنا اول مرة احسن ان عندي عيله بتحب بعض باستثناء عمي حسن طبعا بس احنا وعمو احمد ومراته وولاده حسيت اننا بقينا مقربين بسبب حور وعرفوا انهم غلطوا ف حقها

-ربنا يهديهم كمان وفعلا نفسي لما تيجي يحتووها خاصه المرة دي علشان المرة دي هتبقي بتوجع ليها انها تحس انها ملهاش حد غيرنا فلازم تلاقي باقي عيلتها

-عندك حق بس المرادي انا متفائله فيهم خير

-يارب

-طيب اسيبك روح اغسل وشك وافطر كدا مع جدي فتحي ونتقابل النهارده

-ماشي ياحبيبتي باي

-باي

.....

-صباح الخير

-صباح الخير ياحبيبتي تعالي افطري

-اومال فين مهاب يامرات عمي

-لسا نايم

-طيب هطلع اصحيه علشان نفطر سوا متعودتش افطر من غيره

-ربنا يخليكم لبعض ياحبيبتي

-ويخليكم لينا يارب يامرات عمي

...

وما ان اتوا حتي جلسوا سويا وتناولوا افطارهم

-جميله خلصتي اكلك

-اه ياجدي الحمدلله

-طب تعالي معايا المكتب

-حاضر اتفضل

....

-اقعدي

-خير ياجدي

-مبسوطه من خطوبتك لشريف

-اه ياجدي الحمدلله شريف راجل وجدع ومحترم

-يعني مش ممكن تندمي

-لا ياجدي واثقه من اختياري

-طيب الحمدلله كان لازم اتأكد

-اتطمن ياجدي

-طيب هو في مشاكل بين سليم وحور

-ليه بتقول كدا

-امبارح كلمتنا كلنا ومسألتش عليه ولا هو كلمها حتي لما اتكلمت عن الشغل اتكلمت مع شريف مع ان المفروض سليم بقي دلوقتي اقرب ليها

-بص ياجدي بالنسبه لشريف فحور بتعتبره اخوها الكبير وصديقها اللي بتستشيره في اي حاجه حتي الشغل ولان شغل شريف حسابات ف هو فاهم ف شغلها اكتر من سليم لان سليم شغله بس هم المرضي انما شريف شغله هو حسابات المستشفي فبتثق فرأي شريف اكتر بجانب دا ان حور عمليه مبتدخلش امورها الشخصيه ف الشغل

-ايه كل دا يابنتي انا بسأل زعلانه معاه ولا لا

-بص ياجدي انا لو اعرف حاجه ف هي هتكون وثقت فيا وحكتلي ومستحيل اخون ثقتها ولو في حاجه مهمه اكيد هي بنفسها هتحكيهالك

-ماشي يابنتي وانا هحترم امانتك في حفظ سرها وثقتها ربنا يخليكم لبعض

-ويخليك لينا ياجدي،انا هروح اقعد مع ماما بقي

-اتفضلي

.....

-جدك كان عايزك ليه

-مفيش ياماما بيسألني عن حور

-يازين م اختار

-ليه بتقول كدا

-ياماما جميله هي صندوق اسرار حور ومستحيل تقول عن حاجه تخصها

-ربنا يخليهم لبعض

-ويخليكي لينا يامرات عمي،اومال تامر فين

-نزل الشركه بدري قال علشان يلحق يخلص شغله قبل ميعاد خروجكم

-ربنا يقويه ويوفقه

-يارب ياحبيبتي

-وادعولي انا كمان

-وانت بتتعب زي تامر فين دا انت متدلع

-بذمتك لما بنزل المستشفي مش بتعب

-انت مش بتكون مجبر علي نزولك بالعكس لما حور بتحس انك مضغوط مابين المذاكرة والمستشفي بتجبرك تخليك ف البيت وتذاكر

-ياساتر ايه كل دا بس هقول ايه م انتي المحاميه بتاعتها

-بس يامهاب بنت عمك بتتكلم صح وفعلا حور عامله علي مصلحتك

-دا انتم كلكم بقيتوا ف صف حور

-متأخر ياابني المفروض كنا نفهمها لما كانت هنا بس احنا كرهناها فينا

-لا يامرات عمي هي مكرهتش حد فيكم عموما هي هتنزل ع خطوبتي ودي فرصه ليكم تصلحوا غلطكم في حقها

-بجد ياجميله

-اه والله هي قالتلي امبارح

-ماشي ياحبيبتي هتشوفي اننا كلنا اتغيرنا

-ربنا يخلينا لبعض يامرات عمي ولما نتجمع يكون في بينا حب ومودة ورحمه

-يارب ياحبيبتي

....

وفي المساء وقد تجمعوا جميعا فذهب الشباب سويا وبقي كبار العائله في المنزل وبعد مرور بعض الوقت رن هاتف شريف فوجده الرجل المرسل خلف سليم فأخذ جميله بعيدا عن البقيه ليتحدث

-ها عملت ايه

-.......

-انت متأكد

-......

-طيب خليك مراقبه لحد م يرجع وكله بحسابه سلام

-ها قالك ايه

-مصيبه ياجميله

-وقعت قلبي قول بقي

-اتجوزها

-بتهزر

-دي فيها هزار

-هو اتجنن

-الراجل بيقولي فضل وراه لحد ملقاه راح تحت بيت واستني ونزلت واحده واتحرك بالعربيه فمشي وراهم لحد م لقاهم طالعين مكتب مأذون ولقاهم بعد شويه نازليه ايدهم ف ايد بعض

-هنعمل ايه ياشريف

-حور لازم تعرف ياجميله دا اذا كانت معرفتش

-خلاص استني لحد اخر الاسبوع لما تنزل علشان تكون وسطينا لما تسمع الخبر مش لوحدها

-عندك حق فعلا،يلا نرجعلهم علشان ميشكوش ف حاجه

-يلا

....

وما ان انتهوا حتي عادوا للمنزل وجلسوا سويا الكثير من الوقت حتي عادوا جميعا لمنازلهم ومرت الايام التاليه بتوتر كبير لكل من جميله وشريف ظنا من الجميع انهم يشعرون بالتوتر بسبب الخطبه لكنهم يشعروا بالتوتر من اجل اللحظه التي ستعلم بها حور حتي اتي يوم الخطبه والكل يستعد وشريف وجميله ينتظروا جميله

-جميله

-نعم ياماما

-يعني حور مجتش

-مش عارفه بس فونها مغلق يبقي ركبت الطيارة من بدري

-بس كدا هنتأخر عن الجواهرجي وكله منتظر تحت

-جميله

-اتفضل ياجدي ادخل

-حور مجتش ليه

-زمانها جايه ياجدي

-طب مش كنا روحنا جبناها

-لا ياجدي هي قالت محدش يستناني

-خلاص احنا لازم نمشي دلوقتي علشان الجواهرجي

-ماشي ياجدي يلا

-يلا ياحبيبتي

..

وبالفعل ذهبوا وقامت بإختيار ماتريد تحت الحاح من شريف وعدم اهتمامه بالمبلغ الذي سيدفعه وايضا جدها ووالدها قاموا بشراء مجوهرات اخري لها وما ان انتهوا حتي عادي للمنزل وكانت الانوار تملئ القصر والمعازيم والموسيقي

..

-شريف

-نعم ياحبيبتي

-رن عليها

-حاضر

واثناء اتصال شريف بحور حتي وجدوها قادمه

-انا جيت خلاص مبروووووك

-وحشتيني ياحبيبه جدك

-وحضرتك وحشتني ياجدي عامل ايه

-بخير لاني شوفتك

-مبرووووك ياعروسه

-الله يبارك فيكي ياقلبي اخرتي ليه انا روحت جبت الشبكه من غيرك لما اخرتي

-معلش انا اسفه وبمناسبه الشبكه اتفضلي دي هديتي

-تعبتي نفسك ليه بس

-مفيش تعب ياعبيطه احنا اخوات،مبروووك ياعريس

-الله يبارك فيكي ياحبيبتي قلقتينا لما اخرتي

-معلش انا اسفه،افتحي شوفي ذوقي هيعجبك ولا لا

-واااااو ايه دا ياحور بس دا طقم غالي اوي

-مفيش حاجه تغلي علي جميلتي

-والله وجالك هديه الماظ ياجميله

-عقبالك ياسميرة مع اني عارفه انك مش هيجيلك زي اللي جالها

-عيب يارحمه

-ياماما م انتي سامعه

-سامع بنت ابنك ياحاج

-عندها حق وبعدين بنتك اللي محتاجه تربيه هي شايفه بنت عمها كانت محتاجه حاجه

-علي فكرة يافندم هي بتشتغل ومعاها فلوس تجيب اغلي من كل اللي جالها سواء مني او من خطيبها او من جدها وباباها بس لما الواحده بتلاقي اهلها مقدرينها وبيهادوها بيكون ليها طعم حلو

-خلاص ياجماعه حصل خير

-انا مسلمتش عليكي تعالي في حضني

-ازي حضرتك يامرات عمو

-عارفه انك مستغربه بس حقك عليا احنا كلنا عرفنا غلطنا وهتلاقي فينا الاهل والعزوة اللي كنتي عايزاهم

-اخيرا،ربنا يخليكي

-وانا كمان مليش حضن ولا ايه

-ازي حضرتك يامرات عمو رحيم

-بخير ياحبيبتي طول م انتي بخير

-اومال فين عمو احمد وعمو رحيم

-مع الرجاله برا اكيد مش شافوكي وانتي داخله،اطلع اندهلهم يامهاب

-حاضر

..

-حمدالله ع السلامه يابنت الغالي

-الله يسلمك ياعمو ازي حضرتك وازي حضرتك ياعمو احمد

-بخير ياغاليه طول م انتي بخير

-بص يابابا حور جابت لجميله ايه

-ليه كلفتي نفسك بس ياحبيبتي

-متقولش كدا ياعمو دي اختي

-طب يلا يابابا خد عمي وجدي ومهاب وشريف معاك وانت خارج علشان عايزين نرقص

-طيب يافقريه ارقصي براحتك اليوم يومكم

-شغلي يابنتي اغاني حلوة علشان هرقص حور

-مش بعرف

-هعلمك

-حتي انتي ياجميله انحرفتي

-يلا بس اعملي زي م رحمه هتعمل لاني مش بعرف ارقص حلو زيها

وبعد مرور عده ساعات وذهاب المعازيم وبقي اهل سليم وشريف ووالده

-المعازيم مشوا كلهم

-كان يوم حلو

-علشان شريف وجميله حلوين فطلع حلو زيهم

-حور عايزك انا وجميله

-خير

-تعالي ندخل المكتب

-اتفضلوا

..

-في ايه

-عايزين نقولك حاجه عارفينها من كام يوم تحديدا من تاني يوم كلمناكي فيه بس قررنا نقولك وانتي وسطنا افضل

-خير

-ف الاول احنا معاكي ومفيش حاجه تستاهل تزعلي بسببها

-ماتقولوا

-سليم اتجوزها

-وشكم جاب الوان علشان كدا

-انتي بتضحكي ياحور

-اومال اعيط يابنتي

-انتي عرفتي صح

-اه ياشريف عرفت ف نفس اليوم اللي اتجوزها فيه

-انا يومها بعت واحد وراه لما قال هيسافر يزور صاحبه فشكينا فيه انا وجميله

-عادي كل واحد غلط يتحمل نتيجه غلطه انا غلطت لما وافقت اكتب كتابي واثق فيه وهو غلط علشان فكر يلعب معايا انا بتحمل نتيجه غلطي وهو هيتحمل نتيجه غلطه

-ناويه ع ايه

-والله يابنتي كنت مأجله الكلام ف الموضوع دا لبكرة علشان الليله ليلتكم

-لا ياحور فداكي الف ليله شوفي عايزه تعملي ايه واحنا معاكي

-انا بالفعل عملت ولو مستعدين ممكن اخلي العرض يبدأ دلوقتي

-انا مش هقولك حاجه لانه يستاهل اللي هتعمليه يلا نخرج

-يلا

....

-اومال فين سليم ياطنط

-ايه طنط دي مش اتفقنا انك تقوليلي ماما

-لا معلش ياطنط محدش هيكون زي ماما او تيته زينب

-في ايه ياحور

-مفيش ياجدي انا بسأل ع جوزي

-سليم قال هيرجع البيت وجاي ميعرفش انك رجعتي

-طيب ياجدي اتصل بيه وقوله اللي هيدور عليه موجود

-انا مش فاهم حاجه

-لو سمحت ياجدي اتصل بيه او تخلي شريف يتصل

-خلاص هكلمه

....

-قالي جاي دلوقتي

-ادينا منتظرين

...

-خير ياجدي،ايه دا حور جيتي امتي ومقولتليش ليه

-حبيت اعملهالك مفاجأه ياعريس

-مالك بتتكلمي كدا ليه

-عايزني اتكلم ازاي وانت واحد ميستاهلش يتبص في وشه

-الزمي حدودك ياحور انتي مش مكتفيه من خناقه امريكا جايه تكملي هنا

-اولا صوتك ميعلاش ثانيا انت متقدرش تجيب اخر حدودي عارف ليه ياسليم لانك نكرة وقليل اصل حتي مطلعتش لابوك الراجل الطيب اللي فضل مخلص لصاحبه اللي مفيش بينهم صله دم

-يابنتي فيه ايه فهميني

-البيه اتجوز عليا ياجدي السنيورة بتاعه زمان

-انتي متأكده

-انت شايفني بلعب او بهزر ياجدي

-محصلش

-انت مش بس قليل اصل ياسليم انت جبان وعارف وواثق اني اقدر ادوس عليك بجزمتي وافعصك زي الحشرة بس انت غبي نسيت تحذيري ليك ف الاول لما قولتلك لو خنت ثقتي واذتني نفسيا هأذيك جامد بس غالبا انت مكنتش عارف انت بتلعب مع مين

-ايه دليلك

-ياابني انت عبيط انت فاكر اني جايه اتناقش عموما اظن هم هيحبوا يشوفوا ان اللي واقف قدامهم عيل ملهوش لازمه وجبان

وقد اخرجت هاتفها

-ايوة يابني ادخل

..

-ايه دا مين دي

-دي مرات اخوكي يازهرة سلمي عليها

-انتي اتجننتي وخطفتيها

-ولو عايزة اقتلها هقتلها ومحدش هيعرفلها طريق

-انتي عايزة ايه مني

-وانا هعوز من حشره زيك ايه انتي واحده عينها فارغه بتبص لحاجه غيرها بس حظك وقعك معايا

-ها ياعريس لسا مصمم انك متجوزتش

-هفهمك ياحور

-تفهمني ايه

-هي في مشاكل بينها وبين اهلها واتصلت بيا علشان انقذها وطبعا مكنش ينفع اعمل حاجه غير اتجوزها علشان ميكنش ليهم عليها حكم

-وانت زي الاهبل ماصدقت طب كنت روحلهم واقعد معاهم

-وهي هتكدب ليه

-علشان زباله زيك،بس معلش كله بحسابه،وحضرتك ياطنط مكنتيش تعرفي

-لا

-غالبا عرفت انت طلعت كداب لمين

-حور احترمي نفسك

-قولتلك صوتك ميعلاش ياسليم،اومال مين اللي راح زار مرات ابنه ياطنط من يومين

-انتي مرقباني

-مش قولتلك انك غبي ومتعرفش انت لعبت مع مين

-انا والله يابنتي ماكنت اعرف وفعلا هو اخدها ونزلوا القاهرة بس قالو انها هتكشف عند دكتور صاحبه

-حضرتك مش محتاج تحلف انا عارفه انك مكنتش تعرف ولو كنت عرفت مكنتش هتقبلها انما طنط راحت تزور مرات ابنها التانيه وكأنها فخورة بانجاز ابنها

-دا جزائي ياصالح اني سلمتك بنت ابني

-ياعمي والله مكنت اعرف وهو عندك اهو اللي عايز تعمله انا مش هعترض

-عمو رحيم اتصل بالمأذون اللي جوزنا ييجي حالا

-متأكده

-لو سمحت ياعمو بسرعه

-حاضر يابنتي

-وانا مش هطلق

-مش بمزاجك ياسليم انت خنت ثقتنا كلها واذتها ومقدرتش النعمه

-متدخلش ياشريف

-اسمه استاذ شريف ياسليم ولما تكلمه يبقي تحترم نفسك وهتطلقني ياسليم بمجرد م المأذون ييجي علشان توفر ع نفسك نص اذيتي

-انتي بتهدديني

-لا انا بنبهك

-انت فاكر ان مش وراها حد في جدها واعمامها واخواتها

-وانا اللي اسمي ابوك بقولك هي خسارة فيك انت تستاهل واحده رخيصه زيك

-انت ف صف مين يابابا

-في صف بنتي وبنت صاحب عمري

-بس دا ابنك الوحيد

-مليش غير زهرة وحور،وانتي افرحي بتربيتك ودلعك فيه ولو ممكن تفكري اني هخسرها علشانك انتي وابنك تبقي غلطانه انتي محترمتيش وجودي وعرفتيني بالقرف اللي ابنه عمله بل بالعكس دا انتي روحتي باركتي

....

-المأذون وصل ياحور

-خليه يدخل ياعمو

....

-عملتي اللي يريحك

-اه ياجدي وبالمناسبه يابتاع انت متفكرش ترجع امريكا تاني

-هتمنعيني من شغلي كمان

-مش بس كدا انت بقيت ممنوع من دخول البلد كلها

-بس دا اسمه ظلم

-انا لسا معملتش فيكم حاجه

-وانتي ياسنيورة بكرة بالكتير هيجيلك قرار عدم مزاولتك المهنه مفيش مستشفي هنا هترضي بيكي

-بس انا معملتش حاجه

-لا عملتي وعملتي كتير ف اتحملي بقي،وبالنسبه لاملاكه اللي اتجوزتيه علشانها فهي بإسم باباه اللي لو طلبت منه يكتبهم بإسم زهرة واثقه انه هيعمل كدا واللي برضو اقدر اخليه يقعد مش لاقي شغل بس مش هينفع اخد زهرة وعمو بذنب اتنين زيكم بس متقلقش ياسليم انت كمان كلها يومين ويطلعلك قرار عدم مزاوله المهنه زيها وبالنسبه لعمك انا اتفقت معاه انه لو اتعرض لوالدك او والدتك او اختك هيكون اتعرضلي انما انت فهو اخد تصريح مني يعمل اللي يعجبه وقبل م تسأل عن فلوسك اللي ف امريكا فانا اللي خليتك تعملها وانا اللي اخدتها واتبرعت بيها لجمعيات خيريه وكدا اكون خلصت اكراما بس لوالدك واختك انما لو كانوا خانوني هم كمان صدقني ياسليم كنت هخليك تركع قدامي وتترجاني اخلصك من الجحيم اللي هتشوفه يلا غور ف داهيه وخد الزباله بتاعتك معاك

-عجبك الاهانه دي

-تستاهلي انتي وابنك اكتر من كدا ياريتني ماكنت خلفته امشو من هنا وخدي الزباله بتاعه ابنك معاكي

-هدي اعصابك يابنتي

-انا هاديه ياجدي متقلقش عليا

-انا مش عارف اقول ايه ياحور

-حضرتك متقولش حاجه انا مش زعلانه منك انت وزهرة

-حور انتي اختي ومفيش حاجه ممكن تخسرنا بعض

-اكيد طبعا يازهرة بس انتي اكيد فاهمه انك مش هينفع ترجعي معانا دلوقتي ع الاقل لحد م الامور تهدي ولو عمو وافق انك تيجي هنكون بانتظارك

-سيبيني اظبط اموري هنا وقريب هنيجي انا وهي لاني مش هينفع ابعد عن بناتي

-اي كان قرار حضرتك هكون معاك فيه بس خد وقتك وفكر في مصلحه زهرة كويس لقدام وبلغوني بقراركم

-بجد يابابا

-اه يازهرة امك واخوكي اختاروا طريقهم بعيد عننا بس سيبيني اظبط الوضع هنا الاول

-ماشي يابابا

-طيب هنستأذن احنا دلوقتي

-اتفضلوا