مالك قلبي

بارت9

-معلش بقي ياعرسان بوظتلكم ليلتكم

-فداكي الف ليله المهم تكوني كويسه

-انتم شوفتوا منظر سليم كان عامل زي العيل الصغير

-لو سمحت يامهاب مش حابه اسمه يتذكر قدامي مرة تانيه

-انا قولتلكم بلاها نسب صالح

-الله يكرمك بلاش انت علشان متزعلش مني وانت راجل كبير وعيب لما تتهزق انك بتدخل ف اللي ملكش فيه

-انتي بتكلمي مين كدا يابنت شريف

-ياجدي خليه يسكت بدل م يزعل

-اخرس ياحسن واخفي دلوقتي من وشي

-هتندم ياحاج هتندم

-وانت بقي اللي هتندم جدي

-متدخليش

-جدي انا عايزاك تكتبلي كل حاجه بإسمي

-انتي اتجننتي يابنت شريف هتورثينا بالحياه

-متدخلش انت،ايه رأيك ياعمو رحيم انت وعمو احمد وتامر

-اللي الحاج يقرره مش هنعترض عليه وانتي واحده مننا يعني فلوسنا فلوسك ودا مال ابونا مش مالنا

-وانت ياتامر

-صحيح انا تعبت ف الشركه بس مؤخرا فهمت انها مال جدي ف الاخر ع اذنكم انا طالع اوضتي

-اتفضل ياتامر،انتي متأكده انك عايزة كدا ياحور

-اه ياجدي

-بكرة العقود هتكون جاهزة

-انتم اتجننتوا ولا ايه

-احترم نفسك انا سكتالك علشان سنك كبير انما هتقل ادبك هعرفك مين بنت شريف اللي مش عجباك

-سيبك منه ياحور اعلي مافي خيله يركبه تعالي نتكلم في المكتب

-اتفضل ياجدي

...

-فهميني عايزه توصلي لايه لاني متأكد انك مش عايزة فلوس ولا محتاجاها

-عايزة اربيه هو وابنه وبنته ومراته واكسر عينهم واجيب اخرهم علشان يعرفوا حقيقه الدنيا زي عمو رحيم واحمد،وكمان كنت بختبر تغييرهم وفعلا اتغيروا زي ماقالوا والفلوس مبقتش تفرق معاهم وعلشان كدا وقت ماهيوقعوا تنازل ليا بكرة هيتحط ف البنك لكل واحد فيهم هم الاتنين ضعف المبلغ اللي كان هيورثه واللي اتنازلوا عنه وتامر هيكون ورق الشركه جاهز بإسمه بيع وشراء مني لانه رغم تعبه فيها الا انه قدر يتنازل عن كل دا بنفس راضيه واحترام

-بس دا كتير عليهم

-انا مليش غيرهم ياجدي وكل اللي عندي ليهم حق فيه ودا مش معناه اني هظلم حسن حقه هيكون ف الحفظ والصون وهوصي عمو رحيم واحمد يدوله الفلوس لما يتأكدوا انه اتغير

-مالك ياحور فيكي ايه

-مفيش ياجدي انا بخير طول م انت بخير يلا نخرج عايزة انام علشان تعبانه

.....

-جميله عايزة انام

-تعالي نطلع اوضتي وانا اروح عند رحمه

-لا خليكي معايا

-مالك

-لما نطلع

-ماشي

-طيب انا هستأذن وبكرة هجيلك

-ماشي ياشريف هستناك،ع اذنكم

.....

-مالك فيكي ايه

-تعبانه ياجميله

-ليه قولتي انك عايزة فلوس جدي

-بربي عمك حسن وبختبر الباقيين

-وايه رأيك

-نجحوا ف الاختبار وهياخدوا جايزتهم بكرة

-بس انا حاسه فيكي حاجه

-انتي عارفه اني مبحبش اكدب عليكي انتي وشريف فعرفيه ميسألنيش لحد م نرجع

-ماشي انتي حجزتي امتي

-بعد بكرة،بكرة المحامي هييجي هيخلص العقود وبعده نسافر انا وانتي وشريف ومهاب

-تمام نامي يلا وارتاحي

-تصبحي ع خير

-ولا اقولك انا جاتلي فكرة م الغي الحجز ونستني لاخر الاسبوع ونعمل فرحك ونسافر ايه رأيك

-بسرعه كدا

-انا شايفه انكم هتكونوا براحتكم اكتر هناك وانتم متجوزين

-عندك حق،بس تفتكري هيوافقوا

-شريف هيكون حابب كدا وهم هنا معندهمش سبب يرفضوا علشانه خاصه انك مش هتجهزي بيتك هنا وهتسافري

-طيب ماشي قولي لجدي

-طيب خليكي انا هنزل اكلمهم وانتي كلمي شريف دلوقتي

-اوك

..

-رحمه فين جدي وعمو رحيم وعمو احمد

-في المكتب

-اوك شكرا

....

-جدي

-تعالي ياحبيبتي محتاجه حاجه

-الحقيقه اه طلب صغنن منكم

-اؤمري

-انا كنت حاجزه نرجع بعد بكرة علشان ورانا شغل ومهاب عنده دراسه بس فكرت وقولت ليه منأجلش الحجز لاخر الاسبوع لحد م نعمل فرح جميله علشان هيكون الوضع احسن ليها هي وشريف وهم متجوزين عن مايكونوا مخطوبين ولا انتم ايه رأيكم

-عندك حق يابنتي،ايه رأيك يارحيم

-اللي الحاج يشوفه

-انتي شايفه ان كدا مناسب ليهم

-هم معندهمش مانع وكمان احنا عايشين ف بيت واحد ف علشان كلنا نكون مرتاحين

-ماشي يابنتي اللي تشوفيه وانا لما نخلص من العقود بكرة هكلم الناس ونبدأ نجهز

-تمام شكرا ياجدي وشكرا ياعمو رحيم انت وعمو احمد علي موقفكم برا وانكم مصغرتونيش قدام عمو حسن

-احنا واثقين ان الفلوس مش هدفك وواثقين فيكي وبقينا بنحبك ف مش فارق معانا غيرك

-هكون عند حسن ظنكم دايما،ع اذنكم

-اتفضلي

....

-انا فخور بيكم لاول مرة

-ياحاج حور غيرتنا ورضاك علينا اهم من مال الدنيا

-راضي عنكم دنيا واخرة وعموما بكرة هتفرحوا بس مش هقولكم ازاي

-هتجوزنا ولا ايه

-وانا اقول عيالي عقلوا خلاص روح نام ياواد منك ليه

-تصبح ع خير ياحاج

-وانتم من اهل الخير

.....

-طنط

-تعالي ياحور احنا ف المطبخ

-طب كويس انكم سوا حبيت ابلغكم ان جدي وعمو رحيم وعمو احمد قرروا الفرح يكون اخر الاسبوع قبل م نسافر

-هتسافروا علي طول كدا

-معلش ياطنط احنا كنا حاجزين بعد بكرة اصلا علشان ورانا شغل ومهاب وراه دراسه لكن شوفنا الانسب انهم يتجوزوا علشان يكونوا ع راحتهم هناك

-عندك حق يابنتي بس كنا عايزينكم تقعدوا شويه كمان معانا مشبعناش منكم

-تتعوض ان شاء الله ف الاجازه الجايه لما رحمه تمتحن تعالو كلكم

-قولي لجدك واعمامك مش هيرفضولك طلب

-حاضر هقولهم يلا ع اذنكم هطلع انام

-اتفضلي ياحبيبتي

.......

-ها عملتي ايه

-بتكلمي شريف

-اه

-طب افتحي الاسبيكر

-مبرووووك ياعريييس هتدخل عش الزوجيه كمان كام يوم اي خدمه

-مش عارفين نودي جمايلك فين يابنتي والله

-اعزموني بكرة ع الغداء علشان زهقانه والاكل معاكم وحشني

-بس كدا عينيا

-تسلم عيونك يلا روح قول لجدي فتحي بقي وفرحه واحنا هننام

-ماشي تصبحوا ع خير

-وانت من اهل الخير

-وافقوا بسهوله كدا

-م انا جبتهالهم من ناحيه انكم هتكونوا عايشين ف بيت واحد ف وافقوا من غير نقاش

-يابنت الايه

-طيب يلا ننام علشان فصلت

......

في صباح اليوم التالي وبعد ان تناولوا افطارهم وانتهوا قامت حور بالاتصال بالمحامي

-انا رايح الشغل ياجدي

-معلش ياتامر هتأخر شويه النهارده استني لحد م المحامي ييجي وابقي روح

-خير

-هتعرف لما ييجي

-حسن فين يااحمد

-تقريبا منمش هو وعياله ومراته هنا

-ازاي بس دا وجوده مهم،اتصل بيه ييجي ياجدي عايزاه يتفرج

-رن عليه يااحمد وهات الموبايل

-اتفضل ياحاج

-ايوة ياحسن

-.....

...

-المحامي وصل ياعمو ممكن تجيبه من برا

-اطلع ياتامر هاته

-حاضر يابابا

...

-اتفضل

-ازيك يااستاذه حور

-ازي حضرتك،جهزت كل الاوراق اللي طلبتها منك

-اه كلها اهي

-تمام عايزة اوراق التنازل الاول

-اتفضلي

-لو سمحت ياجدي امضيلي ع اوراق الشركه والقصر

-وانت ياعمو رحيم وعمو احمد امضولي انكم متنازلين

...

-اتفضلي

-تمام،عايزه عقد الشركه

-اتفضلي

-امضيلي هنا ياتامر لو سمحت

-ايه دا

-لو فعلا بتثق فيا امضي من غير م تقرأ

....

-اتفضلي

-تمام،عايزة عقد القصر

-اتفضلي

-مرات عمو احمد ومرات عمو رحيم لو سمحتوا امضولي هنا

....

-اتفضلي

-اظن كدا مش ناقص غير امضتي مش كدا

-ايوة يافندم

-وادي امضتي اهي اظن كدا الورق كله خلص وحضرتك هتوثقه بسهوله بالتوكيل

-اه يافندم اتطمني هيخلص النهارده

-تمام ودا شيك باتعاب حضرتك وشكرا جدا علي تعبك معايا

-العفو ودي نسخ من العقود ولو احتاجت استاذ تامر او اي حد منهم هبلغ استاذ تامر

-تمام تقدر تتفضل

-ع اذنكم

....

-في ايه بقي فهمينا

-نبدأ بتامر اتفضل عقد شركتك

-شركتي انا

-اقرأه

-ايه دا دا بيع وشراء بس ليه

-انت اكتر حد يستحق الشركه دي ياتامر رغم تعبك فيها الا انك رضيت بانها تتكتبلي واحترمت جدك ودا جزاء رضي نفسك وطيبه قلبك دلوقتي انت المالك الوحيد للشركه بس طبعا عايز تدي منها نسبه لمهاب انت حر بس مظنش انه مهتم بيها لانه مرتاح برا اكتر

-شكرا جدا ياحور مش عارف اشكرك ازاي

-مفيش شكر بين الاخوات

-ونيجي بقي لبركه البيت اللي من غيرهم القصر يبقي مش فيه روح اتفضلوا

-ايه دا

-كل واحده فيكم ليها النص ف البيت دا وطبعا بعد عمر طويل نصيبها هيكون لولادها واظن الكل اتغير لدرجه ان محدش بقي فارق معاه مين اخد ايه

-بس دا كتير علينا ياحور كفايه اللي عملتيه مع جميله ومهاب

-ياعمو انتم عيلتي اللي دورت عليها كتير ودي ابسط حاجه ممكن اقدمها ليكم،وطبعا منستش حضرتك انت وعمو احمد

دي اوراق حساب كل واحد فيكم ف البنك فيه ضعف نصيبكم من فلوس جدي يعني مش هتحتاجو لاي حاجه او هتحسوا انكم ملكمش ملك تاني دلوقتي انتم بقيتوا في مركز قوه وتقدروا تفتحوا شغلكم الخاص او تستمروا ف الشركه مع تامر بس رأيي انكم تسيبوه يشتغل بطريقته لانها بقت مستقبله ووقت مايحتاج مشوري هيلجألكم اكيد

-طب وحسن يابنتي رغم انه ميستاهلش بس مش عايز يتقال عليكي وعلي ابويا انكم ظلمه

-دا حساب تالت ياعمي فيه المبلغ اللي كان هياخده من جدي لا اكتر ولا اقل وميقدرش يتكلم مع حد فيكم لان دا حقه بس لكن برضو طالبه منكم كلكم محدش يعرفهم ان حقه من ورث ابوه موجود عايزاه يحس انه اتكسر وانه ضعيف علشان وقتها هيتغير للاحسن ساعتها مش هكون موجوده وانتم اللي هتدوله فلوسه دي انا عامله الحساب مشترك باسمكم علشان اي حد منكم يقدر يسحبه ويدهوله بس مش دلوقتي ياعمو وخليه يقول ظلمناه عادي مش هتفرق ربنا مطلع علينا

-ماشي يابنتي اللي تشوفيه

...

-طيب انا هستأذنكم هخرج انا وجميله مع شريف

-ماشي ياحبيبتي متأخروش علشان نتغداء سوا

-ماشي،ع اذنكم يلا ياجميله

....

وما ان ذهبوا حتي وجدوا شريف بإنتظارهم وقصت جميله عليه كل ماحدث

-كل يوم بتعلي في نظري اكتر يابنتي والله

-ياابني علشان تقدروا النسمه اللي معاكم

-نسمه ايه بس دا انتي امبارح اتحولتي لاعصار

-ايه رأيك عجبتك

-انتي بتضحكي دا انتي كنتي فظيعه

-هم اللي يستاهلوا فكك من السيرة دي خلينا نفرفش

-بجد مش زعلانه

-وازعل ليه غلطه وصلحتها كنت ازعل لو في بيبي ف النص انما الحمدلله الموضوع سهل كدا

-ربنا هيعوضك

-انا كل اللي عايزاه ونفسي فيه اعيش لحد م اشوف ابنكم او بنتكم وهبقي مش عايزة حاجه من الدنيا تاني

-محسساني ان عندك تسعين سنه

-ماعلينا المهم هتودينا فين وعربيه مين دي

-بتاعه واحد صاحبي مستلفها منه لحد م اسافر

-اصيل صاحبك دا والله مرتبط

-لا بيدور ع عروسه

-طب حلو

-ايه انتي لحقتي

-كدا يابرو تفهمني غلط وانا بقول انك فاهمني

-قصدك لرحمه

-اهي دي قلبي دي اللي بتفهمني بسرعه

-اطلع منها يعني

-مقدرش استغني عن حد فيكم انتم الاتنين

-بس تعرفي فكرة

-خلونا نستني للفرح يمكن يكون في اعجاب متبادل لو شافوا بعض

-طب وعاصم

-م علشان كدا عايزاها تعرف ان في ناس مناسبه غير دا

-سيبوها عليا انا هرسيه بشياكه

-تمام،هتودينا فين بقي

-هأكلكم علي عربيه كبده انما ايه مكنتش بفوت يوم جمعه الا ونروح عنده انا والواد يوسف

-صاحب العربيه دي

-اه قبل م ربنا يفتحها عليه ويجيب العربيه

-اومال بقيتو بتروحوا فين

-عند نفس الراجل برضو بس بنقعد ع كراسي وترابيزه بيبقي اغلي

-انت فصلتني

-اضحكي اضحكي محدش واخد منها حاجه

....

-يلا وصلنا

-الله الريحه حلوة اوي

-هتدعيلي لما تدوقي

-هنقف ولا ناخد ترابيزة

-لا احنا مستلفين العربيه مننساش نفسنا هنقف اكيد

...

-انما كانت حته اكله

-اي خدمه علشان تعرفي اننا بنعرف نوجب معاكي كمان

-احلي واجب انا اول مرة احس بالاجواء المصريه عارف عايزه اجرب ايه كمان

-ايه

-ناكل علي عربيه فول

-وانا قولت طموحك هيعلي بعد الكبده وتقولي هاكل شاورما او كريب

-الشاورما عارفاها اكلتها من مطاعم عربيه في امريكا والكريب اكلت الكريب الحلو

-لا حلو ايه انا هأكلك كريب حادق

-انا بحبه اوي ياشريف

-وانا بحبك اكتر

-ماتتلم ياعم شريف انا واحده مطلقه مكملتش يومين علي بعضهم حبوا ف بعض لما اكون مش موجوده بس بعد م تتجوزا براحتكم

-ياساتر ايه تقطيع الارزاق دا

-اهو كدا لو مش عاجبك هقول لجدي يخليك متشوفهاش لحد يوم الفرح

-هو احنا لينا بركه الا حور

-اه كدا اتعدل

-عايزين تروحوا فين تاني ياقدري

-عايزة اكل ايس كريم

-وانتي ياجميلتي

-زي حور

-اوك

-حور صحيح احنا نسينا فستان الفرح

-استني اوريكي كام واحد جهزتهم الصبح اختاري اللي يعجبك

-وريني

....

-كلهم تحفه حلوين اوي

-لو عجبك اكتر من واحد اتس اوكيه عادي البسي كذا فستان ف فرحك

-بجد

-اه ياحبيبتي نقي اللي يعجبوكي

-بس دول غاليين

-مش قولنا مفيش حاجه تغلي علي جميلتنا

-ربنا يخليكي ليا يارب ياقلبي

-ويخليكي ليا،يلا اختاري

-بصي دول عجبوني

-اعتبريهم وصلوا هكلم المصمم بتاعهم علشان يعدلهم ليناسبوا انك محجبه ويبعتهم

-هو مين المصمم

-.....

-بتهزري بس دا اشهر مصمم فساتين زفاف في امريكا

-دا صديقي

-بجد

-اه لما نرجع هعرفك عليه طالما طلعتي تعرفيه

-انا متابعه كل شغله

-خلاص لما نرجع ان شاء الله

-حور هيتكلفوا كام

-شريف بالله عليك فكك من الكلام ف اي ماديات علشان مزاجي هيعكنن بعد م سندوتشات الكبده ظبطت مودي شويه

-بس مش المفروض انا اجيبه

-مفيش مفروض بينا احنا التلاته احنا واحد

-انا عندي فكرة ياشريف

-قولي

-ممكن تتجدعن مع رحمه وتقولها اختاري فستان من هنا وهجبهولك هديه هتكسب نقط كتير عند الكل لانك مهتم تفرحها

-جميله عندها حق دي فرصه قبل م تسافر تسيب عندهم انطباع حلو

-خلاص تمام لما نروح هقولها

-اوك

.....

وما ان انتهوا حتي عادوا مساءا للمنزل ووجدوا الجميع في انتظارهم علي الطعام فبعد ان اخبر شريف رحمه ورأي سعادتها حتي اعتذر منهم لعدم قدرته علي تناول الطعام برفقتهم لان والده ينتظره فتفهموه وذهب

-انتم روحتوا فين

-اكلت حته اكله ياجدي انما ايه تحفه

-اكله ايه دي

-اكلنا علي عربيه كبده واحنا واقفين

-والله ياجدي دي كانت قربت تاكل العربيه كلها

-متضحكوش عليا،انتم لو دقتوها مش هتعرفوا توقفوا اكل

-انتي عجبك الجو اكتر مش اكتر

-اه ياعمو حسيت اني ف مصر فعلا ناقص بقي اكل علي عربيه فول

-خلاص شوفي عايزة تروحي تفطري امتي علي عربيه فول ونروح كلنا

-وعمو رحيم وجدي هييجو معانا

-وتامر ومهاب كمان لو حابه

-ياريت كلنا

-خلاص نروح كلنا

-طيب يلا كلي بقي اكل البيت علشان اوديكي

-حضرتك بتحايل طفله صغيرة

-مش بنتنا تبقي طفله

-ربنا يخليكم ليا

-ويخليكي لينا

-اه صحيح عمو حسن فين

-جه وعرف كل حاجه فضل يزعق شويه هو ومراته وعياله وطلعوا فوق وقالو دا بيتنا غصب عن الكل

-ياعيني

-انتي بتضحكي دا الشر كان ف عينيه

-هو دلوقتي قليل حيله وهو عارف كدا وانتم اقوي منه وتامر اقوي من عاصم حاليا وفي المستقبل ف متخافوش منهم بل بالعكس استقوو عليهم لحد م ترجعوهم للطريق الصح لان في ناس مش بتيجي غير بالقسوة وناس بتيجي باللين زي حضراتكم

-عندك حق يابنتي انا طول السنين دي واكتشفت اني فشلت افهم عيالي او اربيهم

-م قلبك ابيض بقي ياحاج

-انتم ربنا هداكم مبقتش قلقان عليكم الدور والباقي علي اخوكم

-ربنا هيهديه كمان ياجدي

-اللهم امين ياجميله

..........

في منزل سليم

-انت هتفضل متردش علينا كدا

-وانتي بعد اللي عملتيه انتي وابنك ليكم عين تتكلموا

-هو معملش حاجه حرام

-لا حرام لما يكدب ويغدر باللي وثقت بيه يبقي حرام لما يتجوز عليها وهي لسا مدخلتش دنيا يبقي حرام لما يكون خيرها عليه وينكر خيرها ويطلع قليل الاصل يبقي حرام

-هو انتم هتذلوني خير ايه وبعدين م اخدت مني كل حاجه

-انت فاكر انها كدا ارتاحت لا تبقي غبي لولا انها عامله خاطر ليا ولزهرة مكنتش سابتكم غير وانتم متلفقلكم قضيه محترمه وانت عارف كويس ان دي نقطه في بحر اللي تقدر تعمله وان وراها ناس تقيله في القاهرة

-اهو الموضوع خلص وكل واحد راح لحاله،بس اكيد مش هتخلينا نخسر بعض

-انتم خسرتوني من اللحظه اللي اعتبرتني مغفل انت وامك وعملت اللي عملتو من ورايا وكلها فترة صغيرة وهاخد زهرة ونروح نعيش معاها

-هتسيب مراتك علشان واحده غريبه

-اولا هي بنتي زي زهرة ثانيا لولا اننا كبرنا كان زماني طلقتك بس مش هعمل كدا علشان زهرة بس اللي بينا خلص من يوم م طاوعتي ابنك وظلمتي حور

-هي اللي ظلمته انت مشوفتش عملت فيه ايه

-حقها تعمل اكتر من كدا ومن هنا لحد م اخلص تصفيه شغلي واخد بنتي واسافر انتي وابنك والسنيورة اللي جابها دي محدش يتكلم معايا انا وبنتي

-يابابا حضرتك ليك حق تزعل بس متخلهاش توقع بينا

-اسمي صالح بيه ومتنسيش نفسك لما تتكلمي عن اسيادك واظن انك متجوزاه علشان فلوسه ف احب اقولك مقدما زي م هي حرمته من فلوسه برا انا كمان هحرمه من فلوسه هنا وهسيبلكم البيت دا بس علشان العشرة اللي كانت بينا انا والست دي وابقي اثبتي حبك ليه بقي وهو مش لاقي ياكل ودوروا سوا ع اي شغل غير الطب،وابدأو من الصفر وبالنسبه ليا ف هديكي كل شهر مصروف ف الاول والاخر اسمك مراتي

-بابا انا عايزة اروح لحور وجميله

-ماشي يازهرة،تعالي اوصلك وبالمرة اشوفها واقعد مع عمي حسان شويه

-انا جاهزة يلا بينا

......

-السلام عليكم

-وعليكم السلام تعالي ياصالح

-ازيك ياعمي واخبار حور ايه

-بخير يابني،بس اوعي تكون بتفكر تصلح

-لا ياعمي هو ميستهلهاش وحلال اللي اتعمل فيه وانا كملت عليهم النهارده

-متخسرش ابنك ومراتك

-هم اللي خسروني من وقت مااستغفلوني

-ناوي علي ايه

-هصفي الشغل هنا ،واخد زهرة ونسافر وكل شهر من دلوقتي هخلي زهرة تسلم امها مبلغ لزوم مصاريفها شهريا وهو والبتاعه بتاعته خليهم يعرفوا ان اللعب ببنات الناس مش ببلاش ولازم يتربوا ويتعلموا الادب ويبدأو من الصفر علشان يعرف انها اتجوزتوا علشان فلوسه

-ربنا يصلح الحال

-يارب ياعمي،اومال حور فين

-فوق مع جميله ورحمه

-طيب انا هطلعلهم ياجدي

-اطلعي يازهرة البيت بيتك يابنتي

-ع اذنكم

.........

-وحشتوني

-وانتي كمان تعالي ادخلي

-عاملين ايه

-بخير وانتي عامله ايه وباباكي عامل ايه

-وباباكي انتي كمان ياحور،هو اختارك انتي والنهارده رباهم كلهم قبل مانيجي

-بلاش تجيبي سيرتهم يازهرة،وبالنسبه لبابا صالح ف انا مشوفتش منه حاجه وحشه وفعلا اثبت ان ولاءه لبابا متغيرش

-وكمان كلها مده صغيرة وهنحصلكم،انتم هتمشوا امتي

-فرح جميله اخر الاسبوع هنمشي بعد الفرح ع طول

-ايه دا جميله هتتجوز اخر الاسبوع وانا معرفش

-حقك عليا يازهرة بس انتي عارفه ان الوضع اليومين دول مش متظبط

-ولا يهمك ياجميله،الف مبروك ياحبيبتي وياتري هتعزموني انا وبابا ولا لا

-عيب تقولي كدا احنا اهل

-علي فكرة بابا تحت وسأل عليكي ياحور

-طيب ع اذنكم هنزل اسلم عليه واجيلكم تاني

-ماشي هنستناكي

....

-ازي حضرتك يابابا صالح

-كنت خايف تبطلي تقوليلي يابابا تاني

-لا مفيش حاجه ممكن تخسرني زهرة وحضرتك

-ربنا يكملك بعقلك يابنتي ويعوضك خير

-انا مش زعلانه فبلاش احس انك شايل همي

-ربنا يسعد قلبك دايما يارب يابنتي

-يارب،طيب انا هطلع للبنات بقي ع اذنكم

-اتفضلي

.......

مرت الايام بسعاده للجميع تحت استعداداتهم لحفل زفاف جميله وشريف حتي اتي اليوم المنتظر

-جدي تامر فين

-تقريبا مع شريف

-ماشي ياجدي انا هكلمه

..

-خير ياحور خلتيني اجي ضروري ليه

-اقعد ياعم ولا زهقت مني

-لا ابدا بس قلقتيني

-لا متقلقش،بص ياسيدي انت دلوقتي بقي ليك شغلك الخاص واظن هتكون حابب تكبره

-اكيد،بس عايزة تقولي ايه برضو

-دا شيك فيه مبلغ محترم هتستني لما نسافر واول م بابا صالح يبدأ يصفي شغله هنا ويدور علي مشتري عايزاك انت تشتري منه وتكبر شغلك وبابا صالح اسمه نضيف ف هتستفاد من شركته وهتكبر بشكل اسرع في السوق

-انتي بتعملي معانا كل دا ليه ياحور وانتي مشوفتيش مننا غير اذي

-انتم اهلي ياتامر ومين قال اني شوفت منكم اذي،انا اول م جيت منكرش انكم طلعتم عكس توقعاتي بس رضيت بجميله ومهاب وجدي وقولت الباقيين الايام كفيله تغير نفوسهم ناحيتي واهو شوف كنا فين وبقينا فين واللي فات مات احنا اخوات من يوم م رحبتوا بيا وسطكم وحسيت بحبكم،انا مش عايزة احس اني وحيده ياتامر

-احنا هنفضل معاكي ياحور وفي ضهرك

-ربنا يديم المحبه بينا يلا خد الشيك شيله وروح لشريف

-بس دا كتير

-مش قولنا بقينا اخوات ف فلوسي هي فلوسك واتشطر كدا وشوف بنت الحلال عايزين نفرح بيك

-انا معنديش وقت لنفسي ياحور

-دا غلط ياتامر خد عمك شريف الله يرحمه مثال،بابا وماما فضلوا طول عمرهم يشتغلوا ويكبروا في الشغل ونسيوني ونسوا نفسهم وكانوا معتمدين علي تيتا زينب بس انا كنت حاسه بوحدتهم ياتامر مش حابه تخلي شغلك قبل عيلتك قضي وقت معاهم واشبع منهم العمر بيتسرق

-عندك حق خلاص وعد احاول اقضي وقت معاهم وبالنسبه للعروسه ايدي علي كتفك

-خلاص النهارده ركز مع البنات اللي هتكون موجوده في الفرح يمكن تلاقي ضالتك

-خير ان شاء الله،هروح ادخل الشيك والحق اروح لشريف

-ماشي

...

-بابا

-ايوة ياتامر

-معلش خد شيل الشيك دا ف الخزنه عندك وهبقي اخده بعد الفرح لاني متأخر ع شريف ولازم امشي

-ايه الفلوس دي كلها

-حور ادتهولي علشان ابقي اشتري شركه عمي صالح لما ييجي يبيع واكبر شركتي انا

-بس دا كتير

-قولتلها يابابا والله بس هي اصرت وقالت احنا اخوات ومفيش فرق بينا

-ربنا يكرمها ويعوضها خير

-اللهم امين،انا همشي بقي

-ماشي ياابني

....

-عروستنا القمر خلصت ولا لسا

-اه باقي الفستان

-طب يلا علشان شريف جاي ف الطريق والمعازيم كلهم في الفندق

-خلاص قربت اخلص

.....

-مبرووووك ياعريس

-الله يبارك فيكي ياحور عقبالك ياحبيبتي

-لا عايزين نتطمن علي تامر ورحمه الاول

-ان شاء الله،جميله جهزت

-اه جدي طلع يجبها

....

-مبروك ياشريف

-الله يبارك فيك ياخالي

-مش هوصيك عليها ياابني

-في عينيا

-طيب يلا ياجماعه علشان نتحرك

.......

في الفندق

-شريف تعالي معايا هعرفك علي ضيوفي

-يلا

..

-اقدملك.......

-اهلا وسهلا شرفتونا

-احب اعرفكم بشريف هو في مقام عمي واخويا ودراعي اليمين في الشغل وفيما بعد هيكون هو المسؤول عن كل حاجه ف احب تكونوا علي تواصل ان لزم الامر

-طبعا دا يشرفنا ارقامنا كلها مع دكتورة حور اي حاجه تحتاجها هنا اتصل بينا علي طول

-ربنا يخليكم ويديم المعروف

-يلا روح لعروستك ياشريف

-ماشي ياحور ع اذنك

...

-كنت بتسلم ع مين

-دول رجال الاعمال اللي بيخلصوا لحور اي حاجه هنا بس كلامها كان غريب

-ازاي

-قالتلهم اني همسك الشغل بعدين

-هو في ايه،انا بقيت مش متطمنه اكتر بس هي رفضت تحكيلي وقالتلي قولي لشريف ميسألنيش غير لما نرجع امريكا

-ربنا يستر شكلها ناويه علي حاجه كبيرة

-يارب

......

وما ان انتهي حفل الزفاف حتي صعد شريف وجميله لغرفتهم بالفندق وفي صباح اليوم التالي تجمعوا في قصر حسان الدمنهوري ليودعوا شريف وجميله وحور ومهاب قبل سفرهم وقاموا بتوصيلهم للمطار

......

-اخيرا وصلنا انا هطلع اوضتي انام

-ماشي يامهاب اتفضل

-حور تعالي نتكلم ف المكتب

-خير في ايه مالكم

-انتي اللي مالك احنا مسألناش غير لما رجعنا اهو قولي في ايه

-طيب ممكن تطلعوا ترتاحوا ونتكلم لما تصحوا

-لا مش هنرتاح واحنا منعرفش فيكي ايه

-ياحور قوليلنا علشان خاطرنا

-انا مش باقيلي كتير ياجميله

-مش باقيلك كتير ازاي

-بعد ماسافرتوا بيوم انا تعبت وروحت لستيڤ وعملنا اشاعات وتحاليل كتير وعرفت ان عندي نفس المرض اللي جه لتيتا زينب وفي مرحلته الاخيرة ولاني شباب ف مكنش باين اعراضه عليا،برغم انها مكنتش امي بس اظاهر ان تعبها معايا وتربيتها ليا خلاها امي فعلا وورثت منها مرضها

-انتي بتقولي ايه اكيد في حاجه غلط

-بتعيطي ليه بس الاعمار بيد الله وبعدين انا مش عايزة حاجه تانيه كل اللي بتمناه اني اشيل ابنكم او بنتكم علشان كدا عجلت الفرح بتاعكم،انا بحبكم اوي انا مطلعتش غير بيكم وطبعا البركه في جدي ومهاب وباقي العيله بس انتم بقيتوا الاقرب لقلبي انا كلمت ستيڤ قبل مانرجع وفهمته كل حاجه وانه يجهز كل العقود الخاصه باملاكي والمستشفيات وبكرة هنروح لستيڤ وهتنازلك عن كل املاكي هنا ياشريف وجميله هيكون ليها نسبه الثلث وانت الثلثين فالادارة هتبقي تحت ايدك لكن طلبي الوحيد سيب ستيڤ والباقيين ف مناصبهم لانهم محل ثقه و المستشفيات كبرت علي ايدهم وعيش حياه هاديه مع جميله وخلفوا واملوا البيت عيال وكونوا اسرة ولما مهاب يتخرج شوفلوا بنت حلال تناسبه ويستقروا معاكم هنا علشان تحسوا بالعزوة ولو تقدر تقنع جدي فتحي والباقيين ييجو هنا اعمل كدا لكن متسبش كل اللي هنا وترجع مصر لان ساعتها غربه ابويا ووحدته هو وتيتا زينب وتعبهم هتكون راحت هدر

-انتي بتتكلمي كدا ليه وكأن مفيش امل،هتخفي وهتتجوزي وهنشوف عيالنا بيكبروا سوا

-كل اللي بدعي ربنا بيه يطول في عمري لحد م اشيل بنتكم او ابنكم

فما كان من جميله وشريف الا ان يعانقوا حور ويبكون بحسرة ووجع

...

-خلاص كفايه عياط واتمني محدش منهم يعرف حاجه عن مرضي حتي مهاب او جدي خليني اعيش اللي باقيلي في سعاده،يلا روحوا اوضتكم وانا هطلع ارتاح

-لا انا هنام معاكي

-تنامي معايا ايه،يلا مع جوزك متخافيش مش هموت دلوقتي لسا هقاوم لحد م اشيل ابنك او بنتك ف شدوا حيلكم بقي

-خلاص مش هنخلف

-اعرفي ان كل يوم هكون بتألم بس مش ببين، مرضي ملهوش علاج واقصي حاجه اني اخد مسكنات ف اكيد مش هتحبي اني اتعذب مش كدا،واه حاجه كمان رقم الخزنه هغيرو لتاريخ جوازكم يوم م اموت سواء لحقت اشوف ابنك او بنتك او لا افتحيها هتلاقي دفتر مذكرات عايزاكي تحفظيه معاكي لحد م يكبر ويتخرج من جامعته وتدهوله او تدهولها وتقوليلهم ان كان في واحده بتحبك اوي من قبل ماتشوفك وكان نفسها تشوفك بتكبر او تكبري قدامها،وهتلاقي ظرف فيه جوابات بأسم كل واحد من العيله ادي لكل واحد الجواب بتاعه حتي مهاب انما انتي وشريف مش هيكون ليكم جواب لانكم مش محتاجين تعرفوا حاجه عني لانكم بالفعل عارفين كل حاجه وعارفين ان الدنيا كلها ف كفه وانتم ف كفه لوحدكم واتأكدي انكم سبب اني اموت وانا راضيه واني اكون حاسه اني مش وحيده زي بابا وماما وتيته زينب وانكم حسستوني بالعيله والعزوة انا بحبكم

-بالله عليكي بلاش كلام الوداع دا

-بلاش انتي عياط بس،خلاص احنا هنقفل كلام ف الموضوع دا،حاجه اخيرة زهرة لو حبت ترجع سواء لوحدها او مع بابا صالح وانا مكنتش موجوده انت هتحل محلي ياشريف من هنا ورايح واللي انت ممكن تقصر فيه ومتعرفش انا كنت هعمل ايه ف جميله هتعرف وتكمل الناقص،يلا روحوا ناموا وانا كمان هطلع انام

.....

حدث الكثير في حياتي الفترة السابقه لقد غدر بي سليم وخان ثقتي،وايضا علمت بمرضي وانه حان موعد رحيلي ولكن ياعزيزي سأموت وانا راضيه لان امك واباك معي،فهم فقط الذي واثقه من ولائهم لي فالجميع من الممكن ان يتغير،اعلم ان باقي العائله تغيرت ولكن شريف وجميله هم من كانوا معي منذ اول لحظه حتي النهاية وايضا جدي ومهاب والاخرين لكن امك واباك هم بمثابه عكازي الايمن والايسر،اظن انك تتسائل لماذا اخاطبك علي انك ذكر وليس انثي رغم انك لما تولد بعد في وقت كتابتي الان،اظن ان حبي الكثير لامك واباك لا يقارن بحبي لك ومدي تعلقي بك قبل ان تأتي واشعر انك ستكون ذكر وليس انثي،الان صارت محطتي الاخيرة ياعزيزي ولا اعلم هل سأكتب مرة اخري ام لا ولكن سأظل ادعو ان اراك قبل ان اموت ياعزيزي،اريدك ان تجد نصفك الاخر ولكن لا تقع في مثل ماوقعت انا به،فلتتأني في اختيارك وتأخذ وقت كافي لتتأكد من مدي صدقها والاهم ولائها لك قبل حبها فهذا هو ماتعلمته من سليم ان اهم شئ هو الولاء من يكن لك الولاء الكامل لن يخونك ياعزيز قلبي,فكتبت لك قصتي لكي تعرف ان مجرد اختيار خاطئ من الممكن ان يقتل روحك ان كنت ضعيف فتأني

. خالتك وامك الثانيه حور

.................................................

مرت الايام التاليه بحزن علي شريف وجميله بسبب ما حل بحور رغم انها تظهر انها بخير وبالفعل تم التنازل عن جميع ممتلكاتها لشريف وجميله تحت عدم علم اي حد سوي ثلاثتهم

..

في المستشفي

-جميلتي عامله ايه

-كويسه ياحبيبتي ايه جابك كنتي اتصلي وانا اجيلك

-كنت بمر علي المرضي وقولت اجي اشوفك لان شكلك كان تعبان الصبح

-حاسه اني مش مظبوطه ودايخه

-طيب تعالي معايا اكشف عليكي

...

-خير

-باين هفرح اخيرا بس استني هكلم دكتورة النساء والتوليد تيجي تشوفك

-ايه ممكن اكون حامل

-مالك اتخضيتي كدا ليه

-بس انا مش عايزة احمل

-جميله مش هعيد كلام ف الموضوع دا تاني،انتي مؤمنه وعارفه ان عمري واحد مش هيتغير

-بس انتي قولتي انك

-متكمليش ياجميله لان كلامك بيعصبني افرحي واحمدي ربنا وعيشي يومك محدش عارف ربنا شايله ايه

-خلاص متزعليش ياحور انا اسفه حقك عليا

-انتي اللي متزعليش استني هكلمها علشان نفرح شريف

...

-مبرووووك ياحبيبتي الف مبروووك ربنا يتمملك الباقي علي خير،انا هكلم شريف ييجي

...

-خير في ايه

-مبرووووك ياشريف هتبقي اب

-......

-مالك انت كمان هو انا بس اللي فرحانه ليه

-ياحور بس

-مبسش متقولش نفس كلامها انا تعبت من كلامكم

-خلاص متزعليش

-مش زعلانه انا اسعد واحده النهارده يلا حضن جماعي علشان احس ان البيبي معانا

....

-خلاص بقي متعيطيش هي هرمونات الحمل اشتغلت ولا ايه الله يكون في عونك ياشريف،عموما قرار رسمي هتقعدي ف البيت لحد م البيبي ييجي وانا كمان هقعد معاكي اخد بالي منك لحد م ولي العهد يشرف

-انا موافق علشان ع الاقل ترتاحي انتي بدل م كنتي مش بتسمعي الكلام

-لا خلاص البيبي هيخليني اسمع الكلام علشان اكون جنبه وجنب جميله

.......

مرت اشهر حتي اشتد المرض علي حور وتم ادخالها العنايه المركزه حتي دخلت بغيبوبه ورأي الاطباء ان حالتها ميؤوس منها ولكن الغريب عدم وفاتها ولكن جميله وشريف يعلموا انها تحارب حتي تري ابنهم فلم يتبق علي ولاده جميله سوي شهر واحد وعندما علم الجميع ماحدث لحور قاموا بالسفر جميعا صالح وزهرة وفتحي و عائله الدمنهوري ماعدا اسرة حسن ولكن لم يعلموا سوي انها كانت مريضه ولم تخبر احد فحور جعلت شريف وجميله يقسموا علي عدم اخبار اي احد بمرضها وعندما يعلموا فيجب ان لا يعلموا ايضا انهم كانوا علي علم،مر الشهر علي الجميع بتعب فكل يوم يذهبون ويبقون بجانبها وتحت اصرار شريف يذهبون للنوم بالمنزل وهكذا الي ان اتي يوم ولاده جميله

-الحقيني ياماما شكلي هولد

-استني هكلم شريف ييجي حالا

.....

ذهب شريف وقام بأخذ جميله ليلا للمشفي حتي توضع طفلها تحت توتر الجميع وخوف جميله وشريف لانهم يعلموا ان حور تنتظر مولودهم ،وبالفعل تمت ولاده الطفل وتم نقل جميله لغرفه في نفس الجناح الخاص الذي به غرفه حور

..

-الف مبروك ياابني يتربي ف عزكم

-الله يبارك فيكم جميعا

-هتسميه ايه

-حور هتسميه

-انت بتقول ايه ياابني هي حور واعيه لحاجه خالص

-هتفوق ياخالي هتفوق

..

-شريف

-نعم يارحمه

-تعالي شوف جميله فاقت من البنج وعماله تعيط

..

-هو في ايه احنا جايبينك علشان تحضنها وتعيط انت كمان

-يلا ياشريف هي مستنيه باقيلها كتير

-هاتروحوا فين

..

-هم رايحين فين ومعاهم الولد

-مش عارفين بس تقريبا رايحين لحور

...

-محدش يدخل ورانا ياجماعه لو سمحتوا

..

-حور انتي سمعاني دلوقتي مش كدا،انا جبتلك حبيبك اللي كنتي مستنياه ييجي علي الدنيا واهو شرف يلا اصحي وخوديه في حضنك زي ماكنتي عايزة،وهو كمان اكيد عايزك لانه اكيد كان بيحس بيكي وانتي بتكلميه دايما

-جميله نبضها بيتغير بصي كدا ع الاجهزة

-جفونها بتتحرك ياشريف

-اصحي ياحور وحشتينا

..

-جميله

-حور انتي فوقتي وحشتينا اوي ياحبيبتي

-هو فين

-اهو ياحور مستني تسميه الاسم اللي تحبيه

-هاتو في حضني ياشريف،اخيرا جيت انا استنيتك كتير انا بحبك اوي وكان نفسي اربيك معاهم بس هكون دايما معاك وعد مني،اسميك ايه بقي انا بحب اسم مالك هسميك مالك لانك ملكت قلبي من قبل مااشوفك ربنا يبارك فيك ويجعلك ذريه صالحه ليهم بحبك.......

-حور مالك الحقني ياشريف نادي للدكتور

-متعيطيش انا كدا هرتاح،انا بحبكم متنسونيش بالدعاء...............

-ماتت ياشريف ماتت

-.....

-في ايه ايه صوت العياط دا بتعيطوا ليه والولد بيعيط كدا ليه

-ماتت ياجدي

-حور....

-الحقني يامهاب نادي علي دكتور يشوف جدك وقع من طوله

.....

مرت ايام تحت حزن الجميع وصدمه الجد الذي تدهورت صحته بعد وفاه حفيدته وكأنه لم يحتمل فراق احبته فلحق بها وتم دفنه بجانبها وبجانب ابنه ومن بعدها اصر الجميع علي العوده ولكن والد شريف بقي تحت اصرار ابنه،وظلت زهرة تحت اصرار منها علي والدها ولكنه لم يبقي وعاد لمصر مع الاخرين،اما رحمه فقد اعجبت بيوسف صديق شريف وبادلها هو الاخر تلك المشاعر وقام بخطبتها بعد الزفاف بايام قليله وكان من المخطط له ان يعقدوا قرانهم بعد ولاده جميله ولكن وفاه حور والجد غيرت كل شي فقاموا بتأجيل الزفاف الي اجل غير مسمي،واما حسن فكان كما هو ولكن موت والده وحور هز كيانه وضميره وندم علي كل شي وعندما عاد اخوته وتأكدوا من تغييره اخبروه كل شي واعطوه حقه من مال ابيه ولكنه قرر ان يذهب من القصر ولن يعود الا عندما يتأكد من تغيير زوجته واولاده وقرر عدم اخبارهم عن المال وان يأخذهم ليجربوا معني الفقر والضعف حتي ينصلح شأنهم ومن ثم يعودوا مرة اخري فإن لم يفعلوا فلن يعود بهم مرة اخري وسيكون فشل فيما يريد....