زواج غير مدبر (عانس)

الأم : الحقنى يا حااااج بنتك هربت من الفرح وهتخلى وشنا فى التراب ، قولى اعمل اي الأب- يا وقعة مهببة بطين ،هنعمل ايه دلوقتي يا حاجة الأم مش عارفه يا حاج ، بس انا قولتلك بنتك مش موافجة على الجوازة دى بس انت اللى حكمت عقلك الأب- كنت مفكرة دلع بنات ماسخ وشوية وهتعجل بس الظاهر عقلها فلت منها المرة دى ،المهم هنعمل ايه فى المصيبة دى يا ولية انتى كمان الأم -العلم عند الله مش عارفه الاب قعد يفكر شوية وبعدين قال الأب - جتلى فكرة بس صعبة جوى جوى بس هى الحل الوحيد لإما هتبجى سيريتنا على كل لسان الأم- قول وخلصنى المعازيم بره والوقت ضيق الأب- نزوج العريس لبنتى رحاب الأم -ايه الكلام اللى بتجولة ده يا حج ، ازاى نزوجه بنتى ، انت ناسى انها اكبر منه و انه هو 29 وهى 36 واحنا خلاص فقدنا الأمل فى زواجها ، فجاى بتلبسها فى الواد لأ يا حاج اكده حرام والله الأب -طب قولى انتى حل يا ام العريف بدل الإقتراح ده وقعدت فترة تفكر بس للاسف ملقتش حل الأب- شوفتى مفيش غير الحل ده لإما الفضيحة واكيد مش عايزين فضيحة فى البلد بس لما اشوفك يا منة وليه هربتى اجده يوم الفرح عاد الأم -ماشى يا حج طب هتقنع ابن اخوك (العريس) ازاى وكمان بنتك ، رسينى على اللى فى راسك الأب -احنا مش هنقول للعريس حاجة بس هنقنع بنتك رحاب وهى كده كده طيبة وهتعمل اى حاجة عشانا وعلشان تدارى فضيحه اختها الأم -وقلبها رق لبنتها بس ده ظلم ليها يا حج ، أنا مش عايزة اخسر البنت ، مع ان حظها وحش فى الدنيا بس هى طيبة جوى الأب بعتاب- انتى ليه محسسانى انى مش ابوها ، بس ده الحل الوحيد جدامنا ولو رفضنا فسمعتنا هتبقى فى الارض ومفيش حد هيرضى يتجوزها فكده افضل ليها وكمان هتتزوج بدل قعدة البيت دى وكلام الناس ولو حسام وحش عمرى ما كنت هجوزه لا لمنة ولا لرحاب فاتكدى انه هيحافظ عليها ويلا علشان تقنعى رحاب وخلى الباقى عليها الأم -ماشى ياحاج وربنا يصلح لك الحال يا بنتى ? عند رحاب فى الاوضة رحاب :عمالة تعيط وتقول هتسيبينى يا منة لوحدى وتتجوزى والناس تقعد تقوله يا عانس ومحدش يدافع عنى ويقونى بعد ربنا غيرك ، أنا ذنبى ايه أن كل اللى اتقدمولى وحشيين ومرتحتش لحد فيهم، ليه الناس هدفنا أن البنت تتجوز وخلاص ومش مهم الجوازة ناجحة ولا لأ ،وليه مفكرين أن البنت حمل صعب ولازم الأهل يتخلصوا منه ولا لازم البنت تلبس ضيق وتحط مكياج علشان تعجب الشباب والناس بتقول مقولة وحشة اوى وهى (يا مخلفة البنات يا شايلة الهم للممات) ونسيوا كلام عن المؤنسات العزيزات وهنا دخلت الام وكانت سمعت كل كلام بنتها بس مش فى ايديها حاجة الأم خبطت وبعدين دخلت ورحاب مسحت دموعها علشان امها متشوفهاش بس متعرفش ان امها سمعت كل كلامها مع نفسها الأم- عاملة يا قلبى ، مالك معيطة ليه كده رحاب مفيش ياما ، أنا بس زعلانه ان منة هتتجوز وتسيبنى لوحدى فى البيت الأم -متزعليش يا حبيبتى، انتى عارفه أن دى سنة الحياة وكمان انتى مصيرك فى يوم تمشى زيها رحاب: ضحكت بيأس ? وقالت انتى بتضحكى عليا ولا على نفسك يا ماما ،انتى عارفه أن خلاص قطر الجواز فاتنى وانى هقعد جنبك علطول والدليل أن اختى هتتجوز قبلى ، أنا مش غيرانه منها بس زعلانه على حظى وعلطول بلوم نفسى على حاجة مليش ذنب فيها الأم زعلت على بنتها اوى بس لاقت إن دى اللحظة اللى تكلمها فى موضوع الجواز الأم- متزعليش يا حبيبتى، المهم أنا عايزاكى فى موضوع بس تسمعينى للآخر رحاب: طبعا يا امى الأم- بسرعة منة هربت من الفرح وانت لازم تى مكانها وتتجوزى حسام رحاب بصدمة من كلام امها لدرجة أنها متكلمتش الأم- انا عارفه انها صدمة ليكى واكتر مننا كمان بس احنا مجبرين على كده ، اختك هربت ومش عارفين راحت فين وكمان الفرح اللى بره نعمل فيه ايه وكمان سيرت ابوكى اللى هتكون على كل ل**ن وانتى كمان يا بنتى ، وانا وابوكى والله منرضاش ليكى حاجة وحشة وكمان حسام ابن عمك وانتى عارفاه كويس وهو شاب زين وهيصونك وهنا خرجت رحاب عن **تها وقالت رحاب: ايوه حسام زين بس هو بيحب اختى منة وانتى عارفه ده كويس وازاى هتخدعوه كده وكمان أنا اكبر منه بأربع سنين يعنى مش سنة ولا اثنين وكمان أنا لو وافقت هو هيوافق ازاى وكمان ازاى الفكرة دى تيجى فى دماغك انت وبابا انى اتجوز زوج اختى الأم- افهمى اختك هربت يعنى مش عايزة تتجوز وكمان جبتلنا العار ومش قدامنا حل غير ده فوافقى يا بنتى ومتجطعيش قلبى اكتر من كده رحاب بس يا امى مينف... الأم -قطعت كلمها وقالت مفيش حاجة اسمها مينفعش ،والله يا رحاب لو ملبستيش لبس للعروسة ونزلتى تتجوزى حسام لانتى بنتى ولا اعرفك وسابتها ومشيت الأم- نزلت وهى بتعيط وبتقول أنا عارفه انى ضغطت عليكى بس ده كله علشان سمعتك لأن مستقبلك هيضيع لو الجوازة دى متمش وانا عندى إبان لم قاسية عن انى اضيع مستقبل بنتى رحاب: انصدمت من كلام امها وازاى هى بقت كده بس خدت قرار أنها تعمل اللى قالته امها علشان ربنا ميغضبش منها وأكيد ربنا هيسترها معاه الأب- لقى الأم بتعيط ففكر أن رحاب رفضت الأب ايه اللى حصل ، رحاب رفضت ؟!!! الأم- لا وافقت بس زعلانه عليها الأب -متخافيش كله هيعدى وباذن الله حسام هيصونها ويحطها جو عينيه الأم- المهم هنعمل ايه فى حسام اصل هيعرف لما تنزل ولما المأذون يقول اسمها ولما تختم على صورتها اصل حسام مش اهبل الأب -عارف كده ده بس متقلقيش أنا اتفقت مع ناس تضبط الموضوع وهو أن لما الشيخ يجى يقول اسمها يجى واحد ويكلمه بحيث ميسمعش الاسم والباقى عليا بس متنسيش تخلى بنتك تحط الشال على وشها ولو حد سأل قولى أنها م**وفة شوية لحد لما الجوازة تكمل وبعدين يحلها ربنا وفعلا الحوازة تمت ومن كتر فرحة حسام واستجاله انه يتجوزوها مسعمش اى كلام من كلام المأذون لما قاله هل تقبل وطبعا قال اى والحمد لله تمت الجوازة والأهل ودعوا العرسان لبيتهم فى البيت حسام: ادخلى برجلك اليمين يا عروسة رحاب دخلت زى ما قال وكانت متوترة جدا اولا لانها مش عارفه هيكون موقفة عامل ازاى لما يكتشف أنها رحاب مش منه وثانيا علشان هى معاه لوحدها فى الشقة وبرده هى م**وفة جدا وبعدين حسام اتكلم حسام: أنا مش مصدق أننا اتقفل علينا الباب وبقينا لوحدينا وبعدين مسك ايديها وقال النهاردة هتكون اجمل ليلة فى حياتى علشان هنكون واحد جسديا وعاطفيا وفكريا ، انتى مش متخيلة فرحتى عامله ازاى وبعدين قال بمرح مالك يا منمن انتى مش راضية تتكلمى ليه ولا تورينى وشك القمر ثم غمز وقال معقولة م**وفة منى امال اللى هيحصل بينا النهاردة ده هيحصل ازاى ب**وفك ده وقام علشان يشيل الشال من على وشها علشان يشوفها حسام بصدمة ?? ايه ده انتى بتعملى ايه هنا وفين منة انطقى رحاب مش قادره تتكلم وتقول ايه وبعدين قالت رحاب: أنا مش قصدى أن اخد... وفجأة لقت قلم على وشها ?? حسام: اخرسى مش عايز اسمع صوتك ، علشان انتى مش لاقية حد يتجوزك فلبتسى لبس اختك علشان اتجوزك وتخلصى من لقب عانس بس ده ببعدك وانا ليا كلام تانى مع عمى ويا ترى عارف بالمهزلة دى ولا لأ وبعدين زقها على الأرض وايديها اتجرحت وقام رزع الباب جامد على آخره ومش وراح عن عمه علشان يشوف ايه اللى حصل (يا بختك السىء يا رحاب ، ملكليش نصيب ابدا?) ذهب حسام عند عمه علشان يعرف منه ايه اللى حصل حسام :بيخبط على الباب جامد وبيعلى صوته ويقول حسام افتح يا عمى افتح الأم -اتخضت من طريقة تخبيطة للباب وبعدين قالت اهو جه يا حج وعرف الحقيقة قوم شوف هتعمل ايه بدل ما يعمل فضيحة فى نص الليل الأب -متخافيش أنا عارف هسكته ازاى وبعدين قام فتح لحسام حسام دخل والاب قفل وراه الباب علشان محدش يسمع الحديث بينهم حسام :جولى يا عمى ايه اللى بنتك عملته ده وازاى ترضوا تخالونى اتجوز رحاب بدل منه ،انت عارف بالكلام ده ولا لأ الأب- ببرود ايوه عارف يا بنتى بس غصب عنى والله حسام بغضب :غصب ايه ونيلة ايه،و ايه الحديت الماسخ ده يا عمى ، وغصب عنك ليه وفين منة وازاى ترضى أن اختها تعمل كده ، رد علييياااا?? الأب- اقعد يا بنتى وانا افهمك واسمعنى للآخر حسام: جول يا عمى أنا اعصاب باظت الأب- منة هربت من الفرح وعلشان ندارى الفضيحة خلينا رحاب تتجوزك بدلها ولا كنت عايز الناس تاكل وشنا وتصير سمعتنا على كل ل**ن حسام : ازاى ده حصل وليه مقلتليش قبل ما اتجوز رحاب ، انت عارف ان بحب منة مش رحاب وكمان كان المفروض الجوازة دى تتلغى الأب - مش عارف هربت ازاى وليه بس مكنش قدامنا حل غير ده وإلا كانت سمعتنا باظت وانت كمان الناس هتقول عنك انك وحش وهى هربت علشان كارهاك وكمان سمعت رحاب برده لأنها مش هتلاقى حد يتجوزوها وانا اخترت الشىء الصح حسام هههههههههههه ? اخترت الشىء الصح لك انت بس يعنى بنتك العانس دلوقتي اتجوزت لكن أنا مصيرى ايه قولى يا عمى الأب اخرس قطع ل**نك اوعى اسمعك تقول كلمة عن بنتى ، وانا لما فكرت فكرت فيكم انتم الاثنين ومتنساش ان فى بينا شراكة ولو طلقت بنتى هفض الشراكة دى و منصبك هيبقى فى الارض ، أنا قولت اللى عندى وخلاص وحسك عينك تجرح بنتى بكلمة واحدة بس وإلا عينك مش هتشوف النور تانى وهنسى أنك ابن اخويا ، فهمت ويلا روح لمراتك علشان الناس متتكلمش علينا حسام كده يا عمة،ماشى بس لازم اعرف الاول منة راحت فين وبعدين لينا حساب تانى وقام مشى الام أنا خايفة على بنتى يا حاج ، ده ممكن يعمل فيها حاجة ،يا بختك يا بنتى ? الأب خايف بس حاول يخفف عن مراته وقالها متخافيش باذن الله هتكون كويسه علشان هى طيبة وربنا اكيد هيقف معاها واحنا علينا ندعيلها وخلاص الأم سمعك من بقك ربنا يا حاج ، بس يا ترى انتى رحتى فين يا منة وليه عملتى كده ، معقولة تكون اتخ*فت ، اعمل ايه يا ربى الأب بصى أنا لقيت الرسالة دى فى اوضة بنتك ومكتوب فيها رسالة غرامية وكانت مخططة أنها هتهرب فعلشان كده انسيها خالص ومتحبيش اسمها على ل**نك مرة تانية ، احنا عندنا بنت واحدة بس وهى رحاب ، مفهووووم الأم مفهوم يا حاج نروح عن البطلة رحاب قعدت تعيط بعد ما حسام ض*بها بالألم وسابها ومشى وعماله تقول ياترى مصيرك ايه يا رحاب وازاى هتقدر تعيش مع حسام وهو مش طايقها وبعدين قامت تصلى ركعتين علشان ربنا يبرد قلبها من الخوف اللى جواه رحاب قامت غيرت ولبست الاسدال بتاع الصلاة وصلت ودعت ربنا انه يعملها الصالح وبعدين نامت على الكنبة ودموعها على خدها حسام جه وفتح الباب واتفاجأة لما لاقاها نايمة على الكنبة وبعدين قرب منها وقال حسام لرحاب أنا كنت مفكرك طيبة وانك مظلومة علشان كلام الناس بس بعد اللى عملتيه اثبتيلى غير كده وانك خبيثة وانانية واستغليتى هروب اختك علشان تتجوزى وتخلصى من لقب عانس وكمان اشك انك انتى اللى هربتى منة او خ*فتيها ، صحيح ياما تحت السواهى دوامى بس اوعدك انى هعذبك وهخليكى تتمنى الموت ومتعرفيش توصليله علشان اللى عملتيه ده لا يغتفر وبعدين دخل اوضته ونام فى الصباح رحاب استيقظت و وجدت نفسها على الكنبة فقامت اتوضت وصلت وراحت تصحى حسام رحاب قعدت تخبط على الباب وهو مردش فدخلت حسام كان طالع من الحمام ولافف الفوطة حوالين وسطه بينما ص*ره عارى رحاب أو ما شافته كده ات**فت اوى ودارت وشها الناحية التانية وقالت اسفة فكرتك مش جوه حسام اتفاجأ منها ولما دارت وشها قال مفيش مشكلة ممكن تطلعلى علشان اغير رحاب طلعت وهى مستغربة ازاى هو بقى عادى كده حسام فى الاوضة وهو بيغير ماشى يا رحاب أنا وانتى والزمن طول ومحدش هيقدر يحميكى منى حسام خلص وطلع من الاوضة لقى رحاب مجهزة الأكل على السفرة رحاب صباح الخير ، يلا أفطر علشان تروح الشغل حسام استغرب منها بس قال اكيد دى مكيدة منها علشان انسى اللى عملته بس على مين حسام أنا مش جعان وقام يمشى رحاب قامت له وقربت منه وقالت والله يا حسام يا معملتش حاجة والموضوع جه كده ، دلوقتي لازم تسامحنى وندور على منة حسام بص لايديها لاقاها ماسكة لياقة القميص وقريبة منه جدا فمسك ايديها وبعدها عنه وقال اوعى ايدك تلمسنى تانى بقولك اهو واعتبرينى انى مش موجود ومتسألينيش عن حاجة خالص وانتى كمان قومى البسى وروحى شغلك ولا تكونى مفكرة نفسك عروسة والنهاردة صباحيتك هههههههههههه رحاب ب**رة نفس اللى يريحك يلا فى حفظ الله فى الشغل رحاب راحت مكتبها زى كل يوم وطبعا محدش عارف انها متجوزة زياد ازيك يا انسة رحاب عامله ايه رحاب الحمد لله يا استاذ زياد اخبارك ايه ، بقالك كام يوم واخد إجازة مالك زياد بابتسامه أنا الحمد لله تمام بس امى تعبانه وانا قعدت معاها لانك عارفه أن مليش أخوات بنات وكمان اعزب رحاب ربنا يجعله فى ميزان حسناتك ويكرمك ويرزقك بالزوجة الصالحة زياد وهو بيبص ليها يا رب، ادعيلى كتير اصل لقيت واحدة ومستنى بس اجهز نفسى واتقدم رحاب يا رب لو فيها خير لك تكون من نصيبك زياد يا رب اجمل دعوة النهاردة ، يلا اسيبك تركزى فى شغلك واروح أنا على مكتبى فى ساعة الغدا مرڤت تعالى يا رحاب اقولك مش تقولى لهبة مب**ك اصل اتخطبت وعقبالك انتى كمان هههههههههههه رحاب الف الف مب**ك يا هبة ربنا يتمم لك بخير (بيقولوا أن الحب بيتولد من الاهتمام فهل رحاب هتنجذب لزياد لاهتمامه بيها ولا لأ) عند حسام فى الشغل الكل مستغرب أن حسام جاى الشغل يوم صبحيته الشخص الاول- ايه يا حسام ايه اللى جابك النهاردة، انت لسه عريس والشغل مش هيطير وكنت انا عملتهولك بدل ما تيجى حسام : كتر خيرك يا احمد احمد بس برده ايه اللى جابك النهاردة شخص تانى- هتلاقى المزة معجبتهوش او العكس حسام ض*ب بايده على المكتب وقال حسام اه يا وس*ة يا وا** ما تحترم نفسك ولا اوريك شغلك ، مبقاش غير الهفق اللى يتكلوا ويلا كل واحد على شغله الشخص التانى ده بيقول لشخص ثالث شكله معرفش أو البضاعة مضروبة هههههه الشخص الثالث اسكت يا عم احنا مالنا الشخص الثانى فى سره - لأ مالنا ولازم اعرف السبب ايه، دى فرصة وجت لحد عندى ولازم استغلها حسام قاعد طول الشغل ومتضايق من كلام زمايلة وخصوصا كلام واحد عصبه جدا Flash شخص رابع هتلاقيه قاعد هنا وهى قاعدة مع حبيب القلب ههه ،شكله وحش اوى حسام قرر أنه يسكت ومردش علشان عارف ان الكلام مش هيخلص End حسام يا ترى انتى فين يا رحاب وبتعملى ايه وفجأة قرر يروح يشوفها بتعمل ايه حسام راح البيت ملقهاش فقعد يستناها رحاب رجعت من الشغل لقت حسام قاعد على الكنبة وحاطط رجل على رجل وعمال يهزها وعينه حمره وشكله ميطمنش رحاب سلام عليكم حسام وعليكم السلام ، كنتى فين يا هانم رحاب بخوف هكون فين يعنى ، كنت فى الشغل حسام اه قولتيلى الشغل وليه رحتى الشغل ، مش المفروض النهاردة الصباحية وكده رحاب مانت كمان رحت الشغل حسام الله الله انتى هتقارنى نفسك بيا، متنسيش انى راجل وانتى الست وبعدين مفيش شغل من غير لما اعرف رحاب هو انت مالك متضايق ليه وحاولت تحط أيدها على وشه حسام بعد ايديها وقال متلمسنيش تانى وملكيش دعوة بيا متضايق فرحان ميخصكيش رحاب بعياط هو انت ليه بتعمل كده حسام قرب منها لحد لما بقت على الحيطة ومسك دراعها جامد وقال انتى مش عارفه أنا عملت كده ليه ، أنا هقولك لانى بكرهك وبتمنى تموتى وتطلعى من حياتى ، دخلتى حياتى بوظتيها ، كان زمانى دلوقتي قاعد مع منه حبيبتى رحاب بزعيق افهم بقى منة هربت يعنى مش عايزاك وكمان أنا مالى ، منا كمان اتظلمت زيك واتجوزتك حسام هو انتى لاقية حد يتجوزك، افهمى بقى انتى عانس يعنى مفيش حد عايزك ولولا اللى ابوكى عمله كنتى هتفضلى طول عمرك فى بيت أهلك هههه رحاب طب طالما مش عايزنى طلقنى حسام قولى لابوكى علشان أنا قولتله وهو رافض رحاب هكلمه واحاول اقنعه حسام يا ريت علشان اخلص منك وترجعى لعنوستك هنا رحاب لم تستطع أن ت**ت وصرخت فيه رحاب بزعيق هو انت ليه بتعاملنى كده ، انت مش احسن منى وانا اصلا ميشرفنيش انى اتجوز واحد زيك وبجد احلى حاجة أن منة هربت علشان متعش مع واحد زيك شايف البنت خدامة حسام أنا مش شايف البنت خدامة لكن انتى اللى خدامة لانك لا تصنفى كبنت ، روحى شوفى نفسك باللبس ده ،شكل واحدة داخلة على الخمسين ، ولابسه لبس مش لائق مع بعضه ابدا ههههه قال بنت قال ، ظبطى نفسك الاول وبرده مش هبصلك رحاب مش عايزاك تبصلى ، هو انا لازم البس ضيق واطلع شعرى علشان اعجبكم ، شباب غري،ومدام كده ملكش حكم عليا ولا اروح فين ولا اعمل ايه يعنى ملكش ولا حق من حقوقك كزوج حسام لأ كده هنغلط ،انا ليا الحق اعمل اى حاجة فيكى ، انتى مراتى رحاب دلوقتي مراتك لكن غير كده لأ ، وانا بسقطلك حقك فيا وسابته ومشيت رحاب دخلت الاوضة وقفلت على نفسها وقعدت تعيط رحاب يا رب كن معايا، أنا تعبت منهم ، مفيش حد حاسس بيا ولا عارف انا حاسه بايه غيرك ، كلهم عايزنى البس وحش بس انا اخترت طريقك انت يا رب فقوينى وراحت غيرت حسام متضايق لأنها ردت عليه علشان كده قرر أنه يعلمها الادب رحاب طلعت عملت الاكل وحطته على السفرة رحاب يلا يا حسام تعالى علشان نتغدى حسام مليش نفس ويلا...ولما شافها انزهل من جمالها رحاب كانت لابسه تريند بيتى لونه احمر وكانت من غير طرحة ومع شعرها الأ**د وعينيها السود وبشرتها البيضة مديين ليها شكل جميل حسام مش جعان رحاب يلا يا حسام تعالى كل ونتفاهم كويس حسام بتوهان من جمالها يلا على السفرة حسام بياكل بس عمال ي**ق كام نظرة لرحاب وبعدين خلصوا الاكل رحاب قعدت جنب حسام رحاب بص يا حسام أنا وأنت اتفرض علينا الجوازة دى ومحدش فينا عايزها فاحنا نعيش مع بعض اخوان وصحاب عادى يعنى اعملك الاكل وشغل البيت وكده ولو عايز تحكيلى حاجة أنا موافقة وانت تسيبنى اشتغل عادى ولو انت حبيت واحدة وعايز تتجوزها مفيش مشكلة قولت ايه حسام ...... . رحاب حسام يا حسام حسام اه فى ايه رحاب انت سمعتنى قولت ايه حسام أن نكون اخوات وصحاب رحاب طب ايه رأيك حسام مش موافق وقام طلع بره البيت وركب عربيته حسام وقف قدام البحر وعمال يفكر حسام لأ مستحيل افكر فيها كده ، اعقل يا حسام انت قوى مش كده ، بس ازاى كنت بفكر فيها كزوجة وازاى كنت عايزها ولما قالت نكون اخوات اتضايقت فاضطريت ارفض ، معقول افكر فى رحاب كزوجة مستحيل وبعدين قرر أنه لازم ينتقم منها نتعرف على ابطال الرواية حسام ( 27 سنة ضابط وليه مكانته بس عيبه انه عصبى ومش بيثق فى حد ، دائما بينجذب للبس البنت قبل كل شىء ، مش بيصلى اوى علشان كده حاله مش مظبوط ، ليه اعداء كتير بعدد شعر رأسه بس هو زكى ومحدش قادر يتغلب عليه علشان ملوش نقطة ضعف) رحاب (البطلة 31 سنة موظفة فى شركة ليها علاقة بالأجهزة وكده ، طيبة جدا وعندها الثقة فى كل الناس ، هادئة وبتحكم بالعقل ومش معترفة بالحب نهائى لكن بتؤمن بالمؤدة والاحترام بين الزوجين ، لقبها فى القرية العانس لأنها لم تتزوج ، بتسامح اى حد إلا أنه يئذى أهلها ومراتها ) منو (اخت البطلة 23 سنة والمفروض كانت تتجوز البطل بس هربت ، دى ليها جزء مهم جدا بالقصة بس بعدين وهنعرف هى فين وليه هربت) زياد(29سنة،زميل رحاب بالشغل وبيحبها جدا بالرغم انها اكبر منه وكل اللى فى الشغل ملاحظ ده إلا هى ، مستعد يتجوزها لما يجهز نفسه وهو قرب يكمل شقته ، وهى بتحترمه بس مش بتفكر لا فيه ولا فى غيره بس هو عنده ثقة فى ربنا أنها هتكون ليه فى يوم من الايام ، صبور جدا ومتفوق فى شغله) عمر (35 سنة جار رحاب ويعتبر حب الطفولة بس اضطر يسافر علشان أهله سافروا بس هيرجع ، وعدها وهو ماشى انه هيرجع ويتجوزها ، طيب جدا وعنده رحاب دى نجمة من السما ودائما مان بيحميها ويض*ب الاطفال اللى كانوا بيض*بوا) ندى (بنت خالت حسام 25 سنة ، بتحبه من وهى صغيره بس حب تملك أنها مدام حبت حاجة لازم تحصل عليها، بتحاول دائما أنها تغريه بس هو مش بيحبها لانه شايفها أخته مش اكتر ، أنانية جدا) وباقى الابطال هنعرفهم بعدين بيقولوا أن الاهتمام بيولد الحب والاهمال بيولد الكره فايه اللى هيحصل لو الإهمال ولد الحب وهل رحاب رفضه الجواز علشان عمر ولا فى سبب تانى زهرة الحياة