TULAD nga ng sinabi ni Slater kanina, matindi na ang traffic sa mga dinaanan nila. Pasado alas-siyete na nang maihatid nila si Miss Erica. Bago sila umalis sa bahay ng babae ay pinahiram pa siya nito ng damit na pangpalit sa nabasa niyang uniform.
"Okay ka lang?" basag ni Slater sa katahimikan. Nasa daan na sila patungo sa bahay nila sa Pasig.
Sinulyapan niya ito.
"Nilalamig ka pa ba?" tanong nito pero bago pa siya sumagot ay bahagya na nitong hininaan ang aircon ng sasakyan.
"Okay na po ako, Sir."
Muling namayani ang katahimikan sa pagitan nila. Napatingin siya sa kalong niyang bag nang tumunog ang cellphone niya. Inilabas niya iyon at tiningnan kung sino ang caller. Napahinga siya nang malalim pagkakita sa pangalan ni Scarlet. Sa halip na sagutin ay isinilid niya ulit ang cellphone
