Pagmamatyag
"MILENCIO, may problema ka ba?" Nag-aalalang tanong ni Luisa sa asawang pabiling-biling sa higaan. Kanina pa niya napapansin ang pananamlay ni Milencio. Bagama't kaharap at nakikipag-usap sa kanya ay nararamdaman niyang wala ito sa sarili. Madalas ay natitigilan ito at ipinauulit pa sa kanya ang mga sinabi niya. Kahit hindi nito aminin ay alam niyang mayroon itong hindi sinasabi. May inililihim ito na gumugulo sa isip. Kung kaya naghanap siya ng magandang pagkakataon upang ito ay tanungin.
"W-wala naman. Medyo nangangawit lang ako." Pagsisinungaling ni Milencio. Hindi na dapat malaman ng asawa ang gumugulo sa kanya. Tiyak na masasaktan lang ito at baka sisihin pa ang sarili sa ipinagkakaganoon niya. Sasarilinin na lamang niya ang mga alalahanin. Gusto niyang pag-isipang mabut
