Paghihiganti
BARKO. Payapa ang langit at ang tubig sa dagat ay tila nagsasayaw habang mabilis na tumatakbo ang barkong sinasakyan ni Luisa.
Malungkot niyang tiningala ang nagkikislapang mga bituin sa maitim na ulap. Malamig ang singaw ng tubig dagat ngunit hindi niya alintana. Hinayaan niyang tangayin ng malakas na hangin ang mahaba niyang buhok. Pinakiramdaman niya ang paghampas ng malamig na hanging may kasamang hamog sa kanyang mukha at saka mariing ipinikit ang mga mata. Nanatili siyang ganoon ng ilang sandali hanggang sa ang tunog ng maingay na makina ay hindi na niya naririnig. Naging pipi rin ang maliliit na along sumusunod at humahampas sa puwitan ng barko. Naumid din ang ugong ng hangin. Tahimik na tahimik na ang paligid at saka niya inalala ang lahat nang nangyari...
Matiyaga
