Napatid na pag-asa
HINDI makakuha ng magandang tiyempo si Milencio. Iang gabi na siyang pabalik-balik sa magkakaibang oras ay hindi pa rin siya makahanap ng magandang pagkakataong mapasok ang bahay nila. Kung 'di may umikot na mobile ay may mga nakatambay namang pulis sa kanilang lugar. Hindi niya alam kung bakit palaging may mga pulis na nag-iikot at naglalagi sa eskinita nila. Hindi man naka-uniporme ay alam niyang pulis ang mga ito. Ang tindig, tikas at kilos ay hindi maikakaila sa kanya.
Hindi naman niya mapuntahan sa umaga ang asawa dahil tiyak na may makakakita at makakakilala na sa kanya. Hanggang mamayang gabi na lang ang usapan nila sa labas. Kapag hindi siya nakabalik ay ide-deklara na siyang isang pugante. Tiyak na ipatutumba siya ng 'boss' ng mayor sa kanilang selda. Pati it
