البارت الثانى. (2)

1725 Words

وحشتوني جدا مبسوطة من تفاعلكم مع الرواية شكرا ليكم جدا ??? عايزة اشكر الناس اللي وقفت جنبي في اللي حصل وعايزة اقول انا مش معترضة ان اى حد ياخد الرواية وينزلها في اى بيدج او جروب لكن الرواية تنزل زى ماهى من غير حذف اى كلام منها وبالغلاف الخاص بيها وطبعا بعد إذن منى اظن من ابسط حقوقي اعرف روايتى بتنزل فين شكرا ليكم مرة تانية ومبسوطة جدا إن الرواية عجبتكم ? واسيبكم مع الفصل التالت ميرا إسماعيل ??البارت الثالث!? اكره أبي ولكن.... في منزل فاطمة داخل محافظة الإسكندرية يوسف ومريم صحيوا من بعد نوم طويل وخرجو الصالة وشافو فاطمة وهي شايله سفيان وسيدرا وعماله تغنى ليهم يوسف : صباح الخير مريم بضحكة كلها طفولة : هو في صباح الخير بليل فاطمة ويوسف ضحكو عليها فاطمة :انت شكلك مشكله كبيرة يوسف :مصيبة بس انت كدة ظالمة المصايب قولى كارثة مش مصيبة فاطمة بحزم مصطنع :لا اوعي تقول كده دى مريوم دى عسل يوسف :هههههه طبعا عسل بكره تتعرفي عليها وربنا يستر مريم كشرت بطفولة فاطمة شفتها م**رة قالت ل يوسف فاطمة:سيب بكرة ل بكرة ويلا علشان ناكل انا موت من الجوع ومردتش اكل اللي لما تصحو من النوم وفعلا رصت السفرة وقعدو كلهم علي الاكل واكلو وسط اكل كله ضحك وهزار من فترة طويلة مشفوش الجو دا فاطمة لمت الاكل وقعدت ترضع التؤام بعد ماصحيو يوسف كان مبسوط من اللي،بيحصل. وبعدها قعد جنب فاطمة وقال ليها يوسف :انا مش عارف اشكرك ازاى علي اللي عملتيه معانا ? فاطمة:بص يا يوسف صحيح انا معرفكوش ولا اعرف سركم ومش عايزة اعرفة غير بمزاجك لكن انا زى ما انت شايف ست وحيدة مفيش ليا اهل ولا عيال انا محتاجكم وعارفة ومتأكدة انكم محتاجينى ? يوسف براحة كبيرة ليها :انا هحكى بس اوعى تقولي انى غلطان انا حتى لو طلعت غلطان مش هرجع وارجع اخواتى للجحيم ? فاطمة:احكى واوعدك انى هسمعك لآخر حكى يوسف حكايتهم من اول ما نهى دخلت حياتهم وعذابها ليهم ولاخواته لحد اخر حاجة حصلت وخليتهم خرجو فاطمة بحزن شديد وواضح:مش ممكن في اب يعمل كده واتن*دت تنهيدة كلها حزن مريم متابعة اللي بيحصل وهى بيزيد جواها كره وحقد علي نهى وبتكلم نفسها انا لما اكبر هنتقم منهم علي كل حاجة حصلت?? قطع تفكير مريم صوت فاطمة وهي بتقول: بس ممكن لو رجعتو ابوكم ياخد باله منكم خصوصا بعد هروبكم ممكن يكون ندم يوسف بص ل مريم يوسف: بابا مفيش في قاموسه الندم لو كان بيندم كان ندم علي ماما بعد موتها علشان المعامله اللي كان بيعاملها ليها وحب يغير الموضوع انت عمالة تقررينا من الصبح وعرفت حكايتنا انت بقا حكايتك ايه وازاى قاعدة لوحدك كده فاطمة فهمت انه بيغير الموضوع وفعلا حكت حكايتها : بص يا سيدى انا حكايتى بسيطة قوى كنت بنت وحيدة ابوى مات وانا صغيرة قوى بعدها امى ربتنى وعلمتنى لغاية ما اخدت الدبلوم وجوزتنى خالد الله يرحمه ??? وهى ماتت بعد جوازى بكام شهر???? يوسف : معلش بس هو مات ازاى؟؟ فاطمة: بحزن دفين ابدا كنا راجعين من عند الدكتور التا**ي عمل حادثة هو وصل المستشفي ميت وانا نزلت الطفل اللي بطنى وشيلت الرحم?????? بس هى دى كل الحكاية يوسف بحزن عليها بس مش عارف يعمل او يقول ايه فاطمة حست بيه : متقولش حاجة انا راضية بنصيبي قطع كلامهم صوت عياط سفيان فاطمة: هقوم اشوف سفيان يوسف باستغراب: عرفتى منين انه سفيان مش ممكن تكون سيدرا فاطمة بضحك: لا انا عرفت افرق بين صوت عياطهم ملكش دعوة انت قوم صلي ولا النوم نساك الصلاة يوسف: لا منسيتش هقوم اصلي☺☺ ???????????????? في بيت فواز النجار نهى بصريخ : الحقينى يا فواز هموت هموت فواز: ط ط طيب هنروح المستشفي اهو وبعد مدة دخلت نهى غرفة العمليات بس الوقت طال والقلق طال وبعد مدة خرج الدكتور فواز : طمنى يا دكتور نهى والبيبي عاملين ايه!! الدكتور بمهنية : حضرتك مدام نهى ولدت في السابع ودا خطر خصوصا ان الجنين مش كامل ولما اتولد اكتشفنا أن عنده ثقب في القلب دكتور الاطفال حاول بس مع الاسف انا اسف ل حضرتك البقاء لله وكمان الدكتور بقلق حضرتك مدام نهى مش هتقدر تخلف تانى لان الرحم اتاذى بشكل ب*ع فواز : بصدمة انت متاكد من كلامك !!! الدكتور : انا اسف عن اذنك فواز: ليه كل دا بيحصل ولادى يروحو وي**قونى ودلوقت الطفل اللي قلت هيكون سندى يروح ومعرفش أجيب غيره ?? فواز دخل ا نهى كانت لسه بتفوق وسألت علي البيبي وعرفت انه مات وعرفت انها مش هتقدر تخلف تانى انهارت?? عدى اسبوع من غير احداث غير إن فاطمة اقنعت يوسف يروح لابوه وفعلا قرر يروح ????????????????? في شقة مجاورة ل شقة فاطمة هيسيبو فيها مريم والتؤام مريم بعياط ؛ لا يا يوسف متسبناش انا خايفة يوسف بحنان : متخفيش يا مريم انا هرجع علي طول وبعدين بطوط معايا مريم : مليش دعوة اجى معاك يوسف : مش هينفع هروح انا واللي بعد كده ربنا يسر فاطمة : وبعدين يا مريم احنا مش اتفقنا امبارح ايه هنرجع في كلامنا هو احنا عيال بقا مريم بعند : لا انا مش عيله خلاص هسكت وهاخد بالى من اخواتى ☺☺ وفعلا مشي يوسف وفاطمة ل بيت فواز علشان يشوف فعلا ندم ولا لاء وكانت هتكون اخر فرصة ل فواز النجار ???????????????? في منزل فواز نهى بتتكلم في التيلفون : تبقا مصيبة لو فكر يتجوز علشان يخلف والمصيبة الاكبر لوفكر يدور علي ولاده? نهي بعد ما سمعت الطرف التاني : هو ممكن يصدق بعد سماع الطرف الآخر: عندك حق كله في ايدى وقفلت معاها علشان فواز جاى علشان الغدا وهما علي الغدا وهى حزينة فواز : مش خلاص بقا يا نهى مش قولنا كل اللي بيحصل لينا خير نهى بخبث : انا خايفة تتجوز علشان تخلف ? وتنسي كل اللي حصل منى انى استحملت ولادك وظلمهم ليا انى بعملهم وكمان كانو السبب في اللي حصل ليا فواز بعدم فهم: وهما مالهم ب اللي حصل نهى : ه هو انت مش عارف الدكتور مش كلمك فواز بنفاذ صبر : مكلمنيش اخلصي بقا نهى : اصل وأنا بوضب غرفة يوسف لقيت دوا غريب ولما وريته ل دكتور قالي هو سبب في اللي حصل فواز بصدمة : انت اتجننتى نهى بصوت عالي: طبعا مش مصدقنى لكن واثق في ولادك اللي سرقوك ? فواز : لا طبعا مصدقك لكن مصدوم منهم والصدمات اللي بتحصل ورا بعض ليا نهى بحنان مصطنع: عارفة يا حبيبي انا حاسة بيك بس غصب عنى انا تعبانة وخايفة تسبنى ? فواز بحب: لا طبعا عمرى ما اسيبك لو علي الاطفال كانو معايا لما انجوزتك لكن انا عايزك وبحبك ومقدرش علي بعدك عنى وقطع كلامهم صوت جرس الباب فتحت نهى واتصدمت لما شافت يوسف ومعاه واحده ولسه مش عارفة تفكر صوت فواز من وراها : مين يا نهى ؟؟ يوسف رد دا انا فواز بصدمة : ي ي يوسف يوسف كان وحشه جدا بالرغم من قسوته الا انه ابوه ويوسف طبعه التسامح يوسف : ايوة يا بابا انا ج قطع كلامه ض*ب فواز ل يوسف فاطمة بصريخ : يوسف ومدت ايدها ل يوسف تشيله من الارض بعد ما وقع من الض*ب فاطمة بحزن علي يوسف وبصدمة من فواز : مش ممكن انت آب انت حتى مش بنادم فواز بصوت عالي : وانت جايب محامى علشان يدافع عنك يوسف بثبات : انا مش عملت جريمة علشان أجيب محامى انا كنت فاكر انك ندمت علينا " فواز : اندم علي مين علي حرامى وكمان قاتل يوسف بصدمة : إيه اللي حضرتك بتقوله دا فواز : ايوة ايه كنت فاكر انى مش هعرف انك سرقت الخزنة كان ممكن اسامحك علي السرقة لكن قتل اخوك لايمكت اسامحك لما مشيت انت واخواتك قلت انكم خلاص ولادى ماتو يوسف مصدوم فواز كمل كلامه انا مش عايزة اعرف عنكم حاجة عارف حتى لو جيتو علشان تبوسو رجلي انتو خلاص متم بالنسبة ليا برة برة كل دا نهى بتابع بخبث ونصر فاطمة : فعلا انت الندم مش ف قاموسك لان الندم ل البنادم لكن انت مش بنادم فواز : احمدى ربنا انك ست والا كنت عرفتك قيمة كلامك وانت يا يبيه غور وخد اللمامة دى معاك فاطمة : يلا يا ابنى وفعلا خرج يوسف مصدوم من اللي حصل وفاطمة حزينة علي حال الاولاد الأربعة واتعهدت مهما حصل هيفضلو مع بعض مش هيفرق بينهم غير الموت وفى القطار المتجهة إلي الإسكندرية ولكن بلا رجعة مرة اخرى يوسف بحزن : انا هشتغل واصرف علي اخواتى لغاية لما يكونو احسن ناس في الدنيا فاطمة : ومدرستك انت داخل مرحلة الثانوى يعنى المرحلة اللي هتغير حياتك يوسف : وأخواتى مين يصرف عليهم فاطمة : انا طبعا انا مش مليا عينك ولا ايه ☺يوسف : لأ طبعا وانت ذنبك ايه فاطمة بث يا يوسف انا بقولها تانى انا عمرة ما هتجوز الحاجة اللي ممكن اتجوز علشانها الخلفه ودا مش هيحصل?? وانتو محتاجين حد معاكم وانا محتجاكم قوى وسكتت شوية فكرت بص احنا نقسم البلد نصين انت تشتغل في الاجازة وفي الدراسه تبقا دراسه وبس ها ايه رأيك يوسف بشبه اقتناع: موافق موافق يا،ست الكل فاطمة ضحكت وخدت يوسف في حضنها لحد ما وصلو البيت وفاطمة اخدت مريم والتؤام ودخلو شقتهم ونامو بعد العشا وصلو وكل واحد دعا ل ربنا باللي جواه وطلع تانى يوم وفعلا نزل يوسف الورشة علشان الشغل وعدت الإجازة ودخل يوسف الصف الأول الثانوى ودخلت مريم الصف الاول الابتدائي وكبر التؤام وعمرهم بقا سنة وعملو حفلة عيد ميلاد للتؤام وعدت السنين والنهاردة يوم نتيجة الثانوية العامة فاطمة قعدا علي أعصابها: ربنا ينجحك يا يوسف يارب حقق ليه كل نفسه فيه دا غلبان سفيان عنده 3 سنين هو سيدرا وجاى يعيط يا ماما يا ماما فاطمة : قلب ماما في ايه بتعيط ليه سفيان : مريم اكلت اكلي ل سيديا فاطمة بضحك : سيديا ماشي هعملك غيره يلا بينا ولسه هتقوم الباب اتفتح ودخل شاب شعر اسود وعيون سود جدا وسيم بس حزين فاطمة جريت علي يوسف بلهفة : طمنى يا يوسف يوسف بحزن : بلاش هتزعلي فاطمة : قول الحمد لله انا راضية باللي ربنا يجيبه يوسف متأكدة فاطمة ؛ اخلص جبت كام 80 يوسف : لا فاطمة بحسرة 70 يوسف مقدرش يمسك نفسه من الضحك ،: إيه يا بطوط هو انت ليه بتنزلى ما تطلعى فاطمة : أطلع ايه وانزل ايه اخلص وانطق مريم من وراهم اقول يا يوسف بقا يوسف ؛ بلافخر جبت 98?? فاطمة زى اى ام اصيلة عيطت شوية وزغرتت شوية والفرحةدخلت البيت كله وفعلا دخل يوسف كليه هندسة وعدا سنين الثلاثة الاولي في الجامعة سفيان وسيدرا دخلو المدرسة الابتدائية وعلي الجانب التانى فواز كان شغله بيكبر وشارك ناس في شغله ??????????????? وفي يوم دخل يوسف حزين ومهموم بعد يوم طويل في الجامعة فاطمة : اجيب لك غدا يا يوسف يوسف: لا يا ست الكل تسلمى مش جعان ودخل غرفته من غير كلام فاطمة باستغراب؛ هو في ايه ماله شايل الهم كده ليه مريم : أدينى ثانية واعرف كل حاجة ? فاطمة: طيب لما نشوف قومى يلا مريم دخلت ل يوسف علشان تعرف ماله وكانت فاطمة واقفة بره وسمعت الكلام وعيطت ودخلت علي يوسف بعصبية : كده يا يوسف قلبك طوعك تقول كده????? ??????????????? وبكده خلص بارت النهاردة ☺ اشوفكم قريب مع بارت جديد من!« اكره أبي ولكن? البارت كبير اشوف حد بيقول قصير???? عايزة اعرف : توقعاتكم؟؟ ايه اللي قاله يوسف وجع فاطمة كده؟؟ ?ميرا إسماعيل?

Free reading for new users

Scan code to download app

App Store Google Play

Facebookexpand_more