Sa wakas ay tila natapos din ang napakahaba nilang paglalakbay. Tumigil na sa paglangoy si Azrael at inalalayan siya nito sa pag-ahon sa mababaw na parte ng ilog.
Nang makatapak sa lupa si Jewel ay nanghihinang napaupo siya. Saka lang niya napagtuunan ng pansin ang dalawang maliit na nilalang na tumulong upang makalangoy at makahinga siya sa ilalim ng ilog. Nakatuntong ang mga ito sa ibabaw ng tubig habang kumakampay ang makukulay na mga pakpak.
Babae ang mga ito at parehong maganda. Maputi, seksi at kulay ginto ang buhok. Kumikinang na parang hiyas ang balat kung kaya nagmukhang alitaptap ang mga ito. Sa tingin niya ay nasa tatlong pulgada lamang ang laki ng mga ito.
Mabilis na pumasok sa isip niya kung ano’ng klaseng nilalang ang mga ito. Fairies. Agad siyang na-excite sa isipi
