HORA
Pinupukpok. Parang pinupukpok ng bakal na martilyo ang ulo ko sa sakit. Para bang puwersahan itong binubuksan mula sa loob. Magkabila rin kung pumitik ang aking sentido at sa tuwing sinusubukan kong tumayo ay pakiramdam ko ay nakalutang ako sa karagatan. Umaalon ang nasa palibot ko, pawang naging bangka ang aking kama sa tuwing sinusubukan ko na pakiramdaman ito. Sa madaling salita, ako ay nahihilo.
"Aah. Ang sakit yung ulo ko," wika ko habang maingat na pinipisil ang kaliwang sentido ko na nangunguna sa pagpitik. Dito ata nakatira ang ano man na maliit na nilalang na pumupukpok ng ulo ko mula sa loob.
Napakasama, ito na ata ang pinakamasamang pakiramdam na naranasan ko sa milyong taong haba ng aking buhay. Hindi ko gaanong natatandaan kung ano ang mga kaganapan kagabi para humanto
