Miraculous
KINABUKASAN ay nagtataka ako kung bakit hindi nagbukas si Papita ng karinderya. Naabutan ko kasi siya sa kusina at nagluluto. Alam kong sabado ngayon at hindi lahat ng pabrika ay nakabukas o kaya naman ay half day lang ang iba. Pero magbubukas pa rin si Papita para sa almusal.
"Magandang umaga, 'nak. Mabuti at gising ka na at tapos na ako magluto." Inilapag niya ang platong may sinangag sa ibabaw ng lamesa. Natulala na lang ako at ayaw bumuka ng bibig ko. Gusto ko siyang tanungin pero para akong naestatwa lalo na sa nakikita kong kasiyahan sa mukha ni Papita. "O, ano pa ginagawa mo diyan? Umupo ka na at lalamig 'to." Doon ako nabalik sa sarili at dahan-dahan na naupo. Matapos ilapag ni Papita ang gatas sa harap ko ay naupo na siya sa katapat kong upuan. Kumunot naman ang noo k
