CONTINUATION of CHAPTER 66
DOC AIDEN's POV: (RICHARD)
MATAPOS akong talikuran ng babaeng nakabanggaan ko at nakausap ay nagtanong na ako sa nurse kung saan naka-confine si Mr. Drake Alejandro.
Kaagad naman niyang sinabi sa akin ang room number ng binata na pupuntahan ko sana.
Kaso ilang hakbang pa lang ang nagawa ko ay nakita agad ng aking mata si Cathy na parang lutang na lutang ito na naglalakad sa mismong hallway ng hospital. Tila malalim ang iniisip niya dahil tulala ito sa kawalan.
Base pa lang sa postura ni Cathy ay mahahalata mo ang pagiging stress ng mukha niya. Magulo ang buhok nito, gusot-gusot na ang damit at kulubot ang kanyang noo.
Hindi na ako nagpaligoy-ligoy pa na nilapitan ang dalaga dahil alam kong kailangan niya ako sa mga oras na ito.
Napahinto naman ang babae n
