ISANG linggo na ang lumipas simula nang magsimula ako ng bagong buhay ko sa Subic.
Pagkagising ko, agad akong bumangon, at ang trabaho ko agad ang unang pumasok sa isip ko. Naging ganito na ang routine ko simula nang dumating ako rito sa Subic. Maaga pa lang, ramdam ko na agad ang bigat ng responsibilidad na nakaatang sa akin, pero kasabay noon ang kakaibang sense of purpose.
Pagkatapos kong mag-ayos ng kama, dumiretso ako sa banyo at nag quick shower. Nagbihis ako ng simple lang, comfortable pero presentable. Nasanay na akong ganito. Hindi kailangan ng sobrang ayos, basta handa akong humarap sa araw at sa trabaho.
Tinuyo ko ang buhok ko, nagpahid ng face powder at naglagay ng konting lip balm. Tiningnan ko muna ang schedule ko sa phone at mga tasks na kailangan kong gawin sa araw na
