MARIA POV
NAALIMPUNGATAN ako nang maramdaman ko ang init ng araw na dumadampi sa mukha ko. Pagmulat ko ng mga mata, bumungad sa akin si Ninong na nakatungo sa gilid ng kama, hawak ang isa kong kamay, habang nakaupo sa silyang katabi nito.
Nakatulog siya sa ganoong ayos, samantalang may napaka-komportableng kama siyang naghihintay sa hotel. Pinili pa rin niyang manatili rito sa bahay namin. Pinili niyang manatili sa tabi ko. At higit sa lahat, iniligtas niya ang buhay ko. Dahil sa kanya, parang nagkaroon ako ng pangalawang pagkakataon, isang pangalawang buhay.
Feeling ko tuloy napakalaki ng utang ko sa kanya, na ang paghinga ko ngayon ay dahil sa ginawa niya kagabi.
Bumalik sa isip ko ang itsura niya kagabi. Ang takot at matinding pag-aalala sa mga mata niya habang sinusubukan niyang i
