PAGPASOK ko sa building ng Beaumont Estates, bigla ako nakaramdam ng sabik. Hindi ito simpleng excitement. Hindi rin ito dahil sa trabaho. Alam kong may nag-iisang dahilan kung bakit bigla akong nasabik pumasok ngayong umaga. Dahil sa Ninong Boss ko. Dahil kay Travis.
Hindi ko tuloy mapigilan ang pagngiti.
Habang naglalakad ako sa lobby, pakiramdam ko mas maliwanag ang paligid. Isa-isang bumabati ang mga empleyado. Security, receptionist at ilan pa sa staff na nakakasalubong ko at masigla ko rin silang binabati nang may ngiti sa labi. Feeling ko ang ganda ng umaga ko ngayon. Noong isang gabi lang nang muntikan na akong mabura sa mundo at ngayon, parang nagkaroon talaga ako ng panibagong buhay.
Pagpasok ko sa elevator, napatingin ako sa repleksyon ko sa salamin na wall. Naka black slee
