Tumagal din ng mahigit dalawang taon ang relasyon naming dalawa ni Gwen. Subalit naghiwalay din kami kaagad matapos kong matuklasan na bumabalik siya sa dati niyang gawain. Ang buong akala ko pa naman ay nagbago na siya at handa na niyang talikuran ang lahat ng nakaraan niya alang-alang sa akin pero nagkamali lang pala ako.
Lubos akong nasaktan sa ginawa niyang panloloko sa akin. Doon ako natutong magbisyo, mag-inom ng alak, magbulakbol, mapabarkada at madalas ay nakikipagrelasyon ako sa mga babae kada'isang linggo. Masasabi ko na si Gwen lang ang unang babaeng sineryoso ko at minahal ko ng sobra-sobra na higit pa sa sarili kong buhay.
Halos tinanggap ko ang buo niyang pagkatao at nakaraan, subalit kataksilan lamang ang sinukli niya sa akin. Madalas pa rin naman naming nakikita ang isa't
