Laking gulat ko na lamang nang mapagtanto ko ang aking sarili sa loob ng sasakyan ni Gwen, habang nakahawak naman ang dalawa kong kamay sa kaniyang leeg.
Mabilis ko siyang binitawan at kaagad din akong lumayo sa kaniya. Napahawak naman siya sa leeg niya gamit ang sariling kamay habang hinahabol ang kaniyang paghinga.
Napamaang na lamang ako sa aking mga kamay at hindi ako makapaniwala na kamuntikan ko na pala siyang mapatay.
"Hindi ko inakalang matindi pa rin ang galit mo sa akin, magpahanggang ngayon." Aniya na may pag-ngiwi mula sa kaniyang labi at hinihingal pa rin siya sa paghinga.
"Paano mo nalaman ang phone number ko? sinusundan mo ba ako? iniistalk mo ba ako?" mahina ngunit mariin kong usisa sa kaniya. Saglit naman siyang napasuklay sa kaniyang buhok gamit ang sariling kamay at
