Chapter Fifteen: Marry
_______________________________________
IMINULAT ko ang mga mata ko nang biglang kumirot ang ulo ko. Unti-unti kong idinilat ang mga mata ko. Ewan ko, wala akong maalala sa nangyari. Ang huli kong natatandaan ay bigla akong nakaramdam ng hilo habang naghuhugas ng pinggan. Iginala ko ang aking paningin sa buong paligid.
Nasaan ba ako?
Nanlaki ang mga mata ko nang makita si Mama na nakaupo sa gilid ng kama ko. Nandito rin sa loob ng silid si Papa na nakaupo sa mahabang sofa. Bumaling ang tingin ko kay Mavien na nakayuko.
Ano ba'ng nangyari?
Hindi kaya.... No! Hindi pwede! Hindi nila pwedeng malaman ang totoo.
"Anak, mabuti naman at gising ka na," malambing na sabi ni Mama.
Nababakas ang sobrang pag-aalala sa mukha niya.
"A-ano po'ng nangyari?" agad na tanong k
