Hindi makalimutan ni Gabby ang mabilisang halik ni Lovely sa kaniya. Natulala talaga siya. Nakaramdam siya ng hiya at pagkailang sa dalaga ngunit si Lovely, parang wala lang sa kaniya ang kapilyahan niyang ginawa. Kaswal lang ang kaniyang pananalita at kilos na parang walang nangyari. Ngayon, hindi siya makapag- focus ng maayos sa kaniyang ginagawa dahil iniisip niya na baka halikan na naman siya ng dalaga.
"Ahh!" napasigaw sa gulat si Gabby nang akalain niyang hahalikan na naman siya ni Lovely.
Nagsalubong ang kilay ng dalagang nakatingin sa kaniya. "Hoy! Bakit ka ba sumisigaw diyan? Para kang baliw! Paki- file nga lahat ng ito! Alam mo naman siguro na dapat ang latest ang mauuna," aniya bago bumalik sa puwesto.
Bumuga ng hangin si Gabby sabay punas ng pawis sa kaniyang noo. Naisip niy
