Sa unang linggo ni Gabby bilang personal assistant ni Lovely, marami na siyang nagawa. Mabilis lang niyang nagamay ang trabaho niya. Wala ring kaso sa kaniya kung utusan siya ni Lovely kahit hindi iyon nakasaad sa job description. Katulad na lang ng paglabas- labas nilang dalawa dahil nagpapasama siya sa binata.
Natutuwa si Gabby dahil malaki ang maiipon niyang pera kung magtatagal siya sa kaniyang trabaho. Kaya naman pinagbubutihan niya talaga. Habang si Lovely naman, tuluyan na ngang tinamaan kay Gabby. Humahanga siya sa pagiging seryoso nito sa lahat. Lalong - lalo na sa trabaho.
"Hay naku, bahala ka diyan. Na- in love ka na ngang talaga. Sana nga lang talaga mali ang iniisip ko na may hidden agenda sa iyo si Gabby. Kapapanuod ko lang ng movie kagabi. Iyong lalaking mahirap inakit iy
