"Love, sa susunod na Linggo, pupunta sana ako ng probinsya para bisitahin si mama pati na ang tita ko. Gusto mo bang sumama? Para makilala ka na nila? Ayos lang naman sa akin kung hindi mo pa ako mapakilala kaagad. Ang mahalaga, makilala ka na ng side ko," nakangiting wika ni Gabby.
Kasalukuyan silang naglalakad sa ilalim ng bilog na buwan. Magkahawak ang kanilang kamay habang naglalakad at hindi alam kung saan paroroon. Basta naglalakad lang silang dalawa. May mga katulad din nilang magkasintahan ang naglalakad at talaga namang sweet tingnan.
Kinikilig na tumingin si Lovely sa kaniyang nobyo at saka tumango. "Oo sige sasama ako. Gusto ko rin makalanghap ng sariwang hangin sa probinsya. Iba kasi ang hangin doon dahil puro puno at kulang berde ang paligid. Hindi katulad dito na puro sasa
