Damdamin ng isang Ama
Malayo na si Cristina ay nakatingin pa rin si Manding. Nasisiyahang pinagmamasdan ang pakandirit na lakad ng dalagang sa kakaunting halaga'y tuwang-tuwang na. Tinawag nito ang kaibigang may-ari ng junk shop na kinaroroonan.
"Kaninong anak ang batang 'yan, Ramon?" Tanong nito sa katabi pero kay Cristina nakatingin. Nasa tapat ng karinderya ang dalaga at pumipili ng mabibili.
"A, si Cristina. Anak 'yan ni Marites sa una. Si Marites, 'yong nag-iisang anak ni Aling Mireng." Sagot ng kaibigang ikinagulat ni Manding.
"A-Anak ni Marites? K-kung gano'n, anak ko siya?!" Gulat na gulat nitong sabi sa sarili. Ang pananabik sa anak na tinalikuran ay agad naramdaman.
"Kaya pala magaan ang loob ko sa kanya, anak ko pala siya. Anak ko si Cristina!"
HINDI nabubura ang mat
