Alas singko palang ay nagising na ako gaya lagi kong ginagawa noong nasa bukid pa ako. Body clock ko na talaga ang gumising ng maaga dahil sa kailangang maaga umpisahan ang trabaho sa bukid. Dahan dahan akong bumaba patungo sa kusina dahil ayaw kong makalikha ng ingay.
“Pinagdaday-off ako ni Ma’am Kamila, ikaw na muna bahala rito.” rinig kong bulong ng isang babae na sa tingin ko ay ang nag- iisang stay in kasambahay.
“Paano yan? Hindi ba kabilin-bilinan ni Ma’am Agatha na huwag kang aalis rito. Yung mga tubig, nilagyan mo na ba ng ibinigay ni Ma’am Agatha?” rinig kong sabi ng isang lalaki. Agad akong nagtungo sa lugar kung saan mahinang nag-uusap ang dalawa. Pilit kong tinitingnan kung sino ang kausap ni Rona. laking gulat ko na ito pala ay ang ang gwardiya mismo ng bahay.
“Lando, nak
