Busy kaming lahat para sa preparations ng engagement party para bukas. Nandito ulit ako sa bahay ni Micko para makita kung maayos ba ang naging trabaho ng ilang tauhan ko.
Simula rin ng magkita kami sa sementeryo noong isang araw ay hindi na nasundan ulit iyon.
Hiniling ko pa nga na sana ay hindi na talaga magkrus ang landas namin dahil hindi ko pa talaga siya kayang makita.
Masakit ang ginawa n'ya sa akin. Bigla n'ya akong iniwan sa ere na wala man lang ni ha o ni ho!
Matagal na pala s'yang pabalik balik dito sa bansa pero ni hindi man lang siya nagpakita sa akin kahit isang beses lang.
Sana man lang ay sinabi n'ya ng harapan para mas madaling tanggapin ang lahat. Hindi iyong pinaasa n'ya lang ako sa wala.
"Wow! Ang ganda naman!" humahangang bulalas ni Monnette nang pumasok sila ni
