Nagkita kita na lahat para sabay sabay na umalis patungo kung saan dinala si Jessie ng grupo ni Augustus. Bago pa man sila umalis ay may may binigay si Apo Metring sa kanila. Ito ay ang gamot na iniinom ni Jessie para hindi lumabas ang halimuyak ng dalaga bilang Healer noong panahong hindi pa ito namamarkahan ni Lennox. Magagamit ito ng mga nabibilang sa Rescue Mission upang hindi sila maamoy ng kalaban at hindi mamalayan na sila ay parating. Ito ay isang napakalaking advantage para sa kanila.
Halatang naghihina na si Apo Metring dahil sa pagod at pinilit din nitong gawin ang paghahanap gamit ang orasyon na nakapagpahapo pa sa kanya lalo. Gusto sana sumama ni Apo Metring pero hindi na nito kaya gawa ng katandaan na rin kaya naiwan na lamang ito sa bahay. Hindi man tuluyang makatulog dahil
