Ilang araw ang mabilis na lumipas. Kahit ilang beses na sinubukan ni Ella na layuan si Jerod alinsunod sa pakiusap ni aunt Portia ay hindi niya magawa. Naging mapagmahal, malambing at maalalahanin ang binata bagay na lalong nagpalalim ng nararamdaman niya para rito. Sa mga araw at oras na magkasama sila ay damang-dama niya ang pagmamahal nito sa kanya. Sa umaga ay sinusundo siya nito papasok sa Summerville. Sa hapon naman ay matiyaga itong naghihintay hanggang matapos ang klase o duty niya sa library. Kapag araw naman ng Linggo ay maghapon silang mamamasyal pagkatapos nilang sumimba. Halos nalibot na niya ang buong Baguio City at mga karatig-lugar sa loob lamang ng ilang araw kasama ang binata. Ipinakita pa nito sa kanya ang iginuhit na larawan niya sa canvas. Hindi niya tuloy naiwasang i
