Hindi na nag-aksaya ng oras si Ella. Ilang sandali pa ay nasa loob na siya nang maluwang na bakuran ng mga Villamore matapos siyang papasukin ng isang kasambahay. Sinabi ng maid na nasa painting room si Jerod. Agad siyang pumunta rito.
Pagpasok niya sa silid ay naroon nga ang binata. Pasalampak na nakaupo ito sa sofa, magulo ang buhok, hindi maayos ang damit at sa harap ay may isang bote ng alak na wala nang laman. Dahan-dahan siyang lumapit rito hanggang mahagip ng kanyang mga paningin ang canvas na may larawan niya. Ngunit hindi na ito tulad ng dati, sira-sira na ito na parang sinadya ang pagsira. Lalong bumigat ang dibdib niya. Habang nagtatagal ay lalong tumitindi ang takot sa dibdib niya. Nakatungo pa rin ang binata, tila walang namamalayan sa paligid.
“Jerod, what’s wrong?”
