Dim light sa loob ng function hall sa dahilang hindi pa nagsisimula ang programa at kokonti pa ang dumarating na tao. At dahil sa medyo madilim pa, sinadya ng iba na hindi muna isuot ang kani-kanilang maskara kabilang na si Ella.
Nakita niya na nakaupo sa isang malaking round table ang kaniyang apat na kabarkada. Kasama rin ng mga ito sa mesa ang dalawa pang student assistants sa library na sina Ash at Nesly. Saka lang niya naalala na kasama nga pala nila sa department ang dalawa dahil parehong BS Physical Therapy ang kursong kinukuha ng mga ito. Hinila ni Dave ang isang upuan para sa kanya at hinintay na makaupo siya kahit hirap na hirap siya sa suson ng mga tela na nasa ilalim ng gown niya. Pagkuwa’y agad din itong umupo sa tabi niya. Napapalatak ang anim niyang kaibigan dahil sa diu
