The Promise Bracelet

CHAPTER 19

THIRD PERSON POV

Yakap-yakap ni Princess sa kanyang dibdib ang larawan ng kanyang namayapang asawang si Nelson Domilla habang tumutulo ang mga luha sa kanyang magkabilang pisngi.

Katatapos lamang ng libing ng asawa ni Princess at nakauwi na siya at ang kanyang anak na si Kiara sa kanilang bahay. Mabigat na mabigat ang loob ni Princess dahil sa pagkawala ng kanyang asawa.

Totoong pinagtaksilan ni Princess ang kanyang asawa noong nabubuhay pa ito ngunit wala siyang planong iwan o hiwalayan ito rahil alam niyang hindi magagawa ng kanyang kalaguyong si Marco ang iwan ang asawa nitong si Janine na isa sa kanyang mga kaibigan para sa kanya.

Matagal nang tinanggap ni Princess sa kanyang sarili na hanggang kabit lamang ang kanyang papel sa buhay ni Marco at hindi niya ito maaangkin kailanman. Alam din ni Princess na wala siyang magiging laban sa kayamanan ni Janine oras na malaman nitong siya ang kerida ng mister nito.

Walang balak si Princess na kalabanin si Janine dahil kung gagawin niya iyon ay para na rin niyang iniumpog ang kanyang ulo sa isang matigas na bato.

Makapangyarihan ang pamilya Bolivar sa kanilang lugar at maraming connections ang mga magulang ni Janine. Ang pamilya ng mga ito ay halos kapantay ng pamilya De Angeles, ang pamilya ng kaibigan ni Princess na si Danica, pagdating sa kapangyarihan sa kanilang lugar.

Kaya alam na alam ni Princess na isang salita lamang ni Janine oras na matuklasan nitong siya ang kinakalantari ng asawa nito ay makukulong siya at ang asawa nito. At hindi iyon gustong mangyari ni Princess.

Maliban sa hindi gustong makulong ni Princess dahil maiiwang mag-isa ang kanyang anak na si Kiara ay hindi niya rin gustong magdusa ang kanyang lalaking pinakamamahal sa likod ng mga rehas ng bilangguan. Labis na iniibig ni Princess si Marco.

Sa sobrang pagmamahal ni Princess para kay Marco ay nagawa niyang protektahan ito at ang lihim nito ng ilang taon. Ang gabing nakita ni Princess si Marco na isinasakay ang katawan ng kanyang dating kaibigang si Sharmaine sa loob ng isang van kasama ang isang taong nakasuot ng bonnet na tumatakip sa buong mukha nito maliban lamang sa mga mata.

Mahal ni Princess si Marco at gagawin niya ang lahat para rito.

Dahil sa hindi naman kayang hiwalayan ni Marco si Janine para kay Princess kaya hindi kailanman pumasok sa isipan ni Princess ang sirain ang kanyang sariling pamilya. Kasama na roon ang huwag silang mahuhuli ni Marco na magkasama ng sinumang nakakakilala sa kanila lalo na ang kanyang asawa.

Ngunit nangyari ang kinatatakutan ni Princess at bago pumanaw ang kanyang asawa ay nakita ni Nelson na magkasama silang dalawa ni Marco at hindi lamang isang beses kundi dalawang beses.

Kabadong-kabado si Princess nang mga sandaling iyon dahil maaaring sabihin ni Nelson sa misis ni Marco na si Janine ang mga natuklasan nito at alam niyang wala siyang magagawa kapag nagsampa ng kaso si Janine sa kanilang dalawa ni Marco. Kayang-kayang gumawa ng ebidensya ng kanilang affair ni Marco ang kanyang kaibigang si Janine kung gugustuhin nito at paniguradong sa bilangguan ang bagsak nilang dalawa ng kanyang kalaguyo.

Kaya naman nang umalis si Nelson sa kanilang bahay ay nataranta si Princess dahil baka magpunta ito kay Janine. Agad na tinawagan ni Princess ang kalaguyong si Marco para ibalita rito ang nangyari. Pinapunta ni Princess si Marco sa kanilang bahay ni Nelson para magplano kung paanong babaligtarin ang sitwasyon.

Naisipan ni Marco na palabasin ni Princess sa lahat ng mga kaibigan nitong may babae si Nelson at nang mahuli ito ni Princess ay binaligtad siya ni Nelson at sinabi nitong siya ang may lalaki. Hindi man sang-ayon si Princess sa planong iyon ni Marco ay ginawa na rin niya para hindi sila mapahamak ni Marco sa mga kamay ni Janine maliban pa sa katotohanang natataranta na rin siya nang mga oras na iyon.

Agad na nagpadala ng mensahe si Princess sa group chat nilang magkakaibigan kung saan nakasaad doon na natuklasan niyang may ibang babae si Nelson. Sinabi rin niya sa group chat na si Nelson pa ang nagalit nang malaman niya ang pagtataksil nito sa kanya at nakasaad din sa kanyang chat message na sinabi pa ni Nelson sa kanya na siya ang may lalaki kaya gumanti lamang daw ito sa kanya.

Matapos ipadala ni Princess ang chat message na iyon sa group chat nilang magkakaibigan ay agad na umalis si Marco mula sa kanilang bahay ni Nelson. Ilang minuto pagkatapos umalis ni Marco ay dumating si Gabbie para damayan si Princess.

Matapos umiyak ni Princess sa harapan ni Gabbie para mas maging kapani-paniwala ang kanyang pagpapanggap bilang isang babaeng pinagtaksilan ng kanyang mister ay nakisuyo siya ritong tingnan muna ang kanyang anak sa loob ng kwarto nito na ginawa naman agad ni Gabbie rahil alam nitong kailangang-kailangan ni Princess ng suporta nang mga oras na iyon.

Nang masigurong nasa loob na ng kwarto ng kanyang anak ang kaibigang si Gabbie ay agad na pumasok si Princess sa loob ng kwarto nilang mag-asawa para maghanap mula sa mga gamit ni Nelson ng maaaring maging ebidensya ng sinasabi niyang pambababae nito. Ngunit inabot na ng ilang minuto si Princess sa paghahanap ay wala man lang siyang makitang kahit anong bagay na maaaring pagmukhaing ebidensya ng kanyang kasinungalingang may babae si Nelson.

Nang matanggap ni Princess ang tawag ng kaibigang si Danica at sabihin nitong ang tinatahak na lugar ni Nelson ay papunta sa police station ay lalong nataranta si Princess at agad na tinawagan ang kalaguyong si Marco para sundan nila ang kanyang asawa.

Nang magpunta sa police station si Princess habang hinihintay siya ni Marco sa loob ng kotse nito ay natuklasan niyang hindi nagpunta si Nelson doon. Nakahinga ng maluwang si Princess ngunit inisip niya kung saan maaaring nagpunta ang kanyang mister na si Nelson.

Ganoon na lamang ang pananayo ng mga balahibo ni Princess nang ilang minuto matapos siyang manggaling sa police station ay nakatanggap siya ng tawag mula sa pulisya at sinabing natagpuang walang buhay ang kanyang asawa sa tabi ng isang bangin malapit sa kakahuyan sa kanilang bayan.

Hindi na mabilang ni Princess kung ilang beses siyang umiyak simula nang mabalitaan niya ang malungkot na sinapit ng kanyang asawa.

Maaaring hindi minahal ni Princess si Nelson katulad ng kanyang pagmamahal para kay Marco ngunit alam niya kung gaano ito naging isang mabuting ama kay Kiara at isang maalalahanin at mapagmahal na asawa sa kanya.

Kahit minsan ay naiinis si Princess kay Nelson sa tuwing gagambalain siya nito sa mga oras na kasama niya si Marco ay hindi naman niya ninais na mapasama si Nelson. Hindi niya hiniling na bawiin ito sa kanila ni Kiara.

Dahil sa nangyari kay Nelson ay gustong sisihin ni Princess ang kanyang sarili. Kung hindi natuklasan ni Nelson ang kanilang relasyon ni Marco ay hindi nito maiisipang maglasing. Kung hindi ito lasing ay hindi sana ito masasagasaan.

Ayon sa mga pulis ay walang ibang nakakita sa insidente at ayon rin sa mga ito ay walang CCTV malapit sa lugar ng insidente kaya mahihirapan ang mga itong ma-identify kung ano ang kotseng nakasagasa sa asawa ni Princess at kung sino ang nagmamay-ari niyon.

Parang gustong mainis ni Princess sa mga pulis. Malakas ang kanyang pakiramdam na hindi lamang isang simpleng hit-and-run ang nangyari sa kanyang asawa. Gusto ni Princess alamin kung ano ang totoong nangyari kay Nelson at bigyan ng hustisya ang pagkawala nito.

Kung iyon ang paraan para makabawi si Princess sa lahat ng kanyang naging mga kasalanan kay Nelson ay kanyang gagawin.

Naramdaman ni Princess ang pagdantay ng isang kamay sa kanyang kanang balikat. Animo'y nakikisimpatya ang taong iyon.

Nang lingunin ni Princess ang taong nasa kanyang likuran ay nakita niya ang kanyang kaibigang si Gabbie. Nang-aalo ang ngiting iginawad nito sa kanya.

Sumama si Gabbie sa kanilang dalawa ng kanyang anak pauwi sa kanilang bahay matapos ang libing ni Nelson para damayan siya. Hindi sana gustong pumayag ni Princess dahil gusto niya munang mapag-isa pero nagpumilit ito.

Gabbie: I-I know this isn't the right time for this, but I guess you need to know, Princess.

Napakunot ang noo ni Princess nang makitang may kinuha si Gabbie mula sa loob ng handbag nito at iniabot sa kanya ang isang papel.

Ang papel na iyon ang nakitang liham ni Gabbie sa loob ng kwarto ni Kiara. Ang love letter na isinulat ni Nelson para sa isang babae.

Gabbie: I saw that letter in Kiara's room.

Matapos buklatin ang nakatuping papel ay nanlaki ang mga mata ni Princess nang mabasa ang nilalaman ng sulat.

----------

Nagulat sina Danica at Dominic nang makita ang kuya ni Danica na si Nate na nasa tabi ng bangin kung saan nakita ang katawan ng namayapang si Nelson.

Kalmado lamang si Nate nang lingunin nito sina Danica at Dominic na pababa ng kotse ng lalaki.

Danica: Kuya, w-what are you doing here?

Kumunot ang noo ni Nate dahil sa pautal na pagsasalita ni Danica ngunit binalewala na lamang iyon.

Nagkibit-balikat si Nate at malalim na nagbuntung-hininga.

Nate: Gusto ko lang puntahan ang sinasabi nilang lugar kung saan nakita ang katawan ni Nelson. Hindi ba kayo nagtataka kung paanong nasagasaan siya sa lugar na ito?

Nagkatinginan sina Danica at Dominic.

Nate: Hindi naman madalas dinaraanan ng mga sasakyan ang lugar na ito unless pupunta sa kakahuyan.

Yumuko si Nate sa lupa bago itinuloy ang pagsasalita sa pabulong na paraan.

Nate: O kaya ay may intensyon talagang sagasaan si Nelson.

Muling nilingon ni Nate sina Danica at Dominic.

Nate: Kayong dalawa, bakit kayo narito?

Tahimik lamang sina Danica at Dominic habang nakatingin sa seryosong mukha ni Nate.

----------

Nagtataka si Margaret sa mga ikinikilos ng kanyang stepbrother na si James nitong mga nakalipas na araw. Hindi na madalas mainit ang ulo nito at hindi na rin niya ito nakikitang naglalasing sa loob ng cellar ng kanilang malaking bahay.

Hindi na rin nariringgan ni Margaret na pinagsasalitaan siya ng masama ni James tungkol sa pagkawala ni Sharmaine ilang taon na ang nakararaan na isinisisi nito sa kanilang magkakaibigan dahil sila raw ang huling kasama ni Sharmaine bago ito mawala.

At napansin ni Margaret na nagsimula ang mga pagbabagong ito kay James nang makilala nito ang babaeng kahawig ni Sharmaine na nagngangalang Bridget Marfori na nag-invest ng malaking halaga ng pera sa kanilang winery business.

Hindi man gustong i-entertain ni Margaret ang ideyang nakikita ng kanyang stepbrother ang dati nitong kasintahang si Sharmaine kay Bridget ay may pakiramdam siyang ganoon ang nangyayari.

Nasa ganoong pag-iisip si Margaret nang maramdaman niyang biglang may pumisil sa isang pisngi ng kanyang pang-upo. Muntik nang mapasigaw si Margaret sa gulat kung hindi lamang niya napigilan ang kanyang sarili.

Nagpupuyos ang loob na nilingon ni Margaret kung sino ang mapangahas na iyon at tama nga ang kanyang hinala. Ang walang modong hardinerong si Apollo ang nangahas na pisilin ang bilugang pisngi ng kanyang pang-upo.

Akmang sasampalin ni Margaret ang mukha ni Apollo nang mabilis nitong napigilan ang kanyang kanang bisig.

Apollo: Huwag kang magkakamaling saktan ako, Miss Margaret, kung ayaw mong sabihin ko sa kapatid mo ang ipinagawa mo sa akin noong nakaraan.

Biglang nanlaki ang mga mata ni Margaret dahil sa takot na malaman ni James ang kanyang ginawa.

Nagpipigil ng galit na hinayaan ni Margaret na pumalibot sa kanyang baywang ang matigas na kanang bisig ni Apollo at pagdikitin nito ang kanilang mga katawan.

Apollo: Hayaan mo lang akong gawin ang anumang gusto ko sa 'yo at siguradong walang makakaalam ng mga sikreto mo.

Nagsimulang maglandas ang mga butil ng luha sa magkabilang pisngi ni Margaret nang maramdaman ang mga labi ni Apollo na mabining humahalik sa kanyang panga.

----------

Isang ngiti ang iginawad ni Janine kay Katie bago niya ito pinagsarhan ng gate ng kanilang bahay.

Si Katie ay halos maghimutok sa galit nang tuluyan nang makalayo sa property ng kaibigang si Janine. Muli na naman itong b-in-lackmail ni Janine gamit ang nangyari noong gabing nawala si Sharmaine.

Nang maisara ni Janine ang gate ng bahay at maglakad ito patungo sa garden ay agad na nilapitan ni Marco ang asawa nito.

Si Janine ay hindi pinansin si Marco at nagpatuloy sa kanyang paglalakad patungo sa malawak na hardin ng kanilang property.

Marco: Narinig ko ang pinag-usapan ninyo ni Katie, Janine. Ano na naman ba ang pinaplano mo this time?

Umangat ang isang kilay ni Janine at sa mapang-uyam na tingin ay pinasadahan ng kanyang mga mata ang kabuuan ng kanyang asawa mula ulo hanggang paa.

Janine: You should be grateful, Mister Dela Acuesta. I'm doing this for us. For the nth time, I need to protect my family's name and reputation because of your reckless behavior.

Kumunot ang noo ni Marco rahil sa sinabi ng asawang si Janine.

Janine: I saw your car near the place where they found Nelson's lifeless body. Do you really think na hahayaan kong madamay ka sa investigation?

Napahilamos si Marco sa mukha nito gamit ang kanang kamay.

Marco: Walang CCTV sa lugar, hon. Ano ka ba naman? And, besides, wala naman akong kinalaman sa nangyari kay Nelson.

Hindi pinansin ni Janine ang sinabi ni Marco.

Janine: Sino ang kasama mo sa lugar na iyon nang gabing iyon?

Biglang natahimik si Marco at napalunok ng laway nito.

----------

Hawak ni Nicolai sa kanyang kamay ngayon ang burner phone ng kanyang best friend na si Princess. Ang burner phone na magpapatunay na may kalaguyo ang kaibigan at kung sino ang kalaguyo nito.

Agad na sinira ni Nicolai ang prepaid SIM card ng phone at inilagay iyon sa loob ng isang zip lock bag. Inilagay niya rin sa hiwalay na zip lock bag ang burner phone matapos itong sirain.

D-in-ispose ni Nicolai ang dalawang zip lock bags sa isang ilog. Ang ilog na may malaking parte sa ginawa nilang magkakaibigan na kasalanan sa rati nilang kaibigan na si Sharmaine noon.

Mahal na mahal ni Nicolai si Princess at hindi niya hahayaang mapahamak ito sa kahit anong paraan. Kaya naman sinira ni Nicolai ang nag-iisang ebidensyang maaaring magpatunay ng pagtataksil ni Princess kay Nelson.

----------

Napangiti si Bridget Marfori nang marinig ang sinabi ng kausap mula sa kabilang linya.

Nang matapos ang tawag ay bumulong si Bridget sa hangin.

Bridget: In no time ay aalamin ko ang kanilang rason kung bakit nila ginawa iyon kay Sharmaine.

----------

to be continued...