PEACHY
NAPALUNOK AKO NG LAWAY habang titig na titig kay Leonardo Toricelli na hindi rin maalis ang tingin sa akin. Nasa loob pa rin siya ng elevator at dahan-dahan na kumunot ang kaniyang noo dahil sa pagtataka. Napalingon naman ako sa direksyon ng presidential suite at nakita na mula doon ay lumabas si Raegan kasunod ang kasama nitong si August.
Pareho silang nakatingin sa akin kaya naman ay nilingon ko muli si Leonardo at ngumiti. “Sir Leonardo! You’re here!”
Sinadya kong lakasan ang boses ko upang ipaalam kay Raegan na kaharap ko si Leonardo. Nang bahagya ako tumingin sa kinaroroonan nila ay nakita ko naman ang mabilis nilang pag-alis at mukhang na-gets nila ang gusto kong ipahatid. Nakahinga naman ako nang maluwag at tumikhim.
“Luna? What are you doing here?” tanong ni Leonardo To
