Alas otso na ng gabi ng silipin ang orasan sa may dingding. Wala pa rin si Zayn. Nakailang init na s'ya sa ulam na niluto para sa kanilang dalawa ng asawa. First dinner pa naman nila bilang mag-asawa sa penthouse ngayon, kaya nagluto s'ya pero mukhang hindi s'ya sisiputin ng asawa.
Matapos nilang mag-away kanina sa library, umalis ang asawa, hindi n'ya alam kung saan ito nagpunta. Umabot na ng gabi wala pa rin ito. Naiwan na sila ni Zaiden sa penthouse, umalis na kasi si Manang Mylene, tapos na ang duty nito. Maaga naman n'yang napatulog si Zaiden, kaya nasa komedor s'ya at hinihintay ang pagdating ng asawa.
Alam naman n'yang s'ya ang may kasalanan. Kung sana hindi na s'ya nagsinungaling pa sa asawa, hindi sana masaya sila nito sa pag-uwi ng penthouse, kasama ang anak nila.
Humugot s'
