XII.
Nagdadasal ako habang nasa biyahe kami, mabilis na dumating si Billy na ngayon ay minamaneho itong kotse ni King. Iniwan niya muna ang motorbike niya sa tapat ng isang convenience store at babalikan niya na lang daw.
Si King ay nakahiga dito sa backseat, naka dantay ang ulo niya sa kandungan ko. Kanina ko pa siya pinagmamasdan, kahit hindi kami close at hindi ko pa rin maaatim na may mamatay na tao lalo na sa harap ko.
"What happened?" Tanong ko kay Billy na pinapalipad ang kotse, akala niya yata ay nagmamaneho pa rin siya ng motorbike. Hindi ko siya sisitahin ngayon dahil emergency talaga ito.
Hindi sya sumagot.
"Napaaway na naman kayo?"
Tinignan niya lang ako sa salamin at hindi sumagot, mukhang tama nga ako. Napaaway na naman sila. Akala ba nila ay ang cool na nila kapag napa
