ذنب طاهر

بعد احتلال جزء..من كركوك الحويجه بفترة ممحدوده وكفت بباب البيت واني انتظر امي والخوف متلبسني ورجليه يرجفن باوعت من زرف الباب انرعبت بزايد واني اشوف الدواعش يفترون بمنطقتنا ولابسين الزي الاسود ولحاياهم طوال ولازمين السلاح والسيوف وشكلهم مق*ف منزوعه منه الرحمه وكانت النساء،زي واحد عبارة عن سواد ومطالع بس،عيونهم الموقف والمنظر يرجع الشخص الآلاف السنيين رجعت اباوع علئ اديه ارجف بشكل موطبيعي، وبطني تلويني بعدها سمعت الباب انفتح ودخلت عليه مثل السواده صرخت مرعوبه ومحسيت غير بيد كتمت انفاسي بهاي اللحظه حسيت كبرت الف سنه وشيب راسي وكعت بيدين ماترحم راح اخسر كوولشي شرفي وكرامتي وروحي ضليت ارجف ورجليه ماعانني بعدها همستلي امي بحنيه الام/...لا تخافين ورود اني امج حطيت ايدي علئ كلبي واني ابجي واتنفس بضيق/..ليش خوفتيني عبالي داعش دخل عليه امي بعصبيه/...ولج شطلعج للحوش اني مااعول احميج وانتي طالعه برة تدرين لو يزموج تروحين بيها ورد/...انتي تاخرتي وخفت عليج الهذا السبب طلعت بعدين انتبهت علئ ملابس امها وكان زييها مشابه الزي نساء داعش...عبارة عن عبايه طوويله ونقاب كامل فقط العيون ضاهرة مما اثار تساؤل ورود ورود/...ماما ليش لابسه مثل زيهم؟؟ ام ورود/...وج غير اذا ماالبس هذا البس يجلدوني 50جلده ولج فارضين قوانين ومطبقيه والي ميطبقها حسابه عسير خطيه لازمين ابن ام ربيع يشرب جكاير ذابينه سجن وجالدينه مدري كم جلده ورود لطمت ص*رها/ّ..عزااا بعينهم المجرمين الكفار ام ورود/...ولج اسكتي لايسمعونج والله كل همي اهربج الخارج المحافظه وتطلعين باامان البغداد بس المختار طمني كال نهربها من مكان المكان ويه العوائل وتروحون البغداد... ورود بفرح/...صدوك وارتاح؟؟والله والله احس نفسي عجزت وكبرت مية سنه مرعووبه وخايفه ام ورود/...الله كريم...ويالله تعالي نسوي اكل للتنظيم لا يهجمون بيتنه.. ورود/..اهووو يأكلون سم ان شاء اللة انوب فوك ضيمهم نخدمهم والله حتئ حرام خدمتهم الام/...ولج لا تسبين والله كمت اشك حتئ بالحياطين اخاف تسمعنه ومجبورين نخدمهم مدام بعدنه مطالعين من المحافظه... بعدها كعدن بالمطبخ وهن يحظرن بالطبخه راحت امها نزعت حجابها ونقابها واجت كعدت يمها تساعدها..... ورود/...ماما ماكوو خبر عن بابا؟؟؟ والله بالي عنده صارله يومين مختفي بس لا صار عليه شئ..؟؟ الام بتنهيده/...اوووووف مخليت مكان مسئلت عليه وهو ماكوو!! ناس دكول انظم للتنظيم وناس دكول اختفئ ومنعرف عنه شئ... ورود بصدمه/...لا مستحيل ابويه مينظم للتنظيم اصلا يكرهم ويريد بس يطلعنه منا بعدها صار رمي كووولش قووي واشتباكات عنيفه وكفنه من الخووف وركضنه للغرفه اندفع الباب بقوة ودخلن نساء موشحات بالزي الاسود ولازمات سلاح ودخلن البيته ومبينات من غير جنسيه يحجن اللغه العربيه الفصحئ بطلاقه تامه وحده منهن/...اخت ام قتاده ماذا حصل؟؟ الثانيه/...لقد حوصرنا من جميع الاتجاهات الجيش العراقي قام بمداهمتنا هذا ما وصلني من قائد الكتيبه ابا طلحه.. وكملت...والان كل واحده منكن تقوم بمهمتها وهي مساعده افراد تنطيم دولتنا الاسلاميه... توجهت كل وحده منهن بمساعده افراد التنظيم ورود وامها يرجفن من الخووف وصوت الرمي مرعب ومفجع ام ورود من الخوف اغمئ عليها بسبب ارتفاع السكر والضغط وورد ضلت تبجي وتصرخ وهي تحاول تكعدها لكن بدون جدوئ..... ....................................................................... بجانب اخر من الاشتباكات العنيفه دامت اكثر من ساعتين تم القبض علئ ماتبقئ من عناصر داعش،بعد مقتل عده اشخاص من الطرفين وانسحاب اعداد من افراد داعش ومقتل ثلاث اشخاص من الجيش العراقي..... الضابط جلال بعصبيه/...القوو القبض علئ جميع افراد داعش وعلئ كل شخص مشتبه بتعاون مع داعش، يالله بسرعه..... افراد الجيش توجهوا بااسلحتهم علئ جميع الاماكن المشتبه بها وتم القبض على عدد محدود من الدواعش،ونساء داعش وحتئ اكوو من نساء داعش عندهم اطفال تم القبض علئ الكل... ورود..كنت اض*ب باامي واني ابجي بصوت عالي واحاول اكعدها لكن ماالها نفس فاقده وعيها حضنتها بعتب وضليت اصررخ محسيت اله بالباب انض*ب ض*به قوويه والجيش العراقي اقتحم بيتنه وعبالك البيت صار عبارة عن مركز شرطه وجهووا اسلحتهم علينه وتم القبض علئ الداعشيات المتواجدات ببيتنه اما الشئ الي صدمني هو القاء القبض عليه مع الداعشيات والمشتبه بهم ضليت ابجي واتوسل بالشرطي يتركني لكن مااستجاب الي واخذني وياهن ركبونه بالسيارات ورة واسلحه موجه علينه بعدها احتجزونه بمدرسه ضل الضابط يحقق ماحقق مع الدواعش من غير جنسيه فقط مع المشتبه بهم من العراقين تحقيق بمدئي كان الضابط جلال اشر عليه وبعدها سأل الناس/..تعرفونها؟؟؟ واحد من المنطقه/...نعم سيدي هي بنت واحد اختفئ قبل يومين والكل اكدوا انضمامه لتنظيم داعش وحتئ هي وامها قاموا بمساعده داعش وخدمتهم وهم العائله الوحيده من بين العوائل الماهربوا من التنظيم... ورود انصدمت من تصريحه الكاذب وانفتحت عيوني بصدمه وضاق تنفسي معقوله اني اعتقل بجرم الانظمام الداعش احس جسمي كووله يرجف والدمعه نشفت بعيني وكفت وتوجهت للضباط بعدني محاجيه شفته وجه اسلاحه عليه الضابط جلال بعصبيه وهو موجه السلاح علئ ورود/..ارجعي ارجعي لا اترس ص*رج رصاص ورود برجفه/..س سيدي حط اصبعه علئ شفايفه وبعدها/...اشششش ولا كلمه مااريد اسمع صوتج سكتت واني ارجف من الخوف والغربه والوحده والدموع ماوقفت من علئ خدودي جنت انظر للداعشيات وشوف عدم خوفهن من قبضه الجيش اله اني مكطعه روحي بالبجي وكل الجيش انتبه عليه وعلئ بكائي احس اكوو بيهم ان**ر خاطرة عليه والبعض مااهتم اما الضابط كانت نضراته مستفزة ومرعبه بنفس الوقت شفته صاح على شرطي وحجه وياه.... الضابط جلال/...حسين افرز اعدادهم وافصل النساء عن الرجال يالله بسرعه حتئ ناخذهم السجون بغداد حسين بطاعه/...تأمر سيدي بعدها تركه وراح شفته تقرب مني وكف علئ راسي عده ثواني واني رفعت راسي اله والتقت عيوني الامعه بالدموع بعيونه الحاده والغاضبه والتخوف رمقني بنظراته المستفزة الي حسيتها مثل البو** وض*بتني ببطني وبعدها راح ضليت اتنحب بصوت مسموع وابجي وبداخلي صوت يصرررخ وبعدها تساءلت نفسي شنو ذنبي؟؟ والله ذني طاهر صح خدمت داعش بس مجبورة اني ضعيفه لا حول ولاقوة ومااكدر ارفض تنظيم كامل وكل الضل بالمحافظه قام بخدمتهم بس،يمكن لان ابويه اعتقدوا انظم للتنظيم ثبتت عليه التهمه.... ......بعد مرور ساعتين اجت سيارة من بغداد للمنتسبات بالجيش دخلن علينه وصفنه صف واحد وضلن يفتشن بينه فتشتني وحده سمرة وطويله مبينه بنص الاربعينات خجلت من تفتيشها حتئ الملابس الداخليه فتشتها واني جنت اتلوئ بين اديه من الخجل وهي عبالها ضامه شئ بعدها عاطت بيه بعصبيه خلتني ارجف وبعدها اخذن شكو شئ خاص بالداعشيات وطلعن رغم الضابط اخذ الموبايلات من البدايه.....بعد ماطلعت المنتسبه حسيت بااختناق شديد من كتم العبرة داخل ص*ري ومن اشتياقي الامي ومنو اساله محد دايجاوبني ومحد مهتم النحيبي امي تركتها متخربطه وين راحت وليش مجابوها عندي ضليت ابجي بهدوء عليها حاسه بعدم الامان العدم وجود امي بعدها حسيت بجسمي كووله خدر واديه وحلكي خدرن صرخت برعب من الحاله الاني بيها حسيت اصابعي وكفت وايدي انلوت صررخت بوجع اجت المنتسبه تركض علئ صرختي وتقربت مني واني وكعت بين اديها وعيوني ارتفعت للفوك احس،بيها تض*ب بيه همست الها بضعف كلتلها اديه خدرن ضلت تفرك بيه وهي تعيد الدم اليه بعدها طلعت ولزمتني منتسبه ثانيه بعدها شفت انفتح الباب وشفت طوله الفارع حسيت طارت روحي واني بين حاله الإغماء شفته كعد عندي رفعني من بينهم ذب عليه مي اصابعي التوت من الخوف حسيت صارت بيه جلطه احسه يصيح عليهن ويرجع يباوع عليه حسيت بااديه لمست اديه وهو يدفيهن سحبت اديه بخوف واني ارجف وتنفسي ضاق قرب بطل المي من شفايفي شربت شويه وحس ارتاحيت بس،بعدني اشهق من البجي همست اله واني اشهك وين امي...مجاوب وضل يتاملني سالني شلوني مجاوبت حالتي يرثا اليها ....وتجاهلت سؤاله ...بعدها همست اله بضعف...والله اني مو داعشيه ...شفته تنفس بضيق وضل يبحر بوجهي بجيت ورجفن شفايفي، وحلفت مرة ثانيه وطلبت المساعده منه شفته مااهتز...بعدها كتله اني بشاربك سيدي لا تتركني...شفته تن*د بحيرة وطلع بعد مرور عشر دقايق تقريبا اجت نفس المنتسبه الفتشتني تقربت مني واخذتني وياها كالت الضابط يريدج ضليت ارجف وابجي كلت راح يشنقني او يعدمني،احتمال ثبتت عليه التهمه واني مالي ذنب قريت الشهاده بداخلي واني انتحب اتمنيت ما اوصل الغرفه الضابظ ولا اشوفه جنه محتجزين بمدرسه والضابط جان كاعد بغرفه المدير دخلنه عليه واني اطرافي جمدت من الخوف شفته كاعد علئ الكرسي المتحرك ويفتر هيج وهيج بهدوء رفع نضرة الي وضل مركز بنظراته عليه اما اني نزلت عيوني بخوف وخجل وارتباك واباوع علئ،اديه ارجف عبالك كاعده بالقطب المتجمد الشمالي بعدها سألني الضابط جلال/...شنوو اسمج؟؟ ورود بخوف ولبكه/..وو......... ورود شفته مسح علئ شواربه ونضراته تخوفني وثابته عليه وبعدها كال/....امممم ورود..شنو قصتج انتي احجي شلون انضميتي للتنظيم ؟؟ بجيت من تصديقه للتهمه الي تصدقت عليه وبعدها بجيت بتوسل عسئ،ولعل ين**ر خاطرة عليه ولو هو مبين من ذول الماعدهم مشاعر وميتأثرون بسرعه كتله ببكاء حاد/...والله سيدي ممنظمه للتنظيم ولا انظم الهم وعائلتي كلها تكرهم بس،مكدرنه نطلع خارج المحافظه وهمه جبرونه نقدم الهم الاكل ونخدمهم والله والله حتئ المختار راد يهزمني البغداد وكال تطلعين ويه باقي العوائل... الضابط/...المختار اعترف علئ ابوج بالانظمام للتنظيم وانتم بالمسانده ورود بصدمه/...عزااا بعينه...والله سيدي صدكني اني ممنظمه للتنظيم وابويه اختفئ منعرف عنه شئ الله يخليك ساعدني الله يوفقك سويها لله الضابط/...تدرين اذا وصلتي السجن ابو غريب مراح تطلعين منه وانتي مالج سند او محامي وبعدها التحقيقات دا تتخذ مجراها احتمال تثبت التهمه عليج اكثر... خوفني بزايده ضلت معدتي تكلب من الخوف/...سيدي الله يخليك ساعدني والله اني جبانه وخوافه لا تخليهم يدخلوني السجن والله بريئه والله الله يخليك. سكت وضل مثبت نضراته عليه وبعدها نطق وبكل كلمه يحجيها احس روحي بين التطلع والتدخل احس كلبي،وكف وجان كلامه جاد وعصبي..... الضابط جلال/...شوفي اني حساعدج لكن قسما بذات الله اذا طلعتي تلعبين عليه متلومين اله نفسج واذا حاولتي تنهزمين اذ*حج باايدي وهسه راح اهربج البغداد ويه المنتسبات مفهووم ورود بفرح وببكاء/...اي والله اصلا ماالي مكان غيركم وين انهزم اني اريد احتمي بضلكم... ضل ينظر الي واني اتكلم وبعد ماخلصت مجاوبني وبعدها طلب من المنتسبه الجابتني ان تجيب الي ملابس عسكريه ويعتبروني منتسبه واطلع ويه المنتسبات جان كوولش ثاق بهاي المنتسبه اسمها ام علاء ويعتبرها ايده اليمين وهي صدوك طلعت تجيب الملابس وضلينه بس اني وياه حسيت بنظراته تخترقني ومثبته عليه اما اني مارفعت نظري اله والحد الان ارجف من الخوف ومن وخلوتي وياه بالغرفه بعدها انطتني المنتسبه الملابس، وكلتلي البسيهن ضليت محتارة شلون ابدل كدامه واخاف احجي،بعدها هو حجه الضابط/...شبييج صافنه؟؟ ورود بخوف/...لا سيدي بس ...اني ..شلون ابدل كدامك يعني ...مااكدر ...اءءءءء شفته كام من مكانه وعدل قميصه وبعدها كال العفو وحط مسدسه بخصره وطلع برة اتبعته بنظراتي وبدلت ملابسي والبست الزي العسكري وجان كولش،عريض عليه وكبار لفيت البنطرون وطلعنه اني والمنتسبه شفته واكف ويه الشرطه طلعت واني اعدل بكم القميص وابجي شفته تقرب مني وهمس من بين اسنانه/..لا تبجين وين اكوو منتسبه تبجي؟؟ ورود بنحيب/...سيدي ماكوو خبر عن امي والله حموت عليها خاف صار بيها شئ؟؟ عفيه سيدي اسئل عليها... جلال بعصبيه/...لج انتي ليش،تخليني هسه اجرم بيج اني محتار بمصيبتج وامج احتمال نقلوها ويه المصابين مااعرف عنها شئ ورود باان**ار/..شكرا سيدي جلال/...ام علاء هذي البنيه أمانتج لحد ماارجع مفهوم تخليه بالشقه التابعه الي ومتخلينها الوحدها لحد ماارجع من دوامي اوك؟؟ ام علاء بااحترام/...تأمر سيدي اكيد امانتي بعدها الضابط طلب من ام علاء تصيح شرطي اسمه حسين واجه الشرطي الضابط ضل يحجي وياه واوهم الشرطي بان احنه منتسبات بالجيش ونريد نرجع البغداد وهو حسين حيوصلنه وهو ائتمر الامر الضابط.... جلال/...حسين اريدهن يوصلن سالمات دير بالك من الطريق ترة الطريق وعر وغير مؤمن واخذ وياك دوريه تحمي ضهرك مفهوم... حسين بطاعه/..مفهوم سيدي بعدها راح حسين يأمر الجنود والمنتسبه واكفه يمنه اما الضابط وكف مقابيلي جان فارق الطول بينه مبين والبنيه الجسميه واضحه جنت قصيرة وناعمه وهو طويل وخشن....بعدها كال ارفعي وجههج جلال/...ارفعي وجهج ورود نزلت راسي اكثر وجاوبته/ّ..ليش جلال/...اعرف الجذاب من عيونه ورود رفعت عيوني بعصبيه/...شنوو قصدك؟؟ جلال بثقه/...اعرف الجذاب من عيونه لذالك والله اذا حاولتي تنهزمين او تلعبين بذ*لج ماتلومين اله نفسج اطلعج من جوة الكاع وارجع ادفنج فاهمه ورود بغصه/...مو جذابه وكتلك ماانهزم من قبضتك اني اريد احتمي بسدك صفن بوجهي واربكني بنظراته و**ر نظراتي نزلت راسي مرتبكه....بعدها صاح علئ حسين وركبنه بالسيارة العسكريه ضليت اباوع عليه صاحب هيبه وجبروت كولش قوي اول مرجع باوع عليه شتت نظري ودرت وجهي منه....تقرب من سيارتنه ونزل نفسه علئ،جام السيارة وجه قريب من وجهي ضل يحجي ويه حسين جلال وهو عينه علئ ورود وحسين/...حسين دير بالك المنتسبات بحمايتك صير سبع ولا يغدروك وتغير طريقك امشي،على الطريق الوصفته الك حسين وهو يشغل السيارة/..تأمر سيدي اكيد بحمايتي،وان شاء اللة يوصلن سالمات وهنه عرضي اكيد اقدم روحي فداهن جلال/..عفيه عليك بطل بعدها ركز بنظراته علئ جانب وجه ورود وهي دايرة وجه عنه ومترقبته همس اله بصوت خافت/..لاتنهزمين وتخليني اندم... غمضت عيوني واني اكتم غضبي اتمنيت اخذ الرشاشه من حسين واخرطه خرط شكد غثيث،وشكد هددني ماعنده ثقه بأي شخص ورود/..لا سيدي لاتخاف محيصير شئ من البالك سكت محاجاني...وبعدها انطلقت سيارتنه حسين جان يسوق وام علاء كاعده بصفه واني كاعده قريبه من الشباك وجنود ورة بالسيارة وسيارة محمله بالجنود ورانه يحمون ضهرنه ومستعدين لاي هجوم كان الطريق وعر وحيل مرعب وعبالك دا نمشي بالصحراء ومضلم وبس الكلاب تنبح وكنت ارجف من الخوف وبالي عند امي لكن طمنت نفسي اني اخذوها ويه المصابين هسه تتعالج وتصير زينه وجانب بداخل روحي يكولي امي مو بخير الطريق صار كوولش طويل ومرعب وبس سيارتنه بالشارع وكانت سريعه حيييل احساس بالخوف والرعب والألم والوحده اتمنيت اوصل البغداد بلمح البصر واشوف الامان لان الطريق غير مؤمن بعدها ردت اعرف شنو مصيري اذا رحت البغداد وين اضل اذا ثبتت برائتي اخلي الضابط يسفرني للخارج اروح عند اخويه بأمريكا وتجي امي هم تروح ويايه ياارب سهلها عليه ولاتتركني وحيده بعدها حسين طلب من ام علاء تفتح العلاكه بيها اكل هي طلعت عصاير وبسكت انطته وهو يسوق كعد ياكل واخذت هي هم اكلت وانطتني مقبلت اخذ لكن هي اصرت اخذتها منها ضليت اكل واحس الاكل مر مااعرف من البجي او من القهر وصارت مرارة بجوفي بعدها حسين ضل يسولف ويضحك جان كلامه كوولش حلوو يدل بالاطمئنان وهو متقصد ينسينه الجو وميخلينه ننتبه للطريق كولش،احترمته انسان قليل امثاله هو شاب يجي عمرة ب28سنه وشكله حلوو والاحلئ اخلاقه وتربيته واسلوبه.... """"""""""""""""""""""""""""""""""""""""""" بعد ماانتهئ الضابط من مهمه ورود اجه دعم من بغداد وسيارات عسكريه جديده يتم بيها نقل الدواعش من محافظه كركوك الئ،محافظه بغداد لذالك تم نقل جميع المعتقلين البغداد الرجال اخذوهم البغداد وتم حبسهم بسجن ابو غريب اما النساء الداعشيات اخذوهم السجن قريب علئ وزارة الداخليه اسمه سجن «سايد فور» الذالك تم تسلمين الداعشيات للدوله من غير الجنسيه العراقيه مع الكثير من الاطفال بصحبتهن والكثير من الداعشيات الروسيات....بعد ماانتهوا من تسليم المعتقلين جلال طلب استراحه ووصلوا بسيارة الشرطه البيته..... *********************************** بعد ماوصلن الشقه الضابط... حسين راح جا**هن عشاء من المطعم وورود دخلت سبحت قفلت الباب 3 مرات من خوفها وضلت تسبح وتبجي احساس بالغربه وعدم الامان وحاجتها الاهلها معذبتها طلعت من الحمام وهي ترجف من البرد المنتسبه قدمت الها الاكل لكن ورود رفضت الاكل وابتعدت عن المنتسبه ضلت كاعده تفكر وروحها هايمه عند امها وبعدها غفت من التعب ونامت علئ القنفه....اجت المنتسبه غطتها وبعدها اتصل بيها الضابط جلال وطمنته بوصولهن للشقه سئلها عن ورود وجاوبته حاليا هي نايمه وقفلت الخط.... ************************************وصل البيتهم بااحد ارقئ المناطق ببغداد كان البيت كبير حيل وبدايته حديقه وكراج وبعدها صاله كبيرة مزينه بااروع الستائر والتحفيات دخل بتعب وساقنه رجليه الغرفته دخل للغرفه وشافها كاعده علئ القنفه وهي متربعه وتأكل فوشار ومندمجه ويه الفلم الاجنبي ابتسم عليها....كانت لابسه برموده بنفسجي وبدي بنفسجي بالوسط فراشه كبيرة من الخرز وشعرها مصبوغ اشقر ورافعته كوله ونازله بعض الخصل العنيده ووجها صافي من حست بي باوعت عليه بفرحه وصدمه ركضت عليه وهي تحضنه وتبوسه.... جلال وهو يحضنها/...ههههه حبيبتي عبير وهي تتخصر بدلع/...لويش مكتلي حتجي؟؟ ابتسم عليها وبعدها سحبها بقوة وهو يقبل شفايفها ابتعد عنها شويه وهمس الها/... سويتها مفاجئه عبير رجعت باسته وهي لافه اديه حول رقبته/.ّ.والنبي احلئ مفاجئه.. جلال وهو يبوسها بوسات هادئه/...حضري الي الحمام كوولش تعبان دا اريد اريح جسمي. عبير/...تدلل ياعمري ثواني ويكون جاهز...تريد بدوش لو بالبانيوو؟؟ جلال/...خليها بالبانيوو احسن....امي وين؟؟ عبير/...باجي نايمه خطيه قبل شويه سئلت عليك وخابرتك موو؟؟ جلال/...اي خابرتني وطمنتها بس مكتلها حااجي، يالله الصبح اروح الها خطيه خليها نايمه عبير ببتسامه/...امممم راحت عبير حضرت الحمام ورتبته وجلال دخل سبح بالبانيوو ....كان مسترخي بالبانيوو وهو يفكر بورود ومشكلتها قرر باجر يروح يبحث بسجلات السجون او يكلف صديقه بالسجون يبحث بسجلاتهم تذكر بكائها ومن تخربطت وسحبت اديها منه بعدها طرده خيالها من باله،وطلع من الحمام لبس روب الحمام شاف زوجته الحسناء عبير بااحلئ طله...كانت لابسه ثوب نوم ابيض ومطرز بذهبي النص الفخذ وفاتحه شعرها وحاطه مكياج وطالعه لاتقاوم ابتسم الها وتقرب منها وهو يحضنها من خصرها ويقربها الص*ره قبلته على شفايفه برومانسيه وهدوء وهو يبادلها بعدها شالها ونزلها علئ السرير وهو يفتح ازرار قميصها ويتقرب اكثر...وووووو.... ************************************ كانت تحت تأثير حلمها الراعبها ضلت تتحرك باانزعاج وخوف ووجها عركان انتبهت عليها المنتسبه وحاولت تصحيها اما هي صرخت مرعوبه وكأنها تطرد او تبعد شئ عنها ...فزت مرعوبه وتنفسها ضاق حطت ايدها على ص*رها اجت المنتسبه انطتها مي وحاولت تهديها اما هي بالها عند حلمها...ماحلمت باامها او اهلها ولا حلمت بحياتها حلمت بالضابط وعتدائه عليها مما رعبها وجننها المنتسبه /..شبيج ؟؟بيج شئ ؟؟يوجعج شئ حتئ اخابر الضابط... ورود بخوف وبكاء/...لا لا لااا لاتخابرينه مابيه شئ،بس جان كابوس مزعج أن شاء اللة ماكوو شئ المنتسبه/...براحتج رجعت نفسها علئ القنفه وهي تحظن نفسها بخوف مسحت شفايفها وحطت ايدها تلقائي علي رقبتها بعد مااستعادت مقتطفات من حلمها حست بعدم الامان وقررت الخروج من شقه الضابط لكن حاجتها الامها مانعتها تريد امها تريد اهلها حاسه بخوف وغربه ورود بدموع ورهبه وهي تكلم نفسها/...ليش هيج تحلمت معقوله يصير مثل الصار بالحلم لا لا مستحيل يمكن لان اني اوهوس واخاف انطبع بدماغي هيج وتحلمت بي مستحيل الضابط يضرني او يتحرش بيه ويهتك شرفي...زين ليش ساعدني؟؟ معقوله **رت خاطرة؟؟ لو السبب ثاني؟؟ ضلت تفكر وتأكل بروحها ولا يخلو تفكيرها من امها واهلها ضمت الشرشف علئ ص*رها وبكت بصوت مكتوم موجوع غريبه الئ حد اليأس حاسه بضلمه الحياه وغربه الاهل وعدم الاطمئنان كم هو مؤلم ...ان يداخلك شعور بالشك في كل من حولك حتى نفسك. رجعت نامت وهي مرعوبه وكل شويه تفز وتتلفت من حولها وترجع تبكي وتنام.... ************************************ كانت جالسه علئ طاوله الطعام وانواع االاكل امامها كاعده هي وعمتها ام زوجها ام جميل/...عبير البارحه جلال اجه موو؟؟ عبير ببتسامه/...اي باجي اجه بس شلون عرفتي؟؟ لادكولين كلب والده ترة صارت قديمه ام جميل/....هههههه لا مو كلب والده بس هي رقبتج عليها اثارة اكيد جلال جاي عبير حطت ايدها على رقبتها بخجل/...هههه اي اجه ونبي اجه يجيج بس كوتله باجيتي نايمه فمحب يزعجج شافته نزل من الدرج كان لابس قميص سمائي بارز بياض بشرته وبنطرون اوف وايت وريحه عطرة سابقته ابتسمن عليه اجه باس ايد امه بحنان وكعد علئ الكرسي المخصص اله جلال بهدوء/...صباح الخير امه/...صباح النور حبيبي ابتسم الامه وبعدها همس الزوجته بحب/..صباح الخير حبيبي عبير بحب/...صباح العسل حياتوو كعدوا تريكوا ويسولفون بمواضيع عاديه خلص جلال وبعدها راح غسل واستئذن وطلع راح السجن «سايد فور» دا يبحث بقضيه ورود وشنو الترتب عليها ركب بسيارته الفخمه وطلع للسجن مسافه الطريق وصل دخل علئ الضابط التحقيقي وضباط الشؤؤن جلال/...السلام عليكم ضابط الشؤؤن/...وعليكم السلام اهلا جلال شلونك جلال كعد علئ الكرسي/...الحمدلله..شسويتوا بقضيه المتهمات بتنظيم داعش؟؟ ضابط الشؤؤن/...اكثر المنظمات الداعش من غير الجنسيه العراقيه كوله روسيه وافغان وسوريات العدد الاكبر من غير الجنسيه العراقيه يتأخر الحكم بيهم بس عدنه بس اربعه من الجنسيه العراقيه وحده منهم انهزمت مموجودة ويه المعتقلات جلال بصدمه/...شلون انهزمت اخاف ممعتقليها ؟؟ ضابط الشؤؤن/..لا تم اعتقالها واسمها مقيد بالسجلات وتحرينا عنها وعن عائلتها اكثر طلع ابوها منظم للتنظيم وعائلتها مسانده داعش وعندها اخوو بالخارج احتمال كبير يمول للتنظيم من الخارج جلال اخذ السجل من ضابط الشؤؤن وضل يدقق بي شاف اسم ورود مقيد بسجلات المتهمين واعترافات العوائل مبصومه عليها وعلئ عائلتها... جلال كلم نفسه بغضب/...لازم اسلمها للقضاء العراقي وجودها خطر بحياتي التهمه متلبستها ومتلبسه عائلتها...بس بكائها وخوفها ميدل علئ ان هي مجرمه نظراتها بريئه وتصرفاتها عفويه...معقوله تمثل...اي المثل يكون اتمسكن لحد ماتتمكن...روح اسوي خطه واكلهم القيت القبض عليها واهددها متحجي الصار واسلمها للقضاء العراقي... .... انطرق الباب عده طرقات من سمعت صوت الباب فزت مرعوبه وتمسكت برداء المنتسبه بخووف ورود بخوف/...ام علاء لا تفتحين الباب اخاف واحد غريب تأكدي يالله.. ام علاء /..ّلا تخافين هسه اتأكد. راحت ام علاء وتقربت من الباب وبهدوء/..منوو؟؟ جلال بجمود/...اني ام علاء افتحي الباب دارت وجهها على ورود الي انخ*ف لونها من صوت جلال...طمنتها ام علاء ان هذا جلال وطلبت منها تلبس حجابها وتجي...بعدها فتحت اله الباب دخل وسلم على ام علاء بعدها دورها بعيونه كعد على القنفه ومسح وجه بتوتر... جلال:وين ورود؟؟ ام علاء:هسه اصيح عليها جلال:اوك راحت ام علاء دخلت على ورود شافتها كاعده علئ السرير وتفرك بااديها بخوف وتوتر ام علاء/...ورود الضابط يريدج ورود بخوف وتوتر/...لا عفيه شيريد ام علاء/..لا تخافين تعالي وشوفي شيريد ورود بتوتر وهي تفرك بااديها/..كليله نايمه ام علاء بعصبيه/...ورود امشي كدامي راحت وهي تتحلطم وخايفه مووت عدلت حجابها عده مرات اول مشافته دق قلبها بقوة وعضت شفايفها بخووووف ورود برجفه/..ااا ال السلام عليكم رفع وجهه الها وهي يمسح وجه/..وعليكم السلام. اكعدي عندي حجي وياج ورود بلعثمه/..شش شنوو؟؟ جلال بجمود/...راح اسلمج للقضاء العراقي وهو يقتص منج فزت مرعوبه من كلامه وببكاء حاد/...لااا ليش انت مو ساعدتني والله اني بريئه جلال/...اسمج مقيد بسجلات المتهمين واني مااكدر اساعدج ولا اكدر اخاطر بوضيفتي وبعدين جرم اساعدج وانتي مسانده تنظيم ارهابي ضدنه... هزت راسها وهي تبجي/..لا لا مساندت ابوس ايدك لاتتركني ساعدني...تقربت منه وهي تمسك ايده وتقبلها لكن هو سحبها بسرعه ومنعها من تقبيلها جلال/..الاهالي اعترفوا عليكم بالمسانده وابوج بالانظام للتنظيم شلون بريئه ومالج ذنب؟؟ ورود بنحيب ورجفه/...سيدي والله مو ويه داعش بس انت صير بدل عني اذا الجيش العراقي نفسه انسحب بمعداته وقواته ودروعه فااني شسوي ؟؟ الي لا عندي سلاح ولا درع ولا ولا ولا ولا فشتسوي انت؟؟ ماكوو اقسئ من العشناه عوائلنه ذ*حوهم واصدقائنه عدموهم وداعش مجاي علئ طائفه معينه جاي على العراق كووله لذالك احنه خدمناهم مجبورين وذنبي طاهر والله... جلال بتنهيده/...مو سبب مقنع ورود/..سيدي الله يخليك اصير الك خدامه شتريد اصير بس،ساعدني اني خوافه اخاف من السجون والسجينات الله يخليج ابووس ايدك ارتبك من دموعها وتوسلاتها تن*د وهو يمسح وجه/..خليني افكر بس مااكدر اخليج يمي اكثر من هيج اني مو محرم الج ورود بتوسل/...زين سفرني الامريكا...هناك اخويه روح عنده جلال/...هههه حتئ يلقون القبض عليج بالمطار ورود بخوف/...شنوو حتئ بالمطار مطلوبه..؟؟ جلال/..اكييد قام وقف وهو يعدل ملابسه وهي تنظر اله بتوتر وخوف بعدها كلمها بجمود/...اني رايح اشوف شنو اتصرف؟ ورود برجاء/..سيدي اني بشاربك لا تغدرني. جلال بهدوء/ّ..الله كريم عافها وطلع راحت للغرفه وهي تبجي مرعوبه من كلامه وياها خافت يسلمها عاشت ايامها برعب وخوف وترقب لكن الئ اين.... ************************************ دخلت شايله صينيه العصير وهي تبتسم كانت لابسه بدي طوويل سمائي وبرموده سوده ولابسه طوك كرستال ابيض وشعرها اشقر ومكياج خفيف قدمت العصير امامهم وهي تسلم عليهم عبير وهو تسلم علئ بنت حماها/...هلاوو حبي دنوو شلووونج؟؟؟ ديانا/...هلاوو مرت عموو حبيبتي شلوونج؟؟ عبير/..يسلموو حب منيحه ...شلونك مراد مراد/ّ..هلاوو مرت عمووو شلونج عبير/..هلاوو مراد شلوونك مراد/...تمام الحمدلله عمووو جلال وين؟؟ عبير/..عنده شغل هسه يجي...شافت الباب انفتح ابتسمت...اهااا ابن الحلال بذكرة..اجه عمكم جلال ركضت عليه ديانا وهي تحظنه وتبوسه/..شلوونك عمووو مشتاقتلك.. جلال/...هههههه تشتاقلج العافيه انتي شلونج..؟؟ ديانا/..بشوفتك صرت بخير لزمها من ايدها ورفعها وهو يفرها جانت لابسه بنطرون ثلجي وبدي احمر ضيق وفاتحه شعرها مسويته كيرلي وحذاء افلات وطالعه ف*نه تجنن. جلال بحنيه/...لج عموو ديانا انتي ليش متصير الج جارة شوكت تتحجبين وتحتشمين والله هم الاتراك ميلبسون لبسج وهذا اخوج المطفي عنده عاادي. ديانا بدلع/...عمووو تعرفني مااحب الحجاب مراد/...ههههههههههه اني مطفي عموو ليش مدكول بنت اخوك عرمه ومتاخذ الحجي وبعدين حريه شخصيه مبيه شئ هي معاجبها تتحجب جلال حضنه وهو يسلم عليه/...حريتكم زايده عن اللزوم....بعدين انتبه علئ،عبير بدون حجاب وبرموده لذالك اشر عليها....وانتي مدام عبير روحي بدلي وين بباريس احنه عبير/...هههههه اوووي منك حوقنه بعدين شبي لبسي حلوو ولاتغار من مراد تره مثل اخويه. جلال ببتسامه/...مغيران روحي بدلي راحت صعدت فوك تبدل وهو كعد ويه ولد اخوو اجوو خطار وامهم كاعده عند بيبيتهم ام جميل ضلوا يسولفون ويضحكون بعد عده دقائق اجت عبير لابسه ثوب قصير مخصر وربع ردان مراد شافها/...ههههههههههاي مو دا اكولك متصير الهن جارة شووف شلبست. جلال دار وجه عليها/...خررب يومج لو ضاله علئ ذاك احسن كعدت رجل علئ رجل وبدلع/...ونبي بعد ماابدل شنوو الدا البسه متقبل ...وبدلع زاااعلتك. جلال/...ههههههه مراد/...لا عفيه لا تزاعلينه خطيه...لج بابا هذا ضابط اكيد هسه جوة ايده اثنين تلاثه البنات تحووم عليه مثل الحمام ولاتنسين هوو حلوو وكاريزما عبير بزعل/...صدووك جلال؟؟ جلال ببتسامه/..ّلا يحبي هذا غيران مالج شغل بي معقوله اعووف الجمال واركض ورة غيرج رفعت حاجبها لمراد/...سمعت مراد/...ههههههههههه اوكليها لعد ديانا/...عموو شنوو شوكت ناوي يصير عندك طفل ترة طولتوا صار هوايه من اتزوجت تقريبا 6 سنوات جلال بحمود/...شوكت ميجي اهلا وسهلا. مراد/...ليش متسوون طفل انابيب جلال بغضب/...مستحييل وبعدين مو اني السبب اني مابيه شئ وحتئ لو نويت اسوي طفل انابيب ميصير لان مو مني السبب عبير بقهر/...الكل عرف مني السبب والكل عرف عندي عقم وطفوليه بس علئ الاقل احترمني احترم وجودي ياجلال حرام عليك تروج سبب حملي قامت وهي تمسح دموعها وركضت الغرفتها اما هم انقهروا عليها وجلال راد يروح الها بس مكدر بسبب وجود ولد اخوو المرحوم... ديانا بحزن/...عموو اني اسفه مكان قصدي ازعجكم واقهر عبير بس مااعرف شلون طلع ويايه هيج سؤال جلال/...يالله مصار شئ... تعريف بالعائله...« جلال...الابن الثاني للعائله عمرة 34سنه مزوج من ست سنوات وماعنده اطفال والسبب من زوجته راجعت دكتورة وحتئ بالخارج مصار عدهم طفل..هو ضابط بالجيش مواصفاته شكله حلووو وطويل وعنده عضلات جسمه رياضي وطبعا حنين ويه عائلته لكن ويه غير العائله طبعه يختلف كل همه يصير عنده طفل...ويحب عبير موت عبير...زوجه جلال وتصير اقاربه من بعيد حلوة وجسمها حلوو ومخلصه كليه لغات وكانت مدرسه لغه انكليزيه وبعدين تركت ممحتاجه للراتب ومتحب كعده الصبح من عائله تتميز بثرائها الفاحش ومدلله حيل تزوجت جلال عن حب والله مارزقها بااطفال راجعت كثير واكثر من دوله لكن الله مقاسم دائما تريد تتبنئ طفل وجلال ميقبل...وهي عمرها 27سنه ديانا...بنت اخووو جلال...هي تجنن جميله بشكل مو طبيعي ودلوووعه حييل وناعمه وضعيفه بيييضه وشعرها صابغته صاجي وعيونها كبار وملونه ودائما تلبس عدسات رمادي ومتبرجه الئ ابعد حد وممحجبه ولبسها غير محتشم تدرس سنه ثانيه جامعه بغداد قسم لغات...وعمرها 20سنه مراد...اخوو ديانا هذا كوولش حلوو طويل وضعيف وناازك مثقف الئ درجه مخلص كليه ويدرس ماستر وعنده معرض للسيارات ومن الطبقات الراقيه يعتبر يحب الحريه وعنده كول شئ عادي ومقبول وديمقراطي الئ درجه عمره 29سنه وممزوج بس عنده علاقات ببعض البنات بيتهم بزيونه ببغداد من افخم البيوت هناك كاعد بي بس هو وامه واخته وابوهم متوفي من فترة طوويله وترك كل املاكه الهم ..... *********************************** عند ورود.... كانت كاعده تصلي كملت صلاه وسلمت بعدها رفعت اديها بالدعاء والمساعده منه.. ورود وهي متوجه ببعبايه الصلاه الرب العالمين ورافعه اديها بالدعاء/...يااربي ياحبيبي كون معي احرسي ورعاني بعينك الذي لاتنام...ياربي حنن قلب الضابط عليه واقنعه يسفرني خارج العراق واحفظ اهلي وامي واخواني ياارب اجمعني بيهم يااربي لاتتركني وحيده اريد اهلي اريد امي ياارب اهئ اهئ اهئ ....مسحت دموعها ونامت علئ سجادتها وهي تتأمل ترجع الاحضان نبع الحنان... قامت من مكانها ونزعت عبايتها وقفت امام المرايه وفتحت شعرها الطوويل وتأملت ملامحها الحاده ركزت بوجهها وشافت الحوار القوي جوة عيونها وانفها احمر من كثر البكاء ملامحها الاثيرة متشبهها تساءلت وين هي ؟؟وليش هيج شكلها تلفان تن*دت بحزن وضلت تفكر بمستقبلها وشنوو ضامه الها الايام ************************************ صعد للغرفه شافها نايمه علئ جنبها اليسار وهي تشهق بالبكاء تقرب منها ودخل وياها بالسرير حضنها من وسطها وهو يقربها الص*رة دفعته بزعل لكن هو متركها... جلال وهو يشم ب*عرها/...لا حبيبي لا تسوين هيج اني اسف موقصدي اهينج واقلل من قيمتج انتي مرتي وحياتي، والطفل ميئثر علئ علاقتنه.. عبير ببكاء/...عوفني انت بس تحب ت**رني وتريد تحسسني اني عقيمه جلال بصدق/...لا والله مو هذا قصدي بس ديانا سئلتني واني جاوبت ...واني اسف مو قصدي والله سكتت وهو ضل يشم بيها ويبوسها ويعتذر منهاا بعدها لفت وجهها عليه وقبلته بحب ورمانسيه وتاهوو ببوسه طوويله ابتعد عنه.. عبير برجاء/..جلال عفيه حبيبي اريد طفل خلينه نتبنئ طفل من الملجئ هناك هوايه ايتام وهم ن**ب اجر بتربيته وهم يصير ابنه جلال برفض/...لا مااريد اتبنئ اني اريد طفل من صلبي انتظري بلكي ربج يرزقنه عبير بحسرة/...لا جلال انت تعرف اني شنوو وتعرف شنوو بيه لذالك لاتواسيني وفكر خلينه نتبنئ طفل عفيه جلال فكر الله يخليك جلال بتنهيده/...لا مااريد طفل من غيري افتهمي عبير اني اريد طفل مني من صلبي الطفل الاتبناء من يكبر شلون يعيش ويانه وهو حرام علينه. عبير بعبرة/...يعني تريد تزوج؟؟ اي اله تزوج يالله يصير عندك طفل والله والله اذا تزوجت مااكعد دقيقه بالبيت... جلال تقرب منها وهو يمسح دموعها/...لا مااتزوج منوو كلج اتزوج انتي تتوهمين خلاص اشوف حل. عبير رفعت راسها من ص*رة/...زين ليش متاخذ طفل من اختك رموش هي قبل فترة كالت اريد احبل وانطي الجلال هااا شنوو رئيك يعني الطفل جلال بتفكير/...الله كريم احاجيها هي حامل موو ؟؟ عبير/...يمكن حامل حضنها بضيق وهي نامت علئ ص*رة وضل يفكر بكلامها وطلبها بطفل من اخته محتار وميريد اله من صلبه طفل شافها هدئت انفاسها بعدها عنه وقام وقف مقابيل المرايه واحساسه متئلم من طلب زوجته هو يقدر يخلف مثله مثل غيرة لكن احتراما الزوجته ميقبل يزوج وهي هم متقبل تحبه بجنون ومن بين افكارة اجت علئ باله ورود ابتسم بخبث. جلال بقلبه/...هههه لكيتها هي ورود التجيب الي الطفل واوهم عبير هذا ابن اختي واتفق ويه اختي متفضح سري ومن ورود تخلف ابني اسفرها خارج العراق تهريب وتكفل بكافه مصاريفها...راح اساومها اكولها يااما تجيبيلي طفل يااما مااسف*ج خارج العراق تنسجن بحظني سنه بين ماتولد ولا تنسجن مؤبد بسجون العراق.... ************************************ الساعه العاشرة صباحا.... دخلت ام علاء شايله **ون وكيس بي اجبان واغراض صاحت علئ ورود ام علاء /...ورود ورود تعالي حظري الريوك ورود/...اي خاله اجيت اخذت منها الأغراض ودخلت للمطبخ حطت القوري علئ الطباخ وحظرت الريوك وجابته بصينه كعدت تأكل هي وام علاء ويسولفن...سمعن اندق الباب ام علاء عرفته الضابط راحت فتحت الباب دخل كان لابس بنطرون اوفايت وقميص اسود وريحت عطرة تارسه الانفاس من شافته ورود وقفت احتراما اله سلم عليها وهي ردت ببرود واطرافها ترجف بعدها مسح وجه بتوتر وطلبها تجي جلال وهو عاقد حواجبه/...ورود الحكيني للصاله ورود فتحت حلكها بصدمه/..هااا.. ليش شكوو؟؟ جلال التفت عليها/...تعالي وانتي تعرفين ورود بخوف/...تجي ويايه ام علاء جلال بهدوء/...لاا تركها وراح للصاله وهي تمسكت باام علاء وضلت تتوسل بيه وترحمها ورود وهي حاضنه ادين ام علاء بااديها/..الله يخليج مااروح مااريد ارووح اخااف خاف يسلمني للجيش ام علاء بتنهيده/...روحي ميسلمج... ورود برجاء/..الله عليج خاله امشي وياي اخذتها ام علاء ووصلتها للصاله دخلن سووة هو ضل يباوع عليهن جلال /...ام علاء اطلعي وخلينه الوحدنه. ام علاء مشت كم خطووة وورود الزمت ايدها مخلتها تطلع ضلت تباوع بوجه ورود ووجه جلال بعدها تركت ايد ورود وطلعت....ضلت واقفه مقابيله وهو يخترقها بنظراته نزلت راسها باان**ار وخجل كانت لابسه بدي رصاصي وفوكاه نفنوف طويل بدون ردن ابيض وبي ورود رصاصي وسمائي وحجاب سمائي ومع بياض بشرتها زايدها جمال كانت متوسطه الطوول ونحيفه وجسمها مخصر وشكلها طفولي الئ ابعد حد جلال بأمر/...اكوعدي كعدت وهي تبلع ريقها بخوووف جلال وهو يتمعن بملامحها الجميلة/..شكد عمرج؟؟ ورود وهي تفرك باديها بتوتر/..اءءء 18سنه جلال جر نفس /..صغيرة...بس ياا ورود عندي حجي وياج واريدج تسمعيني للاخير مفهوم ومتنطين رئيج اله لما اكمل اوك هزت راسها بمعنئ...اي جلال بتردد/...انتي مو تردين اهربج خارج العراق اني حطلعج تهريب وطبعا يكلف هوايه بس مقابل تهريبج وتعيشين سعيده ويه اخوج لازم تخدميني خدمه وبالحلال...هوو طلب ...يمكن يكون شويه صعب بس انتي هم مستفاده وما راح تطلعين بخساره افتهمتي عليه وهااا اريدج تفكرين قبل لا تحجين اي كلمه ومثل ما كتلج المصلحتج هذا الشي ورود بااستغراب/...شنوو الطلب؟؟ جلال بتنهيده/...اريد طفل منج قامت مفزوعه ومرعوبه وجسمها كوله يرجف من طلبه رجفن شفايفها بخووف ونزلت دموعها وهي تغلي من العصبيه ومن طلبه المرفوض.... ورورد برجفه/...ش..ششنوو؟؟ طفل شنوو؟؟ شلون ؟؟ جلال ببرود/...عادي من تصيرين حامل تنطيني الطفل وبعدها اني اسف*ج تهريب خارج العراق عن طريق البحر ورود بصدمه/...يا طفل يابحر انت شتحجي شنو شلون انطيك طفل جلال بهدوء/...عااادي اقضي وياج كم ليله ورود بخجل ونهيار ورعب صار تض*ب بي بقوة وهو صامد/...ياسخيف ياكلب ياخبيث اكرهك اكرهك ياليله التقضيها ان شاء اللة يصير بيه برص قبل ماتلمسني تريد تقضي ليله بالحرام ياكافر. لزمها بثنين اديه من خصرها وهو يثبتها وبهمس/...منو كال بالحرام؟؟ حاولت تبعد اديه القاسيه عن خصرها وهي مرعوبه/..عووفني اااه **رت ضهري عوفني هذا حجيك تدور وياي حرام نزل راسه المستواها وهمس الها بهدووء/...مو حرام عقد وزواج يعني نتزوج وبعدين كل من يروح بحال سبيله... دفعته بكل قووتهاا وهي تنتحب وتشهق بالبكاء ضل ينظر الها بنظرات غريبه وكان شكلها لايقاوم انفها احمر وحجابها تخربط ومع خروج خصلات شعرها ونظراتها البريئه والحزينه الدامعه زاد بااصرارة عليها ورود بنهيار/...لو تموت ماتلمسني واذا تريد تسلمني للجيش عادي سلمني ... تركته قبل لا تسمع رده وطلعت ض*بت الباب بقووة شافتها ام علاء واستغربت بكاءها وصياحها ركضت الغرفتها وقفلت الباب...اما هو طلع بعد كم دقيقه وأيضا ام علاء رادت تسأله لكن هو طلع قبل سؤالها راحت ام علاء شافتها نايمه علئ وجهها وتبجي تقربت منها ورفعتها ضمتها الص*رها سألتها شنو البيها بس هي محجت... ام علاء/..شبيج شسوالج الضابط وهيج تبجين؟؟ ورود بنحيب/...مسوه شئ بس اني لازم اطلع منا مسكت ادين ام علاء بتوسل...الله عليج ساعديني اني ممتخرجه ومااعرف بغداد واماكنها ساعديني الله يخليج خلي اطلع منا لازم اطلع ام علاء تن*دت وماردت عليها...لان تعرف مستحيل تكدر تساعدها ولا تكدر تخفيها عن الضابط ضلت تطبطب علئ كتفها وتهديها. نامت علئ ص*ر ام علاء وهي تشهق من الخوف وتتذكر كلامه حطت ايدها علئ خصرها وهي تمسح لمساته ضلت تنتحب وتلهج بااسم امها وابوها وبعدها نامت تعبانه مهضومه وكل شويه تفز مرعووبه.... *********************************** رفس الباب بقووة لكن ماانفتح ضل يدك بكل قووته مراد بعصبيه وهو لازم الكريم بيبي الرشاش التابع لديانا ويدك بعصبيه فلش الباب تفليش/.. لج ديانا اطلعي خررب يومج كم مرة كوتلج لا تدخلين الغرفتي وتمكيجين بيها... ديانا كانت حاطه الهتفون بااذانها وتدنن وتركص علئ اغنيه اجنبيه ولابسه ستريج اسود وبدي احمر عريض نازل من الكتف ورافعه شعرها ليفوك ومنزله بعض الخصل....استغربت صوت الض*ب علئ الباب وعقدت حواجبها وخرت الهتفون من اذانها وسمعت صوت مراد تذمرت من تصرفاته وفتحت الباب. ديانا بدون نفس/...خير خير هاجم عليه عبالك مقتحم بيت مشبوه. مراد بعصبيه/...كم مرة كوتلج لا تمكيجين بغرفتي شوفي شسويت رشيت الكريم عبالي عطر وقميصي تدمر هسه شلوون؟؟ ديانا بضحكه/...ههههههههههه لك شبيك غير تقرة الاسم لو تجيب وتخلي بدون فهم مراد بوعيد/...بدون. فهم مووو؟؟؟ لزمها من تشيرتها وهوو يثبتها ويرش الكريم عليها وهي تبعد بي وتسب بي وكعت علئ الارض وكدرت تنهزم منه نزلت تركض من الدرج وهو يركض وراها وغركها تغرك بالكريم ...شافت امها وختلت وراها ديانا وهي ورة ضهر امها/...ماما ماما صيحي بمراد شوفي شنو سوة بيه «وهي تباوع علئ تشيرتها» دمر تشيرتي.. الام /...لك مراد شبيك تخبلت رجال شكبرك تركض ورة اختك شخليتوا للجهال مراد/...دا تعاندني مخليه الكريم مالتها وعبالي عطر ورشيته وشوفي قميصي تدمر واني عندي طلعه ويه اصدقائي هسه شلون اروح..؟؟ ديانا من ورة ضهر امها/...طلعه لو موعد؟؟ حل هسه حبيبتك انض*بت بوري مراد بنص عين /..انض*بت بووري... اني الج اله ارجعها الج.....سحبها من شعرها بمزح وهو يرش الكريم عليها وهي تض*ب بي بعدها شمر العلبه وهو يضحك وصعد فووك...كعدت علئ القنفه بعد معركتها الخسرانه وهي تتذمر وتمسح بوجهها وشعرها صاحت عليه وهو يصعد الدرج دا يريد يبدل/...ونبي اله اكول العموو جلال اخلي يحبسك بالسجن وتعفن هناك. مراد/...هههههاي خوفتيني ديانا بغيض/..ونبي ونبي اله اكول العموو عليه باع شسوة بيه دمرني دمار مرادووو الخبل وين موبايلي اووف كطع السماعه... الام/..لج شبيج خبله انتي؟؟ ديانا بعناد/...اي خبله اني خبله وين موبايلي دا اريد اخابر عموو الام /..شدراني... رفعت الكوشات وهي تدور على القنفه لكته اخذته وصعدت فوك وصلت الباب غرفه مراد ض*بته بقووة وشردت وقفلت باب غرفتها... ************************************ دخل للبيت شاف زوجته بالمطبخ مخليه السماعات بااذانها ومندمجه ويه الاغنيه وتطع فواكه وتاكل ضل يباوعلها بنظرات جريئه بعدها حضنها من خصرها وهو يبوسها التفتت عليه وابتسمت باسته بخده وحطت قطعه التفاح بحلكه اكلها منها وعض اصبعها عبير بدلع/...اوووي عضيت اصبعي جلال عض شفته/...تستاهلين عبالي تفاحه عبير وهي تحضنه من خصره/..هههه كذب عليه كذب جلال بحب/...ههههاي والله احلئ تفاحه عبير وهي تلمس خده/..جلال تحبني؟؟ جلال بتنهيده/...لو مااحبج مااسوي المستحيل الخاطر عيوونج ولا اضلم ناس الخاطرج .....تقربت منه اكثر وهي توكف علئ اطراف اصابعها وتقبله بشفايفه بحب وهو مبادله القبله...قطع عليهم قبلتهم الموبايل المتصل رفعه شاف الرقم. جلال... الووو هلاوو عموو دنوو شلونج؟؟ ديانا بزعل/...هلاووو عموو مو زينه. جلال بااستغراب...خير شصاير؟؟ ليش مو زينه؟؟ ديانا بصوت انثوي مايع/..عموو هو مراد خبلني بس يعارك بيه واليوم خرب الميك آب مالتي عفيه عموو اشمرة بسجن فد عشر ايام خلي يتووب جلال...هههههه بس عشر ايام الخاطر عيونج اسجنه شهر كامل واخلي يعفن بسجن واسويله عقوبه سجن انفرادي وخليهم يشبعوو كتل. ديانا/...ههههههه اي عفيه عمووو دا اريده يتوب جلال...ههههه تدللين كم ديانا عدنه ديانا بدلع/..بس وحده الي هي اني ضل يحجي وياها ويضحك وبعدين انطته مراد وضل يرزل بي ومراد ميت ضحك وهدده بمزح يسجنه وجانت عبير واكفه وشاف علامات الضيق والزعل علئ ملامحها قفل الخط وتقرب منها وحضنها... جلال بتساؤل/...شبيج عبير؟؟ عبير بجمود/..مابيه شئ؟؟ جلال/...لا بيج اني شفتج من خلال المكالمه انتي وجهج ميتفسر اني حجيت شئ غثج؟؟ عبير بصدق/...لا بس بصراحه اني احبك حيييل واغار عليك حتئ من ديانا مااعرف شيصير بيه من تحجي ويه ديانا رغم هي بنت اخووك جلال بعصبيه/..شنوو هذا الحجي؟؟معقوله انتي؟؟ ديانا بنت اخوويه واني مربيها شلون هيج تفكرين وبعدين ديانا صغيرة ومات ابوها وتعتبرني سند الها وبمثابه ابوها واني شتريد اقدم الها الان وهي وصيه اخويه عبير نزلت راسها متندمه/...العفوو حبيبي اني اسفه. رفع اصبعه بتهديد وقرب وجه من وجهها/..اياني واياج تعيدين هذا الكلام مرة ثانيه وهي السوالف التعبانه بطليها.... رفعت عيونها السوداء العيونه العسليه...ومسكت طرف اصبعه بحنيه...اما هوو نكت اصبعه من ايدها وراح عنها بعصبيه صعد بايات الدرج وهو يفكر بكلامها وغيرتها الغير مقبوله من بنت اخووو تذكر ورود وشلون اذا درت بيها عنده شتسوي وهي من بنت اخوو تغاار... وصل الغرفته ورمئ نفسه علئ السرير وهو يتنفس بغضب كلامها جننه وشككه بنفسه شلون اذا تعرف عرض الزواج علئ ورود شحتسوي...تذكر اليوم من ورود ض*بته وهو ثبتها من خصرها وحس بنعومت خصرها وصغرها وضياعها بين اديه احساس اتولد بداخله ورغبه كبيرة صارت عنده بقربها لكن كان كل همه هوو طفل يملي عليه حياته ويخلصه من مشاكله وتسفير ورود الئ أمريكا.... ************************************ مانامت اليل كوله تبجي وتفكر بكلامه ولمساته الها رغم قسوتها لكن اثرن بيها وكلامه حاله خاصه وطلبه المعروض لحد الان طير النووم من عينها.... من بين خوفها وبكائها شافت المنتسبه نايمه علئ القنفه يمها وماتركتها من اول مااجت من كركوك ....مشت بحذر علئ اطراف اصابعها وفتحت الكنتور اخذ صايه وحجاب لبستهن بسرعه وفتحت جنطه المنتسبه اخذت كم فلس ولزمتهن باايدها فتحت الباب بهدوء وطلعت من الغرفه وصلت الباب الغرفه حاولت تفتحه لكن مكدرت جان مقفول...بجت بيئس راحت وخرت البرده ورادت تفتح الشباك فتحته بس متكدر تنهزم منه لان بيه حدايد طوال ومقسمه متكدر تفوت منهن ضلت تنظر لاجواء اليل بخووف ضلام دامس وغربه وووحشه استوعبت وادركت شنوو الجانت دا تسوي ومن بين مخيلتها خافت ورتدعت اذا تطلع تضيع هي متعرف المحافظه واهلها وازقتها استسلمت الارض الواقع ونتحبت بصوت حزين ورود بنهيار/...وين اروح ومن يهتم بيه اني مطلووبه يااربي عيني صرت بين نارين لا اني كادرة انهزم ولا اني كادرة اضل الحقير ساومني يريد طفل مني وبعدها يشمرني مثل الكلبه ااااه شسوي ياربي اخاف اقبل بشرطه واتندم والله شرطه صعب صعب حييل وبعدها كملت...خليني اوافق عليه واخلي يهربني خارج العراق ذيب واحد يلمسني ولا الف كلب ينهش لحمي....ياربي مشتاقه الامي واهلي عايشه برعب والله عايشه برعب خلني اخلف منه وهو يتكفل بيه ويهزمني اعيش مرتاحه باامريكا ومو خايفه بس شلون والطفل الانطي اله زين ليش يريد مني طفل ليش ميزوج وتخلف مرته شنوو غايته خلي باجر اخابرة وافتهم منه ضلت تبكي وتبكي لحد مانامت ودموعها ماجفت نامت علئ القنفه وهي لازمه الفلوس بيدها ولابسه الصايه والحجاب وجفاف الدموع علئ خدودها الشاحبه من كثرة البكاء....