"Do you have a boyfriend, Cass?" tanong sa kaniya ni Zander nang mailapag na niya sa mesa nito ang tinimplang kape.
"Naku wala po, Senyorito," kaagad niyang sagot dito.
"What? Sa ganda mong 'yan? Impossible naman na walang nanliligaw sa'yo?" muling tanong nito na hindi makapaniwala sa kaniyang naging sagot.
"Meron naman po dati noong nag-aaral pa po ako pero hindi po ako interesado sa pakikipag-boyfriend," aniya.
"Ah... Okay. Natanong ko lang naman out of curiosity," sabi nito habang tumatango-tango. "Sige, Cass salamat sa kape."
Lumabas na siya sa kuwarto nito saka muling bumalik sa kusina ngunit pababa pa lang siya ng hagdan ay nakasalubong niya si Yvonne. Tulad ng nakagawian nito sa tuwing nakikita siya ay nakataas na naman ang isang kilay nito at nakahalukipkip ang mga kamay.
