"Anong ginagawa mo rito?" tanong ni Manang Meding nang makita nito si Cassandra na lumabas na sa kuwarto.
"Magtatrabaho na po, Manang," sagot niya.
"Ano? 'Di ba ang sabi sa'yo eh, magpahinga ka muna? Bakit ba kasi ang tigas ng ulo mo?" medyo galit nang sabi ni Manang.
"Manang, okay na po ako. Tama na po ang kalahating araw na pahinga. Saka may mga vitamins naman po na binigay sa akin kaya iinumin ko na lang po iyon palagi," saad niya rito.
"Hay naku! Ewan ko sa iyong, bata ka. Sige, kung ayaw mo magpapigil ay ang mga magaan lang na gawain muna ang gawin mo," ani Manang sa kaniya sabay buntonghininga.
"Thank you po, Manang," nakangiti niyang tugon dito.
"Pakigawan mo na lang ng kape si Don Manuel at dalhin mo sa opisina niya," wika ni Manang na kaagad niyang sinunod.
Ewan ba n
