PAGKATAPOS umalis ni Bria sa mansion ng Del Mundo ay dumiretso siya sa bar na madalas nilang puntahan ng mga ka-trabaho kung gusto nilang mag-unwind o hindi kaya ay gusto nilang mabawasan ang stress nila sa trabaho. At ayaw pang umuwi ni Bria dahil mas malulungkot lang siya, mas maalala lang niya ang nangyaring pag-uusap nila ng ama.
At sa kauna-unahang pagkakataon ay ngayon lang siya nasampal ng ama. Ngayon lang siya nito nasaktan. At dahil lang iyon sa hindi niya pagsunod sa gusto nitong gawin.
Tutol kasi siya sa gustong mangyari ng ama, tutol siya sa gusto nitong isabotahe niya ang construction ng business ni Frank. Dahil kapag ginawa niya iyon ay ang pinaghirapan niya ang mawawala sa kanya. At hindi lang iyon, maraming malalagay sa panganib kung low quality ng materyales ang gagami
