PAGKATAPOS mag-supervise ni Bria sa team niya ay tumingin siya sa dereksiyon kung nasaan si Frank.
Naroon pa din ito sa site ng sandaling iyon. Hindi naman niya alam kung ano ang hinihintay nito kung bakit naroon pa ito, kung bakit hindi pa din ito umaalis. Tapos naman na itong mag-visit doon gaya ng sinabi nito sa kanya. Abala na nga ang team niya sa kanya-kanyang ginagawa. As much as she wanted to stay by his side, she couldn't due to work commitments.
Nagpaalam naman si Bria sa mga kausap at humakbang siya palapit sa kinaroroonan nito.
At mukhang naramdaman ni Frank ang presensiya niya dahil nag-angat ito ng tingin patungo sa dereksiyon niya.
At nang magtagpo ang mga mata nila ay hindi na nito inalis ang tingin sa kanya. Para nga ding may magnetiko na naghihila sa kanya para sa
