MASAMA ang pakiramdam ni Bria nang magising siya kinabukasan. Gayunman, kahit na masama ang pakiramdam niya ay kailangan pa din niyang bumangon dahil kailangan niyang i-ready ang anak sa pagpasok nito sa school.
Dahan-dahan siyang bumangon mula sa pagkakahiga niya sa kama. Saglit siyang nanatiling nakaupo sa gilid ng katre nang medyo umikot ang paningin niya.
Ramdam nga niya na medyo mainit ang pakiramdam niya. Naisipan naman niyang uminom na lang ng gamot para hindi na iyon tumuloy sa trangkaso.
Hindi pa naman siya pwedeng magkasakit dahil walang mag-aalaga sa anak niya. Ilang beses na nga ding nangyari iyon sa kanya. Pero kahit may sakit ay tinitiis na lang niya. Pilit niyang kumikilos dahil kung magpapahinga siya? Sinong mag-aalaga sa anak niya? Sinong magluluto sa kakainin nilang
