HINDI maipaliwanag ni Bria pero bumilis ang t***k ng puso niya habang sinusundan niya ng tingin si Frank habang naglalakad ito palabas. At nang mawala ito sa paningin ay do'n lang niya inalis ang tingin dito at muling napatingin sa cellphone niya at paulit-ulit na binabasa ang text message nito sa kanya.
Sandaling napatitig si Bria sa cellphone hanggang sa humugot siya ng malalim na buntong-hininga. Tumayo din siya mula sa pagkakaupo niya dahilan para napatigil ang kasama niya sa mesa at napatingin sa kanya.
"Sa restroom lang ako," paalam niya sa mga ito.
"Gusto mo bang samahan kita?" Napatingin naman si Bria kay Ervin nang marinig niya ang boses nito. Bubuka sana ang bibig niya para magsalita nang mapatigil siya ng tuksuhin na naman sila ng mga kasamahan nila.
"Hindi na. Kaya ko na
