INALIS ni Bria ang tingin sa sketch pad na nakalapag sa ibabaw ng center table at pagkatapos niyon ay inilipat niya ang tingin kay Frank na nakaupo sa swivel chair nito. Napansin niyang tutok na tutok ang lalaki sa monitor ng laptop nito. He looked super serious, staring at his laptop.
At hindi maipaliwanag ni Bria kung bakit nagkaroon siya ng interest na panuorin ito. At sa halip na ituon ang atensiyon kung bakit siya naroon sa opisina ni Frank ay itinuon na lang niya ang atensiyon sa pagmamasid dito.
Nasa opisina si Bria ni Frank ng sandaling iyon hindi dahil sa pagiging 'fiance' kuno nilang dalawa. Naroon siya sa opisna nito dahil sa trabaho. Kailangan kasi nilang mag-usap na dalawa para i-finalize ang design ng building ng expansion ng business nito. Pero pagdating niya sa opisina n
