Estrangherado
“Ang tagal mo naman! Sabi mo 3 minutes ka lang!” Ang walang pagsulyap sa bagong katabi sa tulay na si Philip at may bahagyang pagkainip na sambit ni Alaya.
“Hello? Ang sabi ko 5 minutes! Medyo nautusan pa kasi ako ni Tiyong bago niya ako pinagbigyan na hiramin ‘yung bangka n’ya. Ang sabi ko mangangawil lang ako ng imelda sa ilog…”
“H’wag kang mag-alala. Pagkatapos ng misyon natin ngayong araw na ito ay ipapabaon ko sa iyo ‘yung bangus na nasa freezer ng kusina namin. Nasa akin ang susi ng main gate ngayong buong buwan na ito, kaya p’wede tayo maglabas-masok sa kusina kung kailangan…”
Tinitigan ni Alaya si Philip at may dinagdag pa sa nakaraang sinabi, “I know you naman, tart, laging gutom ‘yang alaga mong sawa sa t’yan! Hahaha!”
“Kung makapanlait ka naman, ghurl, parang
