PAGKATAPOS mag-agahan tumungo si Macaria kasama si Kaleb sa malaking kubo. Sinabihan niya itong huwag nang sumama pero mapilit. Naabutan nilang halos lahat ng katututubo ay nasa labas ng kubo at nakiki-usyoso sa mga kaganapan.
At ganoon rin sa loob pagpasok nila ng kubo. Kumpulan ang mga katutubo roon na maingay na nagbubulungan.
Ano bang nangyayari? Tila may interesanteng palabas na pinonood ang mga ito roon sa pinagkukumpulan.
“Nasaan ba si Haryeta?”
Palinga-linga si Macaria na hinahanap ang kaibigang si Haryeta. Naka-akbay sa kaniya si Kaleb na nakikisiksik ang dalawa sa mga tao hanggang makarating sa unahan.
Natigilan si Macaria nang bumungad sa kanila si Heron. Wala itong pang-itaas, may mga galos sa braso at dibdib. Nagdurugo rin ang pumutok na gilid ng labi.
“Heron.” Lala
