“Anong nangyari, Amir?” Pumasok si Ser-Al sa kubo.
“Pinuno, hindi maganda ang kalagayan ni Talisma. Ilang araw na siyang inaapoy ng lagnat.” Gumilid si Amir nang tumayo sa tabi ng papag si Ser-Al kung saan naratay ang balot na balot ng kumot na si Talisma.
“Talisma?” Tawag ni Ser-Al dito.
Umungol lang si Talisma. Mariing nakapikit, gumigitaw ang butil-butil ng pawis sa noo.
“Ilang araw na siyang ganyan, Lila?” Tanong ni Ser-Al sa may bahay nito.
“Tatlong araw na,” sagot ni Lila. Kababakasan ng pag-alala ang tono nito habang pinupunasan ng basang tela ang noo ng asawa.
“Dinala mo na ba siya kay Apong Guran?” Tukoy nito sa itinuturing na mang-gagamot sa isla.
“Oo, Ser-Al. Binigyan siya ng mga halamang gamot. Walang palya namang naman iniinim ‘yon ng aking asawa. Pero hindi pa rin
